Đơs Crih 113:4 - Sră Goh 2018

⁴ Yàng Jehôwa la hơđang rlau mơ jơh ală làng bol; Bơta gơklŏ Kơnràñ dê jơnhoa rlau mơ ală tap trồ!

Đơs Crih 113:4 ပူးပေါင်းရင်းမြစ်များ

I Ală Bơtau 8:27

Mơya ngan lah Yàng Tom Trồ ơm hơđang plai ù do sơl? Bulah hơđang trồ mơ ală tap trồ jơnhoa rlau jơh kung ò rgơi ơn Kơnràñ, tơ ài lah hìu dềt do mơ añ neh bơt!

Đơs Crih 148:13

Lòi bol khai jòng ro sơnđan Yàng Jehôwa, Bơh mìng sơnđan Kơnràñ dê geh yò tơngguh hơđang; Bơta gơklŏ Kơnràñ dê jơnhoa rlau mơ plai ù mơ ală tap trồ.

Đơs Crih 8:1

Ơ Yàng Jehôwa la Yàng bol hi dê, Sơnđan Kơnràñ la gơklŏ ryŭ ryơm làm jơh plai ù git nđò! Bơta gơklŏ Kơnàñ dê geh ràng tơlik hơđang ală tap trồ!

Đơs Crih 97:9

Ơ Yàng Jehôwa, Kơnràñ la Jơnhoa hơđang rlau jơh hơđang jơh plai ù; Kơnràñ geh bơtào jòng ngan hơđang jơh ală yàng ndai.

Đơs Crih 99:2

Yàng Jehôwa la dờng ngan tòm Siôn, Kơnràñ geh bơtào jơnhoa hơđang jơh ală làng bol.

Esai 40:15

Ngan, ală làng bol ò gơkrơi kung be dô tơioh dà tòm thùng; geh kòp be kơmbuh ù hơđang phan kơr; Kơnràñ kơr ală bồt pơlào kung be kơmbuh ù rhền.

Esai 40:17

Jơh ală lơgar di đap Kơnràñ gơlơh kung be ò gơs, Kơnràñ sền bol gơ ò kwơ mơ roh lơm.

Esai 40:22

Kơnràñ ơm nggui hơđang dơwàng plai ù dê, làng bol hơđang ù gơlơh kung be srah nting. Kơnràñ pò ală tap trồ kung be bài kơrnìng, mơ lă gơ kung be dô nơm sàl nàng ơm.

Esai 66:1

Yàng Jehôwa đơs be do: “Trồ la sơbàn Añ, mơ plai ù la kơrnòl jơng Añ. Bol mê rơp bơt hìu mbe lơi Añ in taih? Mơ tiah ơm rlô bòl Añ jê mbe lơi taih?