Đơs Crih 140:7 - Sră Goh 2018

⁷ Ơ Yàng Jehôwa la Yàng añ jê, la bơta pràn dong tă añ, Yàng neh jơm gòm bồ añ tòm ngai tòmlơh.

Đơs Crih 140:7 ပူးပေါင်းရင်းမြစ်များ

II Samuel 8:14

Khai bơt ală theng kơp gàr kơ̆ cê tòm làm lơgar Edôm, mơ jơh làng bol Edôm kong duh Dabit. Yàng Jehôwa ai Dabit in bơta pha rlau tòm ală tiah khai neh lòt tus.

II Samuel 8:6

Khai bơtào ală theng kơp gàr kơ̆ cê tòm ƀòn dờng Damas lơgar Aram, mơ cau Aram kong duh broă Dabit, mơ pal kong dap dia, Yàng Jehôwa ai Dabit in bơta pha rlau tòm ală tiah khai lòt tus.

Đơs Crih 144:10

Yàng ai bơta pha lin rlau ală cau bơtau in, Yàng dong klàs Dabit la cau duh broă Kơnràñ dê.

Đơs Crih 18:35

Yàng kung neh ai añ in khèl bơta dong klàs Kơnràñ dê, Tê ma Yàng dê đơng añ, Mơ bơta dong kòl Yàng dê neh lơh añ in gơlik màng ryŭ.

Đơs Crih 27:1

Yàng Jehôwa la Bơtau ai bơta àng mơ la bơta dong klàs añ jê. Añ rơp rngòt dê ñcau taih? Yàng Jehôwa la tiah kìng crŭ kơ̆ cê bơta kis añ jê. Añ rơp rngòt dê ñcau taih?

Đơs Crih 31:15

Tŭ tơngai rài kis añ jê gơ ơm tòm tê Kơnràñ; Dan dong añ klàs bơh di tê cau sò tơm mơ cau kup kơryan añ.

Đơs Crih 59:17

Ơ Bơtau Pràn Kơldang añ jê, añ rơp đơs chò jòng ro Kơnràñ, Bơh Kơnràñ la theng kơ̆ cê añ jê, ơ Yàng Tom Trồ, Kơnràñ la Yàng Tom Trồ ai añ in gŏ bơta kòñ gơboh kơ̆ dơn.

Đơs Crih 62:2

Mìng dô nă Yàng la lŭ klềr añ jê, mơ bơta dong klàs añ, la theng kơ̆ cê añ jê; añ rơp ò wañ lơnggơh.

Đơs Crih 62:7

Bơta dong klàs mơ bơta ryŭ ryơm añ jê la bơh Yàng Tom Trồ; Kơnràñ la lŭ klềr pràn kơldang añ jê, tiah kìng crŭ añ jê tòm Yàng Tom Trồ.

Đơs Crih 89:26

Khai rơp hòi di Añ lah: ‘Yàng la Bèp Añ, La Yàng Tom Trồ Añ, mơ la pơnai lŭ bơta dong klàs Añ jê.’

Đơs Crih 95:1

Bol he lòt tus mơ đơs chò tĕ jòng ro Yàng Jehôwa, Bol he ai tĕ jơnau ntas dờng hòn chò jòng ro pơnai lŭ bơta dong klàs bol he dê.

Esai 12:2

Ngan, Yàng Tom Trồ la bơta dong klàs añ jê; añ rơp dòn kơnòm mơ ò rngòt rngơt. Bơh Yàng Jehôwa, Yàng Tom Trồ la bơta pràn mơ gơnap gơnoar añ jê; Kơnràñ neh gơlik gơs bơta dong klàs añ jê.”