Đơs Crih 26:3 - Sră Goh 2018

³ Bơh bơta kòñ gơboh kơ̆ dơn Kơnràñ dê ơn di đap mat añ. Mơ añ lơh lòt tòm bơta dòn song mơ Kơnràñ.

Đơs Crih 26:3 ပူးပေါင်းရင်းမြစ်များ

II Ală Bơtau 20:3

“Ơ Yàng Jehôwa! Tŭ do añ rac dan mơ Kơnràñ, kah tĕ lah mbe lơi añ neh jơh nùs lòt di đap Yàng tòm bơta dòn song di đap Yàng, mơ neh lơh bơta niam di đap Yàng.” Ejekia ñìm rac sràt bơtang ngan.

Đơs Crih 101:2

Añ rơp bơtê lòt jat gùng dà ò gơkòl lah pơrhơng. Tŭ lơi sồng añ rơp tus di bơta hơ̆ taih? Añ rơp cơnđòa lòt bơh nùs song ngan tòm hìu añ jê;

Đơs Crih 119:142

Bơta song ring Yàng dê la song ring gam sùm sùm; Bơta boh lam Yàng dê la song ngan.

Đơs Crih 25:5

Dan lam añ tòm jơnau song Kơnràñ dê mơ bơto sồr añ, Bơh Kơnràñ la Yàng Tom Trồ bơta dong klàs añ jê; Bơh Kơnràñ añ kơp gơn jơh ngai mho.

Đơs Crih 52:1

Ơ cau gơs gơnoar pràn, ñchi bơh tài mê jòng is să he tòm bơta lơh iơh gơwèt mơ cau duh rngòt di Yàng taih? Jơh ngai mho mê kơlôi rcang bơta tơnroh.

Đơs Crih 86:11

Ơ Yàng Jehôwa, dan bơto añ in git gùng dà Kơnràñ dê, Nàng añ rơp lòt jat jơnau song Kơnràñ dê; Dan lơh añ in gơs nùs song ngan nàng duh rngòt di sơnđan Kơnràñ.

Esai 2:5

Ơ hìu Jakôp, tus tĕ, bol he cơnđòa lòt tĕ tòm bơta àng Yàng Jehôwa dê.

Esai 8:20

bơh bơta bơto sồr mơ bơh bơta nting sồr ơ?” Ngan, ală cau đơs behơ̆ rơp ò gơs àng drim!

Luka 6:36

Kòñ nđàc tĕ be Bèp bol mê òs kòñ nđàc.

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

II Kôrintô 3:18

Bol he jơh tơl nă lòi muh mat gòi nàng pơnđàng wơl bơta àng gơklŏ Yàng dê, be tòm dô nơm krơh, gen gơlik gơs be rùp să Kơnràñ dê, bơh gơklŏ tus hơ gơklŏ, be bơh Yàng la Yàng Hwềng.

II Kôrintô 8:9

Bơh oh mi git bơta nđàc Yàng Jesu Krist bol he dê: Kơnràñ la pas gơs mơya tài bơh oh mi tàng gơlik gơs rƀah, tồ oh mi in kơnòm bơh bơta rƀah Kơnràñ dê mơ gơlik pas gơs.

Ephesô 4:32

Ai tĕ bơta kơ̆ dơn, nùs nđàc sơngit ơm gơròm bal, toh glài bal, kung be Yàng Tom Trồ neh toh glài oh mi tòm Bơtau Krist behơ̆ sơl.

I Jang 1:7

Mơya dilah bol he lòt tòm bơta àng kung be Kơnràñ ơm tòm bơta àng, gen bol he gơs gơtòmklac bal mơ gơp; mơ mhàm Yàng Jesu dê, Kòn Kơnràñ, rào goh jơh ală tồi glài bol he dê.

II Jang 1:4

Añ gơs nùs hòn chò ngan gŏ cau ƀà tòm ală kòn mò dê lơh jat jơnau song, kung be bol he neh geh jơnau sồr bơh Yàng bèp.

III Jang 1:11

Ơ bi kòñ gơboh, bañ đòm jat bơta iơh bơsak, mơya đòm jat tĕ bơta niam. Cau lơi lơh bơta niam la bal mơ Yàng Tom Trồ; ai cau lơi lơh bơta iơh bơsak, gen ò tŭ lơi gŏ Yàng Tom Trồ.