Đơs Crih 32:3 - Sră Goh 2018

³ Tòm tŭ añ ò yal glài añ jê, gen să jan añ lề lac, Mơ añ rơnđơh jơh ngai mho.

Đơs Crih 32:3 ပူးပေါင်းရင်းမြစ်များ

II Samuel 11:27

Tòm tŭ neh jơh ală ngai ñìm ƀồc rau, Dabit sồr cèng khai tus tòm gơlang bơtau, khai gơlik gơs bau ùr bơtau dê mơ tơnggơs khai in dô nă kòn klau. Mơya bơta Dabit neh lơh hơ̆ ò niam nùs Yàng Jehôwa.

Sră Jop 3:24

Bơh bơta tă nhơm jòng añ jê tus be phan sa, Mơ bơta rơnđơh añ jê hòr lik kung be dà.

Sră Jop 30:17

Trồ mang lơh pơnjê ală ntìng añ, Bơta jê sồt sa tơrging añ sùm ò dơh.

Sră Jop 30:30

Gơltau añ gơlik jù mơ gơklò, mơ ntìng añ duh be ồs sa.

Đơs Crih 22:1

Ơ Yàng Tom Trồ añ jê, ơ Yàng Tom Trồ añ jê, ñchi bơh tài Kơnràñ sang lòi añ? Ñchi bơh tài Kơnràñ ơm ngài ò dong kòl añ, mơ ò kơno jơnau rac ròc añ jê taih?

Đơs Crih 38:3

Tài bơh bơta gơjrañ Yàng dê, poac să añ ò gơs tiah lơi gam niam; Tài bơh tồi glài añ jê, ntìng añ ò gơs sơmbòi.

Đơs Crih 38:8

Añ kong siar roh jơh hir mơ gơlơh be lề lac jơh, Añ rơnđơh tài bơh nùs añ kơnjơ̆ ò suk ơm.

Đơs Crih 51:8

Dan ai añ in geh bềng bơta hòn chò hừh hơh, Lòi añ in kơno bơta hòn chò, lòi ală ntìng mơ Kơnràñ neh dơrpă geh hòn chò.

Đơs Crih 6:2

Ơ Yàng Jehôwa, dan kòñ nđàc di añ, bơh añ òsô ò soàn; Ơ Yàng Jehôwa, sơm añ, bơh ntìng añ gơ mprơm.

Jơnau Pơnđik 17:22

Nùs hòn chò ngan la sơnơm ƀă tàm; Ai dơngoh kơlôi moat lơh hwềng soàn ro rañ.

Jơnau Pơnđik 28:13

Cau lơi pồn prap tồi glài he rơp ò geh bơtoah; mơya cau lơi yal tơlik gơ mơ sang lòi gơ gen rơp geh nđàc sơngit.

Esai 51:20

Ală kòn bol mê dê òsô mơ bol khai gơpừ chơt yơh di bồ ală gùng me, be be brê gơkòl yar tòm bơtơng. Bol khai bềng bơta gơjrañ dờng Yàng Jehôwa dê mơ bơta lah pơrhơng Yàng Tom Trồ bol mê dê.

Esai 57:17

Tài bơh bơta hàm hà iơh bơsak bol khai dê Añ neh gơhào gơjrañ; Añ neh pòng lơh bol khai, mơ Añ neh pồn mat tòm tŭ gơjrañ, mơya khai kư̆ lòt tòm ală gùng jat nùs is bol khai dê.

Esai 59:11

Bol he jơh tơl nă ơnung kung be ală jơgơu, mơ ñìm rac pơt wòl kung be ală sềm ntòp. Bol he jòi jat bơta song ring, mơya jòi ò bàn, jòi jat bơta dong klàs mơya gơ ơm ngài ngan.

Ñìm Rac 1:3

Juda kong kup cèng pơrdô kong jê sồt bòl glar lơh broă kơnjơ̆ be cau dĭ. Tŭ do khai ơm digùl ală làng bol, mơ jòi ò geh tiah ơm rlô. Ală cau ting jat kup khai cèng digùl bơta bòl glar khai dê.

Ñìm Rac 3:4

Kơnràñ neh lơh poac mơ gơltau añ jê siar roh, mơ neh dơrkă ală ntìng añ jê,

Ñìm Rac 3:8

Bulah añ hòi driau mơ dan dong kòl, Kơnràñ neh sềt tồr ò iat jơnau hòi dan añ jê;

Sră Ôse 7:14

Bol khai ò hòi dan mơ Añ bơh nùs bol khai dê, mơya bol khai pơt wòl hơđang cơnòng bic bol khai dê. Bol khai còr să tòm bol khai nàng dan kòi mi mơ tơrnòm, bol khai pơrlơ̆ dră di Añ.

I Samuel 31:13

Gen bol khai ai ală ntìng ƀồc bol khai dê mơ tơp di tòm chi nho rề tòm Jabes, mơ bol khai ơt sa tòm poh ngai.