Đơs Crih 140:6 - Sră Goh 2018

⁶ Añ đơs mơ Yàng Jehôwa lah: “Kơnràñ la Yàng Tom Trồ añ jê. Ơ Yàng Jehôwa, dan wèt tồr iat jơnau rac dan añ jê.

Đơs Crih 140:6 ပူးပေါင်းရင်းမြစ်များ

Đơs Crih 116:1

Añ kòñ gơboh di Yàng Jehôwa, tài bơh Kơnràñ neh kơno añ Mơ jơnau rac dan añ jê.

Đơs Crih 119:57

Yàng Jehôwa la sre brê añ jê; Añ ho rơp prap gàr jơnau Kơnràñ dê.

Đơs Crih 130:2

Ơ Yàng, dan iat jơnau añ! Dan wèt tồr Kơnràñ dê iat jơnau rac dan añ jê.

Đơs Crih 142:4

Dan sền hơ đah ma añ mơ sền sơwì, Mơya ò gơs cau lơi kơlôi di añ; ò gơs tiah lơi nàng añ kìng crŭ, Ò gơs cau lơi kơlôi rcang añ in.

Đơs Crih 142:5

Ơ Yàng Jehôwa, añ rac dan mơ Kơnràñ, Mơ đơs lah: Kơnràñ la tiah kìng crŭ añ jê, La pơnah gơrê mơ añ tòm ù cau kis dê.

Đơs Crih 143:1

Ơ Yàng Jehôwa, dan iat jơnau hòi dan añ jê, wèt tồr iat bơta rac dan añ jê. Tài bơh bơta dòn song mơ bơta song ring Yàng dê, dan ho wơl añ in.

Đơs Crih 16:2

Añ đơs mơ Yàng Jehôwa lah: “Kơnràñ la Yàng añ jê, Rlau mơ Kơnràñ gen añ ò gơs bơta niam lơi.”

Đơs Crih 31:14

Mơya, ơ Yàng Jehôwa, añ dòn kơnòm di Kơnràñ, Añ đơs lah: “Kơnràñ la Yàng Tom Trồ añ jê.”

Đơs Crih 57:7

Ơ Yàng Tom Trồ, nùs añ kơ̆ cê, nùs añ kơ̆ cê! Añ rơp đơs chò mơ jòng ro Yàng.

Đơs Crih 64:1

Ơ Yàng Tom Trồ, dan iat jơnau rac ròc añ jê, Sền gàr bơta kis añ bơh bơta tơrngòt cau sò tơm dê.

Đơs Crih 91:2

Gen Añ rơp đơs mơ Yàng Jehôwa lah: “Kơnràñ la tiah kìng crŭ mơ la theng kơ̆ cê añ jê, Kung la Yàng Tom Trồ añ jê, añ dòn kơnòm di Kơnràñ.”

Jeremi 18:22

Lòi cau kơno jơnau nggà bơh hìu bol khai dê, Tŭ Kơnràñ sồr cau phà blah nisơna tus hơđang bol khai! Bơh bol khai neh tò trồm nàng kup añ, mơ neh pơt dă jơng añ in,

Ñìm Rac 3:24

Hwềng soàn añ đơs: “Yàng Jehôwa la pơnah sre brê añ jê, gen tàng añ ơn nùs gơn kơnòm di Kơnràñ.”

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”