Đơs Chò 8:5 - Sră Goh 2018

⁵ Cau ùr do la ñcau, bơh ƀlàng bràs mơ guh, sơnđìng să di cau kòñ gơboh khai dê taih? Añ neh pơrlai mê di hơđơm chi sơrmoan, Tềng hơ̆ mè kong bòl glar nàng tơnggơs mê, tềng hơ̆ cau neh deh mê kong bòl glar.

Đơs Chò 8:5 ပူးပေါင်းရင်းမြစ်များ

II Yal Yau 32:8

Ơm bal mơ khai mìng la dô nơm tơwòr tê poac să lơm, mơya bol he gơs Jehôwa Yàng Tom Trồ bol he dê ơm bal mơ bol he nàng dong kòl mơ tòmlơh bol he in.” Mơ làng bol geh nùs dòn kơnòm di ală jơnau Ejekia bơtau Juda neh đơs.

Đơs Crih 63:8

Hwềng soàn añ gơđềt mơ Kơnràñ; Tê ma Kơnràñ dê yò tơngguh añ.

Đơs Crih 63:9

Mơya ală cau jòi bơta nàng tơnchơt añ, Bol khai rơp kòl tơmù tòm tiah jrô plai ù dê.

Đơs Chò 2:3

Be tòm chi sa plai digùl ală chi tòm brê, behơ̆ sơl cau kòñ gơboh añ ơm digùl ală cau pơnu, Añ chò nùs ơm nggui tòm mƀur khai dê; plai khai bơkah lơngồt tòm lơmpiat añ in.

Đơs Chò 3:11

Ơ ală kòn ùr Siôn, lik lòt tĕ sền bơtau Salômôn, sơgơn bơtau mơ mè khai neh tơndau khai in, tòm ngai tòmbau khai, tòm ngai nùs khai hòn chò.

Đơs Chò 3:4

Añ pa lòt sơrlèt bơh bol khai dô ơthoa, tòm tŭ añ tìp cau mơ nùs añ kòñ gơboh; gen koar kơ̆ di khai, ò lòi khai in lòt, jơl tus di tŭ añ lam khai mut tòm hìu mè añ jê, mut tòm ơdŭ mè neh bun añ.

Đơs Chò 3:6

Cau ne la ñcau, tus bơh tòm ƀlàng ngềt ngơt, be jrong ñhŭ, ƀô bơlhu cài trŭ mơ kơlhô, bal mơ ală kơmbuh chi ƀô bơlhu cau kă bro dê taih?

Đơs Chò 4:8

Ơ bau ùr pa añ jê, tus tĕ bal mơ añ bơh Liban, tus tĕ bal mơ añ bơh Liban; Lik lòt tĕ bơh bồ Amana, bơh bồ mơnơm Senir mơ Hermôn, bơh trồm klìu triă, bơh mơnơm klìu sơmañ.

Đơs Chò 6:10

Cau ùr do la ñcau taih, tơlik mat be trồ rìng àng, hàng mơnĕ be mat kơnhai, àng gơcrà be mattơngai, bìr rngòt be dô mpồl ling pò bồng bi?

Đơs Chò 8:1

Ô! Kơp kòñ mê la bi añ jê, cau neh pô toh mè añ jê! Dilah añ tìp mê đah bơdìh, ngan añ rơp cum mê, ò gơs cau lơi geh sền òsơp di añ.

Esai 36:6

Sền ne, mê kơnòm di Ejiptơ la dô nơm tòm proh pă lơh gơs gai jra, cau lơi sơnđìng di gơ gen rơp srơp bluh tê! Pharaôn bơtau Ejiptơ, gơwèt mơ jơh ală cau gơn kơnòm di khai la behơ̆.

Esai 40:3

Gơs jơnau cau hòi driau lah: “Rcang tĕ gùng tòm ƀlàng ngềt ngơt Yàng Jehôwa in; bơsong tĕ gùng me tòm ƀlàng bràs Yàng Tom Trồ bol he in!

Esai 43:19

Do, Añ mòr lơh dô bơta pa! Tŭ do gơ rơp gơlik gơs mo; bol mê ò đal git ơ? Añ rơp pò dô nơm gùng tòm ƀlàng bràs, mơ pò ală croh dà tòm ƀlàng ngềt ngơt.

Jeremi 2:2

Lòt tĕ, mơ đơs di tồr làng bol Jerusalem in kơno lah: “Yàng Jehôwa đơs be do: ‘Añ gam kah nùs duh hul mê dê bơh tŭ gam kơnòm să, Nùs kòñ gơboh mi dê be dô nă ƀan pa rê hìu bau klau, Mbe mê neh jat Añ tòm ƀlàng ngềt ngơt, tòm ù tiah ò sih ò tam.

Sră Ôse 12:4

Tòm hìu kòn, khai at di kơndòl jơng bi khai dê, tòm tŭ dờng khai tòmpơt mơ Yàng Tom Trồ.

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Jang 13:23

Gơs dô nă cau bơtê sơrkềng să di ntơh Yàng Jesu, hơ̆ la cau Kơnràñ kòñ gơboh.

Rôma 7:4

Kung behơ̆ sơl, ơ oh mi añ jê, kơnòm di să jan Bơtau Krist dê mơ oh mi neh chơt gơwèt hơ bơta boh lam, nàng geh kơt bal mơ cau ndai, hơ̆ la cau neh kis wơl bơh bơta chơt, tồ bol he gơlik plai Yàng Tom Trồ in.

Galati 4:19

Ơ ală kòn dềt añ jê, bơh ală kòn tàng añ kong tai bơta jê sồt kung be cau jê deh, jơl tus di tŭ Bơtau Krist gơs rùp să tòm ală kòn;

I Pier 1:21

Bơh Kơnràñ mơ oh mi dòn nền di Yàng Tom Trồ la Bơtau neh lơh Kơnràñ in kis wơl bơh bơta chơt, mơ ai bơta gơklŏ Kơnràñ in, tồ bơta dòn mơ bơta gơn kơnòm oh mi dê geh ơm tòm Yàng Tom Trồ.

Yal Tơlik 12:6

Ai cau ùr hơ̆ dô pleh tòm ƀlàng bràs, tềng hơ̆ khai gơs dô bă tiah Yàng Tom Trồ neh rcang sir khai in, tòm tiah hơ̆ khai geh ròng siam tòm dô rbô bàr rhiang prau jơt ngai.