Đơs Crih 2:4 - Sră Goh 2018

⁴ Bơtau nggui hơđang trồ rơp ñŏ, Yàng rơp dơñŏ tơnhial dê bol khai.

Đơs Crih 2:4 ပူးပေါင်းရင်းမြစ်များ

II Ală Bơtau 19:21

Do la jơnau Yàng Jehôwa neh đơs bơh khai: ‘Cau ơruh dềt Siôn sền òsơp, dơñŏ tơnhial mê; kòn ùr Jerusalem neh rtơs bồ di mê.

Đơs Crih 11:4

Yàng Jehôwa ơm tòm Hìu Duh Khoai Sàng Goh Kơnràñ dê; sơbàn Yàng Jehôwa dê ơm hơđang trồ; Mat Kơnràñ sền gŏ, gar mat Kơnràñ sền sơwì kòn sau kòn mơnus dê.

Đơs Crih 115:3

Yàng Tom Trồ bol hi dê ơm hơđang ală tap trồ; Kơnràñ lơh bơta lơi di nùs Kơnràñ.

Đơs Crih 123:1

Añ pò mat tơnggòr sền di Yàng, Ơ Bơtau nggui hơđang ală tap trồ!

Đơs Crih 37:13

Mơya Yàng Jehôwa dơñŏ di cau iơh bơsak, Bơh Kơnràñ gŏ ngai lơh glài khai mòr tus.

Đơs Crih 53:5

Ne, bol khai rngòt rngơt ngan, tian gơs òhềt tŭ lơi gơs behơ̆, Bơh Yàng Tom Trồ rơp rsìh ntìng cau ò duh rngòt; Bol khai rơp kong ƀàssìl, bơh Yàng Tom Trồ neh sang lòi bol khai.

Đơs Crih 59:8

Mơya, ơ Yàng Jehôwa, Kơnràñ ñŏ di bol khai; Kơnràñ dơñŏ tơnhial di jơh ală lơgar.

Đơs Crih 59:9

Ơ Bơtau Pràn Kơldang añ jê, añ rơp kơp gơn Kơnràñ; Ơ Yàng Tom Trồ, bơh Yàng la theng kơ̆ cê añ jê.

Đơs Crih 68:33

Hơ̆ la Bơtau lòt hơđang ală tap trồ la ală tap trồ neh gơs bơh yau; Ne, Kơnràñ tơlik jơnau đơs, la jơnau ntas dờng Kơnràñ dê.

Jơnau Pơnđik 1:26

Gen tàng tòm tŭ bol mê kong bơta rung rài, añ kung rơp ñŏ; Añ rơp dơñŏ tơnhial tòm tŭ bol mê tìp bơta rngòt rngơt.

Esai 40:22

Kơnràñ ơm nggui hơđang dơwàng plai ù dê, làng bol hơđang ù gơlơh kung be srah nting. Kơnràñ pò ală tap trồ kung be bài kơrnìng, mơ lă gơ kung be dô nơm sàl nàng ơm.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 66:1

Yàng Jehôwa đơs be do: “Trồ la sơbàn Añ, mơ plai ù la kơrnòl jơng Añ. Bol mê rơp bơt hìu mbe lơi Añ in taih? Mơ tiah ơm rlô bòl Añ jê mbe lơi taih?