Đơs Crih 112:3 - Sră Goh 2018

³ Bơta pas sơm ơm tòm hìu khai, Mơ bơta song ring bol khai dê gam sùm sùm.

Đơs Crih 112:3 ပူးပေါင်းရင်းမြစ်များ

Sră Jop 5:24

Ồng rơp git lah tòm sàl ồng dê geh bơta lơngap lơngai. Ồng rơp sền sơwì wơl phan poan jơng ồng dê mơ ò gŏ roh dô nơm lơi.

Đơs Crih 111:10

Bơta duh rngòt di Yàng Jehôwa la tòm ryas bơta jak chài dê; Cau lơi lơh jat bơta hơ̆ gen geh bơta git jak. Bơta jòng ro Kơnràñ dê gam sùm sùm!

Đơs Crih 111:3

Broă lơh Kơnràñ dê la pal ki ngàm mơ ryŭ ryơm; Bơta song ring Kơnràñ dê gam sùm sùm.

Đơs Crih 112:9

Khai tòmpà dờng ơnàng, ai gòi cau rƀah lơòi in; Bơta song ring bol khai dê gam sùm sùm; Gơnoar pràn khai dê rơp geh yò tơngguh dô bă màng ryŭ.

Đơs Crih 34:10

Klìu triă brồ dam gơkòl siơ̆u mơ kong jơgloh, Mơya cau lơi jòi jat Yàng Jehôwa gen rơp ò siơ̆u phan niam lơi.

Đơs Crih 34:11

Ơ ală kòn, tus tĕ iat añ, Añ rơp bơto bol mê in bơta duh rngòt di Yàng Jehôwa.

Jơnau Pơnđik 15:6

Tòm hìu cau song ring gơs oă phan màng; Mơya tòm cồng nha cau iơh bơsak gơs bơta dơrcul nùs.

Jơnau Pơnđik 21:20

Phan màng kư̆ gam wơl tòm hìu cau jak chài; mơya cau tùl gơla loan gơ thit.

Jơnau Pơnđik 3:16

Tê ma gơ at bơta kis jŏ, Ai tòm tê kiau gơ gơs bơta pas sơm mơ bơta ryŭ ryơm.

Esai 32:17

Cồng nha bơta song ring dê la bơta ring lơngai, plai đo bơta song ring dê rơp la ring ngềt mơ dòn kơnòm gam sùm sùm.

Esai 33:6

Kơnràñ rơp la bơta kơ̆ nền tŭ tơngai mê dê, la bơta dong klàs tơngkah tơngkañ, bơta jak chài mơ bơta git wă; Bơh bơta duh rngòt di Yàng Jehôwa la đam jàr Siôn dê.

Esai 51:8

Bơh mŏ rơp sa roh bol khai kung be sa ồi ào; kih rhài rơp sa bol khai kung be sa sơnò belàt. Mơya bơta dong tă Añ jê rơp gam sùm sùm, bơta dong klàs Añ jê gam sùm jơl jơh ală rài.”

Mathiơ 6:33

Mơya lài ngan, jòi jat tĕ lơgar Yàng Tom Trồ mơ bơta song ring Kơnràñ dê, gen Kơnràñ rơp ai bơtơl jơh ală bơta hơ̆ bol mê in.

II Kôrintô 6:10

sền be moat jrùng mơya gơs hòn chò sùm sùm; sền be rƀah lơòi mơya lơh oă cau in geh pas gơs; sền be ò gơs phan lơi mơya gơs jơh ală bơta.