Đơs Crih 27:9 - Sră Goh 2018

⁹ Dan bañ pồn ndơp mat Yàng bơh di añ. Bañ bơtrơh tơlo cau duh broă Kơnràñ dê tòm tŭ Kơnràñ gơhào gơjrañ, Ơ Yàng la Bơtau neh dong kòl añ. Ơ Yàng Tom Trồ bơta dong klàs añ jê, Dan bañ sang añ mơ bañ lòi añ.

Đơs Crih 27:9 ပူးပေါင်းရင်းမြစ်များ

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

Đơs Crih 102:2

Tòm ngai bòl glar añ jê, dan bañ pồn mat Kơnràñ bơh di añ! Dan wèt tồr iat añ; Tòm ngai añ rac dan, dan mhar ho wơl añ in!

Đơs Crih 102:3

Bơh ală ngai añ jê lòt gan rlau be ñhŭ, Mơ ală ntìng añ jê duh be dô nơm bơnhă.

Đơs Crih 119:121

Añ neh lơh bơta song ngan mơ song ring; Dan bañ jào phi añ di cau rồn bơklơn añ.

Đơs Crih 13:1

Ơ Yàng Jehôwa, jơl tus di tŭ lơi taih? Kơnràñ rơp hŭi añ sùm sùm sơl ơ? Kơnràñ pơndơp mat di añ jơl tus di tŭ lơi taih?

Đơs Crih 143:7

Ơ Yàng Jehôwa, dan mhar ho wơl jơnau añ jê! Hwềng soàn añ gơplơ̆! Dan bañ pồn mat Yàng dê bơh añ, Rngòt añ gơlik gơs be ală cau mù tòm bơtô.

Đơs Crih 24:5

Cau hơ̆ rơp geh lơngai bơh Yàng Jehôwa, Mơ geh Yàng Tom Trồ bơta dong klàs khai dê yal tơlik khai la song ring.

Đơs Crih 44:24

Ñchi bơh tài Yàng pồn mat taih? Ñchi bơh tài Kơnràñ lơh hŭi bơta bòl glar mơ bơta rồn bơklơn di bol hi taih?

Đơs Crih 51:11

Dan bañ sang lòi añ bơh di đap Yàng, Kung bañ tă Hwềng Goh Yàng dê bơh di añ.

Đơs Crih 69:17

Dan Kơnràñ bañ pồn mat di cau duh broă Kơnràñ dê; Dan mhar mhar ho wơl añ, tài bơh añ bòl glar ngan.

Đơs Crih 69:18

Dan tus rềp mơ añ, mơ dong tơwài añ; Dan hồ toh añ tài bơh gơs cau sò tơm di añ.

Đơs Crih 88:1

Ơ Yàng Jehôwa, la Yàng Tom Trồ bơta dong klàs añ jê, tòm trồ mang añ rac dan di đap Yàng.

Esai 50:1

Yàng Jehôwa đơs be do: “Ntềng đah sră cơng tàng lòi bau mơ Añ neh lơh nàng sang lòi mè mê dê taih? Hala sră mơ Añ neh tac bol mê mơ cau tòm dồs taih? Tài bơh tồi glài bol mê dê tàng bol mê gơkòl tac; tài bơh bơta tìs glài mè bol mê dê tàng kong sang lòi.

Esai 59:2

Mơya ală bơta tồi glài iơh bơsak bol mê dê neh cah digùl bol mê mơ Yàng Tom Trồ bol mê dê; mơ tồi glài bol mê dê neh cang kìng mat Kơnràñ bơh di bol mê, tian gơs Kơnràñ ò iat.

Jeremi 32:40

Añ rơp bơtào bơta ho bal gam sùm sùm mơ bol khai; ò tŭ lơi sang lòi mơya kư̆ ai lơngai bol khai in; mơ Añ rơp ơn bơta duh rngòt di Añ tòm nùs, nàng bol khai ò sang lòi Añ.

Hebrơ 13:5

Bañ gơs nùs hàm hà jền priă; hừh nùs tĕ tòm bơta he neh gơs, bơh să tòm Yàng neh đơs lah: “Añ ò gơs tŭ lơi sang mê, kung ò gơs tŭ lơi lòi mê.”

I Samuel 7:12

Gen Samuel ai dô nơm lŭ mơ bơtào gơ digùl Mispa mơ Jesanah, mơ tơmoh sơnđan gơ la Ebenejer, mơ khai đơs lah: “Yàng Jehôwa neh dong bol he jơl tus di tŭ do.”