Đơs Crih 1:3 - Sră Goh 2018

³ Cau hơ̆ kung be chi tam di gah hiòng dà, Gơlik plai jat kơnhai sơnam, Nha gơ kung ò ro jrùh sơl. Ală bơta khai lơh rơp gơlik cồng nha.

Đơs Crih 1:3 ပူးပေါင်းရင်းမြစ်များ

Sơnròp Gơlik Gơs 39:23

Cau gơnoar at bồ hìu jàm ò sền sơwì tai ală broă lơh neh jào tòm tê Jôsep, tài bơh Yàng Jehôwa ơm bal mơ khai, mơ ai broă lơi khai in lơh gen gơlik gơs cồng nha.

Sơnròp Gơlik Gơs 39:3

Cau tòm khai dê gŏ Yàng Jehôwa ơm bal mơ khai mơ Kơnràñ lơh jơh ală broă bơh tê Jôsep di gơlik cồng nha.

II Ală Bơtau 18:7

Yàng Jehôwa ơm bal mơ khai; bulah khai lòt tiah lơi, gen geh bơtoah bơtoài. Khai pơrlơ̆ dră mơ bơtau Asiri, mơ ò bài duh broă bơtau hơ̆ tai.

I Yal Yau 22:11

Tŭ do, ơ kòn klau añ jê, dan Yàng Jehôwa ơm bal mơ kòn, mơ dan kòn in geh bơtoah bơtoài mơ bơt hìu Jehôwa Yàng Tom Trồ kòn dê jat be Kơnràñ neh đơs bơh kòn.

I Yal Yau 22:13

Gen kòn rơp geh bơtoah bơtoài dilah kòn kơrhia lơh jat ală jơnau sồr mơ bơta boh lam mơ Yàng Jehôwa neh kơnòm di Môise ai Israel in. Lơh tĕ pràn kơldang mơ khin cha. Bañ rngòt mơ bañ gơplơ̆ nùs.

II Yal Yau 31:21

Tòm jơh ală broă khai neh lơh, bơh bơta duh broă tòm hìu duh khoai Yàng Tom Trồ dê mơ tòm bơta lơh jat bơta boh lam mơ ală jơnau gơnoar sồr, khai jòi jat Yàng Tom Trồ khai dê mơ lơh broă jơh nùs. Mơ behơ̆ khai geh bơtoah bơtoài.

II Yal Yau 32:23

Oă cau cèng ală phan ơn tus hơ Jerusalem nàng ơn Yàng Jehôwa in mơ oă phan màng ai gòi Ejekia bơtau Juda in. Behơ̆ bơtau geh yò tơngguh di đap jơh ală làng bol bơh di tŭ hơ̆.

Sră Jop 14:9

Tòm tŭ gơs nhơm dà gen gơcat sơmbut, Mơ gơcat ală ntê kung be dô đòm chi dềt.

Sră Jop 22:28

Ồng lơh nền dô bơta lơi, mơ rơp geh gơlik gơs ồng in; Mơ bơta àng rơp gơcrà hơđang gùng dà ồng dê.

Đơs Crih 128:2

Mê rơp sa cồng nha bơh broă bòl glar tê mê neh lơh; Mê rơp geh chò hòp mơ bơtoah bơtoài.

Đơs Crih 129:8

Ală cau lòt gan kung ò đơs lah: “Dan Yàng Jehôwa ai lơngai lơngò mê in! Bol he ai sơnđan Yàng Jehôwa mơ ai lơngai lơngò mê in!”

Đơs Crih 92:14

Bulah să kra sơnam jòng, bol khai gam gơlik plai, Gam bềng dà bơsơt mơ tơlir sùm.

Đơs Crih 92:15

Tồ yal tơlik Yàng Jehôwa la song ngan; Kơnràñ la pơnai lŭ añ jê, tòm Kơnràñ ò gơs bơta ò song ring lơi.

Esai 27:11

Tòm tŭ ală ntê ro neh pă, ală cau ùr tus dòñ nàng sing ồs. Bơh do la dô nơm làng bol ò git wă, gen tàng Bơtau neh crơng gơs bol khai ò kòñ nđàc di bol khai, Bơtau neh mòn gơs bol khai ò yal tơlik bơta nđàc bol khai in.

Esai 3:10

Yal tĕ cau ò gơs glài in git lah bơtoah ngan bol khai in, bơh bol khai rơp sa bơh cồng nha broă lơh bòl glar bol khai dê.

Esai 44:4

Bol khai rơp hòn niam kung be ñhơt tòm ƀlàng, be chi tơlir hòn rềp di ală croh dà.

Esai 58:11

Yàng Jehôwa rơp kư̆ tề lam bol mê sùm sùm; Kơnràñ lơh bol mê in hừh nùs ală bơta pal càng tòm dô nơm lơgar rañ rsơh, mơ lơh ntìng bol mê in pràn kơldang. Bol mê rơp gơlik gơs kung be dô nơm suơn geh tuh dà, be dô nơm dà croh ò gơs tŭ lơi soat.

Jeremi 17:8

Khai kung be chi tam di gah croh dà, Sro ryas jat gùng dà hòr; Gơ rơp ò rngòt tŭ bơta duh trơàl tus Mơ nha kư̆ tơlir niam sùm. Di sơnam prang jòng kung ò kơlôi rngòt, Kư̆ gơlik plai sùm ò dơh.

Ejekiel 17:8

Mơ gơ neh geh crap tòp di ù tiah niam mơ rềp di gah oă dà tồ gơ in cat ntê, gơlik plai, mơ gơlik gơs dô tòm ño niam.’

Ejekiel 19:10

Mè mê la be dô tòm ño tòm suơn ño mê dê, tam di gah dà; gơ gơs oă plai mơ oă ntê, tài bơh gơs dà tơngkah tơngkañ.

Ejekiel 31:5

Behơ̆ gơhòn jơnhoa rlau mơ jơh ală chi tòm ƀlàng; ală ntê gơ gơlik oă mơ ală ntê gơ dê gơlik jòng, mơ gơcat sơnoan tài bơh dà tơngkah tơngkañ.

Ejekiel 47:12

Tơl ală jơi chi gơs plai di sa rơp hòn di bàr gah hiòng dà. Nha gơ rơp ò ro jrùh, plai gơ kung ò tŭ lơi jơh. Kòp kơnhai dô dơ̆ gơ gơs plai, tài bơh dà gơhòr bơh di tiah sàng goh tus di gơ. Plai gơ rơp ngui lơh gơs phan sa mơ nha gơ ngui nàng sơmbòi kòp jê.”

Khà Làng Bol 24:6

Bol gơ geh bơtào dờng ơnàng kung be ală thòng, be ală suơn di gah hiòng dà, be ală chi kơlhô geh tam bơh Yàng Jehôwa, be ală chi pơnàng di gah ală dà.

Mathiơ 13:6

Dơ̆ mattơngai lik, gen gơ ñòp; tài bơh ò gơs ryas, gen tànggơ ro.

Mathiơ 21:19

Kơnràñ gŏ dô tòm chi ƀal di gah gùng, lòt tus rềp mơya ò gŏ plai lơi, mìng nha lơm, gen Kơnràñ đơs mơ gơ lah: “Bơh do jơl hìng nau mê ò gơs tŭ lơi gơlik plai tai ò!” Tŭ hơ̆ chi ƀal ro mo.

Mathiơ 21:34

Kơnhai pic plai neh tus, gen cau tòm sồr ală cau dĭ lòt tus hơ ală cau lơh suơn nàng tơrgòm cồng nha bơh suơn ño khai dê.

Mathiơ 21:41

Bol khai ho Kơnràñ lah: “Cau tòm rơp tơnroh bol iơh bơsak hơ̆ dô bă kơnjơ̆ ngan, mơ ai cau lơh suơn ndai in ơpah suơn hơ̆, la cau rơp ai khai in plai di kơnhai gơ dê.”

Jang 15:6

Dilah cau lơi ò ơm sùm tòm Añ gen kòl sang tơlik di tiah kung be ntê ne, gơ ro rañ gen cau dòñ, sang tòm ồs, mơ chu jơh.

Yal Wơl 28:8

Yàng Jehôwa rơp ai dô bơta lơngai lơngò hơđang ală đam jàr bol mê dê mơ hơđang jơh ală broă tê bol mê lơh. Jehôwa Yàng Tom Trồ bol mê dê rơp ai lơngai bol mê in tòm lơgar mơ Kơnràñ neh ai bol mê in.

Jude 1:12

Ală cau hơ̆ la tềl ƀơ̆ ƀơl tòm bơta pơjum sa kòñ gơboh oh mi dê, bol khai kư̆ ñô sa rui ràm khat gơboh bal mơ gơp dô bă ò rngòt, bol khai mìng siam is să he; bol khai kung be mhwal ò gơs dà, jat càl pơrdô tềng do tềng dă; kung be chi di di kơnhai plai mơya gơ ò gơs plai, bàr dơ̆ chơt, gơlừ ryas.

Yal Tơlik 22:2

Gơhòr mù digùl gùng ƀòn dờng. Di bàr đah ƀòng hiòng kung gơs chi bơta kis gơlik jơt bàr bơta plai, kòp kơnhai dô dơ̆ gơlik plai mơ ală nha chi hơ̆ ngui nàng sơmbòi ală làng bol.