Đơs Crih 3:3 - Sră Goh 2018

³ Mơya, ơ Yàng Jehôwa, Kơnràñ la khèl cang kìng añ jê; Kơnràñ la bơta gơklŏ añ jê, mơ la Bơtau pò tơngguh bồ añ jê.

Đơs Crih 3:3 ပူးပေါင်းရင်းမြစ်များ

Sơnròp Gơlik Gơs 15:1

Tơnơ̆ mơ ală broă hơ̆, tòm dô bơta gơtơnggŏ gơs jơnau Yàng Jehôwa đơs mơ Abram lah: “Ơ Abram, bañ rngòt! Añ la khèl đo mê dê, phan ƀàn mê rơp dờng ngan.”

Sơnròp Gơlik Gơs 40:13

Tòm pe ngai tai, Pharaôn rơp toh ồng bơh dê hìu jàm, ai wơl gơnoar ồng in, ồng tong mơngàn Pharaôn dê tòm tê khai be lài òr, be tòm tŭ ồng gam gơs kwang at bồ yò ñô.

II Ală Bơtau 18:30

Kung bañ lòi khai lơh bol mê dòn kơnòm di Yàng Jehôwa, mơ đơs lah: “Yàng Jehôwa rơp dong tă bol he, mơ ƀòn do rơp ò gơtơmut tòm tê bơtau Asiri.”

II Ală Bơtau 18:32

jơl tus di tŭ añ tus lam bol mê mut tòm dô nơm lơgar kung be lơgar bol mê dê, hơ̆ la lơgar gơs kòi mơ tơrnòm, ƀañ mơ suơn ño, dô lơgar gơs mơñà ôlibe mơ dà lơwe. Behơ̆ bol mê rơp kis, mơ ò chơt. Behơ̆, bañ iat Ejekia, bơh khai pơrlồm bol mê tòm tŭ đơs lah: Yàng Jehôwa rơp dong tă bol he.

II Ală Bơtau 25:27

Tòm nam dơ̆ pe jơt poh Jehôyakin bơtau Juda kòl kup cèng, ngai bàr jơt poh kơnhai jơt bàr, Ebilmerodak bơtau Babilôn, tòm nam hơ̆ khai sơntòm at bồ, khai hồ toh Jehôyakin bơtau Juda lik bơh hìu jàm.

Đơs Crih 110:7

Kơnràñ rơp ñô dà croh di gah gùng, Bơh hơ̆ Kơnràñ rơp pò bồ hơđang.

Đơs Crih 119:114

Kơnràñ la tiah añ kìng crŭ pồn să mơ be la khèl đo añ jê; Añ gơn kơnòm di jơnau Yàng dê.

Đơs Crih 18:2

Yàng Jehôwa la pơnai lŭ añ jê, tiah kìng crŭ añ jê, Bơtau dong tă añ, Yàng Tom Trồ añ, tòm Kơnràñ añ rơp kìng crŭ să añ, la bơta pràn kơldang añ. Kơnràñ kung la khèl añ jê, la gơnoar pràn bơta dong klàs añ jê, mơ la tiah kìng crŭ kơ̆ cê añ jê.

Đơs Crih 27:6

Tŭ do bồ añ pò tơngguh hơđang rlau mơ jơh ală cau sò tơm gùt dar añ; Tòm sàl Kơnràñ dê añ rơp ơn phan ơn duh khoai bal mơ jơnau driau dờng hòn chò; Añ rơp đơs chò mơ jòng ro Yàng Jehôwa.

Đơs Crih 28:7

Yàng Jehôwa la bơta pràn kơldang mơ la khèl añ jê; Nùs añ neh dòn kơnòm di Kơnràñ mơ geh dong kòl; Tài behơ̆ nùs añ gơs hòn chò ngan, Mơ añ ai bơta đơs chò nàng ưnngài Kơnràñ.

Đơs Crih 4:3

Mơya pal git lah Yàng Jehôwa neh lòi is cau duh rngòt Kơnràñ in, tòm tŭ añ hòi dan, Yàng Jehôwa iat jơnau añ.

Đơs Crih 62:7

Bơta dong klàs mơ bơta ryŭ ryơm añ jê la bơh Yàng Tom Trồ; Kơnràñ la lŭ klềr pràn kơldang añ jê, tiah kìng crŭ añ jê tòm Yàng Tom Trồ.

Đơs Crih 84:11

Bơh Jehôwa Yàng Tom Trồ la mattơngai mơ khèl; Kơnràñ ai bơta nđàc mơ bơta ryŭ ryơm; Yàng Jehôwa ò pơlai bơta niam lơi mơ ò ai cau lơi in lơh lòt dô bă song.

Esai 45:25

Mơya tòm Yàng Jehôwa, jơh ală kòn sau Israel dê rơp geh pha lin mơ gơklŏ.

Esai 60:19

Mattơngai rơp ò gam la bơta àng mê dê tòm trồ ngai, mơ bơta àng gơcrà mat kơnhai dê kung ò gam sòl pơnđàng tòm trồ mang mê dê; Mơya bơh Yàng Jehôwa rơp la bơta àng gam sùm sùm mê dê, mơ Yàng Tom Trồ mê dê rơp la bơta gơklŏ mê dê.

Luka 2:32

hơ̆ la bơta àng yal tơlik làng bol bơdìh in, mơ la bơta gơklŏ làng bol Israel Kơnràñ dê.”

Yal Wơl 33:29

Ơ Israel, lơngai lơngò mê in! Ñcau ndròm be mê la dô nơm làng bol geh Yàng Jehôwa dong klàs, Kơnràñ la khèl đo mơ la bơta dong kòl mê dê, mơ la đào bơta pha lin mê dê. Ală cau sò tơm mê dê rơp cùn khoai di đap mê, mơ mê rơp jă hơđang ngkòi bol khai dê.”

Yal Tơlik 21:11

Gơ gơs bơta gơklŏ Yàng Tom Trồ dê, bơta àng gơcrà ƀòn dê ndròm be lŭ màng gơcrà, be lŭ bò gơcrà, sàng be krơh àng goh.

Yal Tơlik 21:23

Ƀòn dờng ò càng mattơngai mơ kơnhai nàng pơnđàng sòl, bơh bơta gơklŏ Yàng Tom Trồ dê àng gơcrà, mơ Belàt Kòn la bơta àng ƀòn dê.