Đơs Crih 100:2 - Sră Goh 2018

² Duh tĕ broă Yàng Jehôwa in dô bă chò hòp! Đơs chò tĕ mơ tus di đap Kơnràñ!

Đơs Crih 100:2 ပူးပေါင်းရင်းမြစ်များ

I Ală Bơtau 8:66

Ngai dơ̆ phàm, bơtau ai làng bol in rê hìu; làng bol ai lơngai bơtau in, mơ rê wơl hơ sàl bol khai dê, hòn chò hừh nùs bơh ală bơta niam lơnhơn mơ Yàng Jehôwa neh lơh Dabit in, cau dĭ gơna Kơnràñ dê, mơ làng bol Israel Kơnràñ in.

II Yal Yau 29:30

Bơtau Ejekia mơ ală cau kwang duh broă khai dê ai gơnoar sồr ală cau Lebi ngui ală jơnau đơs crih Dabit mơ Asap cau gơnoar git lài khai dê mơ jòng ro Yàng Jehôwa. Behơ̆ bol khai đơs chò jòng ro tòm bơta hòn chò mơ bol khai kun bồ mơ duh khoai.

II Yal Yau 31:2

Ejekia bơtào ală mpồl ală cau gơnoar ơn phan duh khoai mơ ală cau Lebi tòm ală mpồl, kòp nă jat be broă tòm bol khai dê la cau gơnoar ơn phan duh khoai hala cau Lebi nàng ơn ală phan ơn chu pơrguc mơ ală phan ơn bơta ring lơngai, nàng duh broă di mpồng sàl Yàng Jehôwa dê mơ nàng ưnngài mơ jòng ro.

Đơs Crih 42:4

Tòm tŭ nùs añ moat jrùng jê sồt, añ kah wơl ală bơta do: Añ neh lòt bal mơ mpồl gal. Añ lam bol khai tus hơ hìu Yàng Tom Trồ; Bol khai driau chò mơ đơs chò jòng ro Yàng.

Đơs Crih 71:23

Bơr sơndồi añ rơp driau chò, tòm tŭ añ đơs chò jòng ro Kơnràñ; Hwềng soàn añ kung lơh behơ̆ sơl, bơh Kơnràñ neh dong tơwài añ.

Đơs Crih 95:2

Bol he ai tĕ jơnau ưnngài mơ lòt tus di đap Yàng; Bol he ai tĕ jơnau ntas dờng hòn chò mơ đơs chò jòng ro Kơnràñ!

Yal Wơl 12:12

Mơ tềng hơ̆ hòn chò tĕ di đap Jehôwa Yàng Tom Trồ bol mê dê, bol mê, ală kòn klau mơ kòn ùr bol mê dê, ală cau klau cau ùr duh broă bol mê dê, mơ ală cau Lebi bơh di ală ƀòn dờng bol mê dê, la ală cau ò geh tòmpà ù tiah hala sre brê lơh gơs phan tòm bol khai dê.

Yal Wơl 16:11

Mơ hòn chò tĕ di đap Jehôwa Yàng Tom Trồ bol mê dê di tiah Kơnràñ rơp sac rwah lơh gơs tiah ơm sùm sơnđan Kơnràñ dê; bol mê, ală kòn klau mơ ală kòn ùr bol mê dê, ală cau klau mơ ală cau ùr duh broă bol mê dê, ală cau Lebi ơm tòm ală ƀòn dờng bol mê dê, ală cau làng bol bơdìh, ală cau kòn đòi mơ ală cau ùr bơnrau ơm kis digùl bol mê.

Yal Wơl 16:14

Chò hòp tĕ tòm ngai pơjum sa bol mê dê, bol mê, ală kòn klau kòn ùr bol mê dê, ală cau klau cau ùr duh broă bol mê dê, ală cau Lebi, ală cau làng bơdìh, ală cau kòn đòi, mơ ală cau ùr bơnrau ơm kis tòm ală ƀòn dờng bol mê dê.

Yal Wơl 28:47

Tài bơh bol mê ò duh broă Jehôwa Yàng Tom Trồ bol mê dê dô bă hòn chò mơ chò hòp tòm tơngai bơtoah bơtoài,

Philip 4:4

Hòn chò tĕ tòm Yàng sùm sùm. Añ đơs wơl tai: Hòn chò tĕ!