Đơs Crih 100:3 - Sră Goh 2018

³ Dòp git tĕ lah Jehôwa la Yàng Tom Trồ! Să tòm Kơnràñ neh crơng gơs bol he, bol he gơrê mơ Kơnràñ; Bol he la làng bol Kơnràñ dê, la mpồl belàt ơm tòm ƀlàng ñhơt Kơnràñ dê.

Đơs Crih 100:3 ပူးပေါင်းရင်းမြစ်များ

II Ală Bơtau 19:19

Behơ̆ tŭ do, ơ Jehôwa Yàng Tom Trồ bol hi dê! Dan dong tă bol hi klàs bơh tê Sennacerip, tồ jơh ală lơgar hơđang plai ù git lah mìng dô nă Jehôwa la Yàng Tom Trồ lơm.”

I Yal Yau 16:14

Kơnràñ la Jehôwa Yàng Tom Trồ bol he dê bơta cahrña Kơnràñ dê ơm làm jơh plai ù.

Sră Jop 10:3

Yàng niam nùs sơl tòm tŭ rồn bơklơn añ, sền òsơp di broă lơh tê Kơnràñ dê, Mơ kòñ gơboh kai gơrmơ̆i cau iơh bơsak dê?

Đơs Crih 119:73

Mpàng tê Yàng neh crơng gơs añ mơ mòn rùp să añ; Dan Yàng ai añ in bơta git wă, nàng añ bơtê bơta sồr lam Kơnràñ dê.

Đơs Crih 12:4

Hơ̆ la cau đơs lah: “Kơnòm di lơmpiat bol he geh pha rlau, Sơndồi bol he gơrê mơ bol he; ñcau la cau tòm bol he dê taih?”

Đơs Crih 149:2

Lòi Israel in hòn chò di Bơtau crơng gơs khai, Lòi kòn sau Siôn dê chò hòp di Bơtau at bồ bol khai dê!

Đơs Crih 46:10

Yàng đơs lah: “Ơm tĕ mŏ mŏ mơ git lah Añ la Yàng Tom Trồ. Añ geh bơtào jơnhoa hơđang ală làng bol, Mơ Añ geh bơtào jòng hơđang ù sơl.”

Đơs Crih 78:52

Chòp Kơnràñ cèng làng bol Kơnràñ dê lik be belàt, Tề lam bol khai tòm ƀlàng ngềt ngơt be dô mpồl belàt.

Đơs Crih 79:13

Gen bol hi la làng bol Yàng dê, mơ la mpồl belàt tòm ƀlàng ñhơt Yàng dê, Bol hi rơp ưnngài Yàng sùm sùm; Bơh rài do tus rài ne bol hi rơp yal wơl bơta jòng ro Yàng.

Đơs Crih 95:3

Bơh Jehôwa la Yàng Tom Trồ dờng ngan, Mơ la Bơtau dờng hơđang rlau jơh ală yàng.

Lik Ejiptơ 6:7

Añ rơp dòp bol mê lơh gơs làng bol gơrê is mơ Añ, mơ añ rơp lơh gơs Yàng Tom Trồ bol mê dê. Gen bol mê rơp git Añ la Jehôwa Yàng Tom Trồ bol mê dê, neh tă tơlik bol mê klàs bơh di yô cau Ejiptơ dê.

Cau Bơto 12:1

Kah tĕ Bơtau crơng gơs mê dê, tòm ală ngai mê gam kơnòm să lài mơ tŭ ală ngai bòl glar kalke tus, mơ lài mơ tŭ ală sơnam tus rềp, mơ mê rơp đơs lah: “Añ ò niam nùs bơh gơ;”

Esai 63:11

Gen bol khai kah wơl ală ngai yau òr, bơh Môise la cau duh broă Kơnràñ dê. Ntềng đah Bơtau neh cèng bol khai tiă lik bơh dàlềng cau ê bal mơ mpồl belàt Kơnràñ dê taih? Ntềng đah Bơtau neh ơn tòm bol khai Hwềng Goh Kơnràñ dê taih?

Esai 63:19

Bol hi neh jŏ jòng rau kung be làng bol Kơnràñ ò at bồ, mơ bol hi be làng bol ò geh hòi jat sơnđan Kơnràñ dê.

Esai 64:7

Ò gơs dô nă cau lơi hòi dan di sơnđan Kơnràñ, hala pơnđơl pràn nàng at di Kơnràñ; bơh Kơnràñ neh pồn mat bơh di bol hi, mơ lòi bol hi kong roh rui tài bơh tồi glài bol hi dê.

Jeremi 10:10

Mơya Yàng Jehôwa la Yàng Tom Trồ song ngan; Kơnràñ la Yàng Tom Trồ kis sùm, la Bơtau gam sùm sùm. Bơh bơta gơjrañ Kơnràñ dê ù gơlơnggơr, Ală làng bol ò jai kong bơta gơjrañ Kơnràñ dê.

Ejekiel 34:11

‘Bơh Jehôwa Yàng Tom Trồ đơs be do: Să tòm Añ rơp jòi belàt Añ jê, mơ Añ rơp jòi jat bol gơ.

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Ephesô 2:10

Bơh bol he la broă lơh Kơnràñ dê, neh geh Kơnràñ crơng gơs tòm Yàng Krist Jesu nàng lơh broă niam, mơ Yàng Tom Trồ neh rcang lài nàng bol he in lơh jat.

Yal Wơl 32:15

Jesurun sơlo pas sơm mơya pơrlơ̆ dră; khai gơlik gơs dờng mơ lơmă, Khai sang lòi Yàng Tom Trồ la Bơtau neh crơng gơs khai mơ sền òsơp Pơnai Lŭ Bơtau Dong klàs khai dê.

Yal Wơl 32:6

Ơ làng bol bơrngơl gơla mơ ò kwơ, bol mê tơm wơl Yàng Jehôwa in behơ̆ ơ?” Kơnràñ ò di la Bèp bol mê dê la Bơtau Crơng gơs, Bơtau mòn gơs mơ bơtào gơs bol mê ò ơ?

Yal Wơl 4:35

Ală bơta hơ̆ neh ràng tơlik bol mê in sền gŏ tồ bol mê rgơi git lah Jehôwa la Yàng Tom Trồ; rlau mơ Kơnràñ ò gơs yàng lơi ndai.

Yal Wơl 4:39

Gen tàng tòm ngai do, đal git tĕ mơ prap gàr tĕ tòm nùs lah Jehôwa la Yàng Tom Trồ hơđang trồ ne mơ hơđơm plai ù do. Ò gơs yàng lơi ndai tai be Kơnràñ.

Yal Wơl 7:9

Gen tàng, dòp git tĕ Jehôwa Yàng Tom Trồ bol mê dê la Yàng Tom Trồ: Kơnràñ la Yàng Tom Trồ lơh jat jơnau ho Kơnràñ dê, prap gàr bơta ho bal kòñ gơboh Kơnràñ dê tus di rbô rài ală cau in kòñ gơboh di Kơnràñ mơ prap gàr ală bơta sồr lam Kơnràñ dê.

I Pier 2:25

Bơh oh mi kung be belàt neh lòt tìs nrah, mơya tŭ do neh rê wơl hơ Bơtau Ê Belàt mơ Bơtau sền gàr hwềng soàn oh mi dê.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

I Pier 4:19

Behơ̆, gen ală cau kong bòl glar jê sồt jat nùs kòñ Yàng Tom Trồ dê kư̆ lơh tĕ bơta niam mơ jào hwềng soàn he Bơtau crơng gơs in, la Bơtau dòn song.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.