Đơs Chò 8:6 - Sră Goh 2018

⁶ Ơn tĕ añ be dô nơm ƀang kì di nùs mê, be dô nơm ƀang kì hơđang tơwòr tê mê; Bơh bơta kòñ gơboh pràn be bơta chơt, nùs ƀoah pơrñat iơh bơsak be lơgar làng ƀồc; Bơta duh gơ dê la bơta duh ồs dê, ngan dô nơm lơmpiat ồs Yàng Jehôwa dê.

Đơs Chò 8:6 ပူးပေါင်းရင်းမြစ်များ

I Yal Yau 11:18

Behơ̆ pe nă cau hơ̆ lòt gan sàl mpồl ling cau Philistin dê, bơ̆ dà bơh di tơrlung rềp di mpồng Betlehem mơ cèng brê Dabit in. Mơya Dabit ò bài hùc dà hơ̆, khai tuh dà hơ̆ di đap Yàng Jehôwa mơ đơs lah:

Đơs Crih 120:4

Rơp ai mê in ală kam sồt cau ling dê Bal mơ rnga ồs hơng chi pơnggŏ dê

Đơs Crih 63:1

Ơ Yàng Tom Trồ, Kơnràñ la Yàng Tom Trồ añ jê, añ jòi jat Yàng, Hwềng soàn añ tơhìr bơh Kơnràñ; poac să añ kơp kòñ Kơnràñ, Be ơm tòm ù tiah rañ rsơh, bòl glar, mơ ò gơs dà.

Đơs Crih 84:2

Hwềng soàn añ kơp kòñ tian gơs bòl glar ngan bơh tiah ơm Yàng Jehôwa dê; Nùs mơ poac să añ chò hòp đơs chò jòng ro Yàng Tom Trồ gam kis sùm.

Lik Ejiptơ 28:21

Gơs jơh ală la jơt bàr nơm lŭ màng, kòp nơm gơs dô sơnđan dô nă tòm ală kòn klau Israel dê; kòp sơnđan geh pac kung be dô nơm ƀang kì gơs sơnđan dô jơi tòm jơt bàr jơi bơtiàn Israel dê.

Jơnau Pơnđik 25:22

Bơh lơh behơ̆ kòn ơn ồs rnga hơđang bồ khai, mơ Yàng Jehôwa rơp tơm wơl kòn in.

Jơnau Pơnđik 6:34

Bơh bơta gơjrañ mañ la bơta gơjrañ dờng bau klau dê, mơ tòm ngai sal tê khai ò toh glài;

Đơs Chò 5:8

Ơ ală kòn ùr Jerusalem, añ rac dan mơ bol ai, dilah bol ai bàn cau kòñ gơboh añ jê, yal tĕ mơ khai lah: añ gơs kòp jê bơh bơta kòñ gơboh.

Esai 49:16

Do, Añ neh pac mê tòm ală kơndồm tê Añ jê; ală dơrñang mê dê gơ ơm sùm di đap Añ.

Jeremi 22:24

Yàng Jehôwa đơs: “Ngan kung be Añ gam kis sùm, bulah Jekônia, kòn klau Jehôyakim, bơtau Juda, la sơmbiat ƀang kì hơđang tê ma Añ, Añ kung rơp tă sơmbrơt mê.

Sră Age 2:23

Yàng Jehôwa Gơnap Gơnoar Dờng Làm Jơh đơs lah: “Ơ Jerubabel, kòn klau Sealthiel, tòm ngai hơ̆ Añ rơp ai mê lơh gơs dĭ gơna Añ,” Yàng Jehôwa đơs: “Mơ Añ rơp lơh mê in kung be sơmbiat ƀang kì Añ jê, bơh Añ neh sac rwah mê.” Yàng Jehôwa Gơnap Gơnoar Dờng Làm Jơh đơs behơ̆.

Sacari 3:9

Bơh hơđang pơnai lŭ mơ Añ neh ơn di đap Jôsua, hơđang dô nơm lŭ hơ̆ gơs poh nơm gar mat, mơ Añ rơp pac jơnau hơđang gơ, mơ Añ rơp tă tơlik bơta tồi glài bơh di lơgar do tòm dô ngai,” Yàng Jehôwa Gơnap Gơnoar Dờng Làm Jơh đơs behơ̆.

Khà Làng Bol 25:11

“Phineas kòn klau Eleajar, sau Arôn cau gơnoar ơn phan duh khoai, neh lơh Añ in rài bơta gơjrañ dờng bơh di cau Israel, khai kung duh hul be Añ bơh bơta ryŭ ryơm Añ jê digùl bol khai, tài behơ̆ tòm bơta duh hul Añ jê Añ ò gŏ tơnroh bol khai.

Khà Làng Bol 5:14

mơ dilah bau klau khai dê gơs nùs ƀoah pơrñat mơ khai pin bau ùr khai dê mơ bau ùr khai neh gơlik gơs ò goh, hala dilah khai ƀoah pơrñat mơ pin bau ùr khai bulah bau ùr khai ò gơs ƀơ̆ ƀơl,

Broă 20:24

Mơya añ ò kòp bơta kis añ la kwơ, mìng kòñ lơh sir bơta ntoat pơrlòng añ jê mơ gơnoar broă añ neh dòp leng bơh di Yàng Jesu, nàng lơh cơng bơh Jơnau Niam bơta nđàc Yàng Tom Trồ dê.

Broă 21:13

Mơya khai ho lah: “Ñchi oh mi lơh ñìm mơ lơh jê nùs añ behơ̆ taih? Bơh añ gơs nùs rcang sir ò di mìng kong cap lơm mơya kung gơs nùs rcang sir kong chơt tòm Jerusalem tài bơh sơnđan Yàng Jesu.”

Rôma 12:20

Bơh kung gơs cih lah: “Dilah cau sò tơm he gơs jơgloh, gen ai tĕ khai in sào; dilah khai tơhìr dà, gen ai tĕ khai in hùc; bơh lơh behơ̆ la ò gơkrơi be he ai rơnga ồs hơng tơrjik hơđang bồ khai.”

II Kôrintô 11:2

Bơh añ ai nùs ƀoah pơrñat Yàng Tom Trồ dê mơ pơrñat oh mi, bơh añ neh lap oh mi mơ dô nă bau klau nàng tơlik mat oh mi Bơtau Krist in be dô nă cau ơruh sàng goh.

Yal Wơl 32:21

Bol khai lơh Añ in ƀoah pơrñat bơh bơta ò di la yàng, mơ bơrcek Añ gơjrañ bơh ală rùp ràk bol khai dê. Behơ̆ Añ rơp lơh bol khai in ƀoah pơrñat bơh dô làng bol ò di la làng bol, bơrcek bol khai gơjrañ bơh dô làng bol tùl gơla.

II Timôthe 2:19

Bulah behơ̆ mơnàng kơ̆ wền Yàng Tom Trồ dê gam ntào kơ̆ sùm, gơs tap ƀang kì lah: “Yàng git cau gơrê bal mơ Kơnràñ;” mơ “Kòp nă cau lơi yal tơlik sơnđan Yàng gen pal pleh tĕ di bơta ò song ring.”

Yal Tơlik 12:11

Bol khai neh geh pha lin rlau mơ gơ tài bơh kơnòm dê mhàm Belàt Kòn dê, mơ kơnòm dê jơnau lơh cơng bol khai dê, bơh bol khai ò pơlai bơta kis he dê jơl chơt.