Đơs Crih 1:2 - Sră Goh 2018

² Mơya khai chò hòp bơh bơta boh lam Yàng Jehôwa dê, Mơ kơlôi sơnơng bơh bơta boh lam hơ̆ ngai mơ mang.

Đơs Crih 1:2 ပူးပေါင်းရင်းမြစ်များ

Sơnròp Gơlik Gơs 24:63

Tòm mho, khai lik bơdìh tòm ƀlàng nàng kơlôi sơnơng, khai pò mat sền gŏ tus làkđa.

Ejra 7:10

Bơh Ejra neh ơn nùs khai dê bơtê bơta Boh Lam Yàng Jehôwa dê, mơ lơh jat gơ, nàng bơto ală jơnau sồr lam mơ bơta boh lam tòm Israel.

Sră Jop 23:12

Añ ò tŭ lơi cah ngài bơh di ală bơta sồr lam sơndồi Kơnràñ dê, Añ neh pồn prap tòm nùs ală jơnau đơs bơr Kơnràñ dê rlau mơ phan sa kòp ngai añ jê.

Đơs Crih 104:34

Dan bơta kơlôi sơnơng añ jê geh niam nùs Kơnràñ, Bơh añ chò hòp tòm Yàng Jehôwa.

Đơs Crih 112:1

Jòng ro Yàng Jehôwa! Lơngai cau lơi in duh rngòt di Yàng Jehôwa, Mơ cau lơi gơboh oă ngan bơta sồr lam Kơnràñ dê!

Đơs Crih 119:1

Lơngai ală cau in kis dô bă ò gơs tiah geh lah pơrhơng, Hơ̆ la cau lơh lòt jat bơta boh lam Yàng Jehôwa dê.

Đơs Crih 119:11

Añ neh prap jơnau Yàng tòm nùs añ, Nàng añ ò tìs glài tòmdră mơ Yàng.

Đơs Crih 119:35

Dan lam añ lòt tòm gùng bơta sồr lam Yàng dê, Bơh añ hừh nùs jat gùng hơ̆.

Đơs Crih 119:72

Bơta boh lam bơh bơr Yàng đơs La kwơ màng añ in rlau mơ rbô rhiang màh priă.

Đơs Crih 119:92

Dilah bơta boh lam Yàng ò lơh añ in hừh nùs, Gen añ neh gơkòl roh rui tòm bơta gơlòng bòl glar rau.

Đơs Crih 40:8

Ơ Yàng Tom Trồ añ jê, añ chò hòp lơh jat nùs kòñ Kơnràñ dê; Bơta boh lam Yàng dê ơm tòm nùs añ.”

Đơs Crih 88:1

Ơ Yàng Jehôwa, la Yàng Tom Trồ bơta dong klàs añ jê, tòm trồ mang añ rac dan di đap Yàng.

Jeremi 15:16

Kơno ală jơnau Kơnràñ dê, gen añ sa loan rau; la bơta hòn chò nùs añ jê; Bơh añ geh sơnđan bơh sơnđan Kơnràñ! Ơ Jehôwa Yàng Tom Trồ Gơnap Gơnoar.

Luka 18:7

Behơ̆, Yàng Tom Trồ ò di ò cahrña song ring ală cau geh sac rwah Kơnràñ in, la ală cau ngai mơ mang hòi dan mơ Kơnràñ, mơ òbat ho mơ bol khai ơ?

Luka 2:37

mơ do neh ơm bơnrau phàm jơt poan nam rau. Mò ò gơs tŭ lơi lik bơh di hìu duh khoai, ngai mơ mang kư̆ duh broă Yàng, ơt sào mơ hòi dan.

Rôma 7:22

Bơh jat cau đah dơlam, añ geh hừh nùs tòm bơta boh lam Yàng Tom Trồ dê;

I Tesalônika 2:9

Ơ oh mi, oh mi gam kah bơta kong lơh broă mơ bơta bòl glar bol hi dê; tòm tŭ bol hi bơto yal Jơnau Niam Yàng Tom Trồ dê oh mi in, gen kung lơh broă ngai mơ mang, tồ ò lơh pơnjê di dô nă cau lơi tòm oh mi.

I Timôthe 4:15

Jơh nùs tĕ lơh ală broă hơ̆ mơ jơh nùs ngac ngar tòm ală bơta hơ̆, tồ bơta ntoat tơngguh mê dê geh yal tơlik jơh tơl nă cau in.

II Timôthe 1:3

Añ ưnngài Yàng Tom Trồ la Bơtau añ duh broă mơ nùs tồr sàng goh, be ồng pàng añ neh lơh, bơh añ kah mê ò dơh ngai mơ mang tòm tŭ hòi dan.

Jôsue 1:8

Sră bơta boh lam do bañ ngài bơh di bơr mê, kơlôi sơnơng tĕ gơ ngai mơ mang, nàng kơrhia lơh jat jơh ală bơta neh cih tòm hơ̆; behơ̆ sồng mê rơp geh bơtoah tòm gùng dà mê dê mơ gơlik cồng nha.

I Jang 5:3

Kòñ gơboh dê Yàng Tom Trồ hơ̆ la bol he prap gàr ală bơta sồr lam Kơnràñ dê; bơta sồr lam Kơnràñ di ò di la kơnjơ̆.