Đơs Crih 17:3 - Sră Goh 2018

³ Dilah Yàng lòng sơwì nùs añ, còp añ tòm trồ mang, Dilah Yàng lòng añ, gen jòi ò bàn bơta iơh bơsak lơi ò; Bơr añ ò tìs glài.

Đơs Crih 17:3 ပူးပေါင်းရင်းမြစ်များ

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

I Yal Yau 29:17

Ơ Yàng Tom Trồ añ jê, añ git la Yàng sền sơwì nùs cau mơ niam nùs di bơta song ngan. Tòm bơta song ngan nùs añ jê, añ neh ơn dô bă khat gơboh jơh ală phan do. Mơ tŭ do añ neh sền gŏ làng bol Kơnràñ dê, la ală cau gơs mat tềng do hòn chò ơn Yàng in dô bă chò nùs.

Sră Jop 23:10

Mơya Kơnràñ git gùng lòt añ jê; Tòm tŭ Kơnràñ neh lòng añ, añ rơp gơlik gơs be màh.

Sră Jop 24:14

Cau tơnchơt cau ñă ntào tòm kơmbuh ù, tơnchơt cau rƀah mơ cau siơ̆u siar, mơ tòm trồ mang bol khai be cau kơñau.

Đơs Crih 11:5

Yàng Jehôwa lòng cau song ring mơ cau iơh bơsak, Mơ nùs Kơnràñ gơjrañ kơuềng di cau kòñ bơta rhung rhang.

Đơs Crih 119:106

Añ neh srat să mơ lơh nền prap gàr Jơnau gơnoar sồr song ring Yàng dê.

Đơs Crih 139:1

Ơ Yàng Jehôwa, Kơnràñ neh sền sơwì añ mơ git añ!

Đơs Crih 139:23

Ơ Yàng Tom Trồ, dan sền sơwì añ mơ git nùs añ jê! Dan lòng añ mơ git ală bơta kơlôi sơnơng añ jê!

Đơs Crih 16:7

Añ jòng ro Yàng Jehôwa la Bơtau bơto sơnio añ; Tòm mang nùs añ kung bơto sồr añ.

Đơs Crih 26:2

Ơ Yàng Jehôwa, dong tò mơ lòng añ, Lòng nùs nhơm mơ nùs kơlôi añ jê.

Đơs Crih 39:1

Añ neh đơs lah: “Añ rơp kơrmap gàr gùng dà añ jê, Nàng añ ò tìs glài mơ lơmpiat añ jê; Tòm tŭ cau iơh bơsak gam ơm di đap añ, Añ rơp kơrmap gàr bơr añ kung be cau kèp bơr ơseh.”

Đơs Crih 66:10

Ơ Yàng Tom Trồ, Kơnràñ neh lòng bol hi, Tŏ tiar bol hi kung be cau tŏ tiar priă.

Đơs Crih 7:4

Dilah añ neh sal wơl bơta iơh di cau ơm gơtòmsòr mơ añ, Dilah añ neh nisơna tòmpìt kơñau phan cau sòdră di añ,

Jơnau Pơnđik 13:3

Cau kơrmap gàr bơr he, geh prap gàr bơta kis he; Mơya cau lơi pò sơndồi he oă, gen kong roh gơprah.

Jeremi 12:3

Khoai Yàng Jehôwa, Kơnràñ git añ! Kơnràñ gŏ añ, lòng sền añ, nùs añ gơwèt hơ Kơnràñ. Dan hwài bol khai kung be belàt kong tề tus hơ tiah tơnchơt, Ơn is bol khai tòm ngai tơnchơt in.

Jeremi 50:20

Yàng Jehôwa đơs: “Tòm ală ngai hơ̆ mơ tòm tŭ hơ̆, cau rơp jòi bơta iơh Israel dê, mơ rơp ò gơs dô nơm glài tai; jòi tồi glài Juda dê, mơ rơp ò gŏ dô nơm glài lơi tai ò; bơh Añ rơp toh glài ală cau tòm mpồl bol khai mơ Añ neh lòi wơl.”

Sră Ôse 7:6

Bơh bol khai be bơnhă ồs duh hơng, nùs bol khai chu pơrguc tòm bol khai. Jơh mang bơta gơjrañ bol khai dê duh hơng; tus diàng drim gen gơ sa hơng sùm.

Mice 2:1

Bòl glar cau lơi in bơtào kai bơta jàñ bơsak, mơ broă iơh rmơh hơđang cơnòng bic bol khai dê! Tòm tŭ trồ rìng àng, bol khai lơh gơs bơta hơ̆ tài bơh gơ ơm tòm gơnoar bol khai dê.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Malaci 3:2

Mơya, ñcau rơp kong jai tòm ngai Kơnràñ tus taih? Ñcau rgơi ntào jai tòm tŭ Kơnràñ tơlik să taih? Bơh Kơnràñ kung be ồs cau chài tŏ tiar goh, kung be ‘kơmbuh pìh’ cau chài pìh goh.

Broă 11:23

Tòm tŭ tus tềng hơ̆ mơ gŏ bơta nđàc Yàng Tom Trồ dê gen khai hòn chò, mơ bơto tơngkah jơh tơl nă cau hơ̆ kư̆ kơ̆ nùs dòn song mơ Yàng;

Broă 16:9

Tòm mang hơ̆ Pol gŏ bơta gơtơnggŏ gơs dô nă cau Masedoan ntào di đap khai mơ rac dan lah: “Tus tĕ hơ Masedoan nàng dong kòl bol hi.”

I Kôrintô 4:4

Bơh añ ò gŏ bơta lơi tìs mơ să tòm añ, mơya añ ò kơnòm di bơta hơ̆ nàng geh kòp la song ring. Bơtau cahrña añ hơ̆ la Yàng.

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

Jakơ 3:2

Jơh tơl nă bol he gơtup tìs tòm oă bơta. Dilah gơs cau lơi ò gơtup tìs tòm jơnau đơs he dê, hơ̆ la cau wil tơl, kung rgơi at bồ jơh să jan he sơl.

I Pier 1:7

nàng bơta dòn oh mi dê tơnơ̆ mơ tŭ neh kong jai bơta gơlòng rau, gen gơlik màng rlau mơ màh òs roh rui, bulah gơ neh kong lòng tòm ồs rau. Gen lơh bơta dòn oh mi dê di pal geh bơta jòng ro, gơklŏ, màng ryŭ tòm tŭ Yàng Jesu Krist tơlik mat.

I Samuel 24:10

Ngai do bơtau neh gŏ mơ mat tòm he dê mbe Yàng Jehôwa neh jào bơtau tòm tê añ tòm rgồng lŭ, mơ gơs cau chồl añ tơnchơt bơtau mơya añ neh lòi bơtau in kis, mơ đơs lah: ‘Añ ò pò tê tòmdră mơ cau tòm añ jê tài bơh bơtau la cau neh geh Yàng Jehôwa bong mơñà.’

I Samuel 24:12

Dan Yàng Jehôwa cahrña digùl bèp mơ añ mơ dan Yàng Jehôwa sal tê añ in bơh bơta tìs mơ bèp neh lơh di añ, mơya tê añ rơp ò tòmdră mơ bèp.

I Samuel 26:11

Mơya dan Yàng Jehôwa kơryan añ ơn tê di cau Yàng Jehôwa neh bong mơñà. Mơya tŭ do, ai tĕ tà mơ nhồng dà ơn rềp di bồ khai, mơ bol he lòt lă.”

I Samuel 26:23

Yàng Jehôwa rơp ai phan ƀàn kòp nă cau in jat bơta song ring mơ bơta dòn song khai dê. Bơh Yàng Jehôwa neh jào bơtau tòm tê añ ngai do, mơya añ ò bài ơn tê di cau mơ Yàng Jehôwa neh bong mơñà.