Đơs Crih 2:9 - Sră Goh 2018

⁹ Kòn rơp ngui gai jra lòs mơ pòng bơcah bol khai, Kòn rơp lơh bơcah lề bol khai be gri cau chài mòn gơ.”

Đơs Crih 2:9 ပူးပေါင်းရင်းမြစ်များ

Đơs Crih 89:23

Añ rơp lơh lề lac cau sòdră di khai di đap khai, Mơ kung pòng lơh ală cau gơjrañ kơuềng di khai.

Esai 30:14

Gơ rơp bơcah rpot rpet be dô nơm gri mơ ù, gơ bơcah ò pơlai dô êt lơi, tian gơs nsàng gơ ò gơs dô pet lơi rgơi ngui ơn rnga ồs tòm bơnhă hala bơ̆ dà bơh tơrlung.”

Esai 60:12

Bơh làng bol hala lơgar lơi ò duh broă mê gen rơp roh rui; jơh ală làng bol mơ lơgar hơ̆ rơp gơkòl lòi srau gòi.

Jeremi 13:14

Yàng Jehôwa đơs: ‘Añ rơp lơh cau do in tòmdră mơ cau ne, mè bèp mơ kòn sò tơm bal; Añ rơp ò sơnđàc, ò pơlai hala nđàc sơngit, tòm tŭ Añ tơnroh bol khai.’”

Jeremi 19:11

mơ đơs mơ bol khai lah: Yàng Jehôwa Gơnap Gơnoar đơs be do: ‘Añ rơp pòng bơcah làng bol do mơ ƀòn dờng do kung be pòng bơcah gri mơ ù, ò rgơi lơh niam wơl; cau rơp tơp ƀồc tòm tiah Tôphet, tian gơs ò tơl tiah nàng tơp.’

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Daniel 2:45

Hơ̆ la jơnau gơtha bơh pơnai lŭ neh phàt bơh mơnơm ò di bơh tê cau dê. Pơnai lŭ hơ̆ jan bơcah lòs, kòng, ù kơnàng, priă mơ màh. Yàng Tom Trồ dờng neh ai bơtau in git bơta rơp gơlik tus tòm ngai tơnơ̆. Bơta mpau la nền cê mơ jơnau gơtha gơ dê la pal dòn.”

Mice 5:8

Pơnah gam wơl Jakôp dê rơp ơm digùl oă lơgar, mơ ơm digùl oă làng bol kung be dô nơm klìu triă ơm digùl ală phan poan jơng tòm brê, mơ kung be dô nơm klìu triă brồ dam ơm digùl ală mpồl belàt, tòm tŭ gơ lòt gan gơ jă trơm mơ kap crè rpot rpet, ò gơs cau lơi rgơi dong klàs.

Mathiơ 21:44

Cau lơi dùh hơđang pơnai lŭ hơ̆ gen rơp lề trak, ai lŭ hơ̆ dùh di cau lơi, gen rơp tơnlề cau hơ̆ be thul.”

Yal Tơlik 12:5

Cau ùr hơ̆ deh dô nă kòn klau, kòn klau hơ̆ rơp ngui dô nơm gai lòs nàng at bồ jơh ală làng bol. Mơya kòn klau hơ̆ geh cèng guh hơ Yàng Tom Trồ, tus hơ sơbàn Kơnràñ dê.

Yal Tơlik 19:15

Gơs dô ngkơr đào sồt lik bơh di bơr Kơnràñ nàng lơh ală làng bol; Kơnràñ rơp ngui gai lòs nàng at bồ bol khai. Kơnràñ rơp jă mpal pat tơrnòm bơta gơjrañ dờng gơhào khuh ngan Yàng Tom Trồ dê, la Bơtau Gơnoar Dờng Làm Jơh.