Đơs Chò 7:9 - Sră Goh 2018

⁹ Mơ bơr ai dê be tơrnòm bơkah. Hòr lik ƀuơn soh bơh sơndồi mơ sề.

Đơs Chò 7:9 ပူးပေါင်းရင်းမြစ်များ

Jơnau Pơnđik 16:24

Jơnau niam tòm toh be sìng lơwe, Bơkah lơngồt hwềng nùs in, mơ pràn kơldang să jan in.

Jơnau Pơnđik 23:31

Bañ sền rmê di ơlak tơrnòm tòm tŭ gơ pơrhê, tòm tŭ gơcrà tòm khòc mơ hòr lik dô bă ƀuơn soh ngan.

Đơs Chò 2:14

Ơ sềm ntòp añ, tòm pơnai lŭ, di tiah cìr mơnơm jơnhoa, ai tĕ añ in sền muh mat ai, ai añ in iat jơnau đơs ai; bơh jơnau đơs ai dê la bơkah lơngồt, muh mat ai dê gơboh gơbài ngan.

Đơs Chò 5:16

Bơr khai lơngồt bơkah; jơh ală bơta gơs tòm khai di pal kòñ gơboh ngan. Ơ ală kòn ùr Jerusalem, cau kòñ gơboh añ behơ̆, cau bơyô gơboh añ la behơ̆!

Đơs Chò 5:2

Añ bic, mơya nùs añ gam kah rngal. Iat! Cau kòñ gơboh añ teh mpồng lah: “Pò tĕ mpồng añ in! Ơ oh ùr añ jê, cau kòñ gơboh añ jê, sềm ntòp añ jê, cau niam wil tơl añ jê! Bơh bồ añ sùh mơ dà tŭ, ală cap sŏ añ sùh bơh tơioh dà trồ mang dê.”

Rôma 13:11

Lơh tĕ behơ̆, bơh oh mi git tŭ tơngai do la tŭ oh mi pal guh, bañ bic tai; bơh tŭ do bơta dong klàs neh rềp mơ bol he rlau mơ tŭ bol he pa dòn òr.

Ephesô 4:29

Bañ gơs jơnau iơh lơi lik bơh di bơr oh mi, mơya tòm tŭ pal đơs gen đơs tĕ jơnau niam nàng gơs bơt bơtào, tồ cèng bơta niam ală cau kơno in.

Kôlôse 4:6

Jơnau đơs oh mi pal gơs bơta nđàc sùm sùm, mơ tĕ bơtơl boh, tồ oh mi in git pal ho wơl kòp nă cau in la mbe lơi.

Hebrơ 13:15

Behơ̆ bol he kơnòm tĕ di Yàng Jesu, mơ kư̆ ơn sùm phan ơn duh khoai la jơnau jòng ro Yàng Tom Trồ bơh bơr sơndồi yal tơlik sơnđan Kơnràñ la Yàng.

Yal Tơlik 14:13

Añ kơno bơh đang trồ gơs jơnau đơs lah: “Cih tĕ jơnau do: Bơh do jơl hìng nau lơngai ală cau in chơt la chơt tòm Yàng!” Yàng Hwềng đơs: “Ngan behơ̆, bơh bol khai geh rlô bơh ală broă bòl glar bol khai dê, bơh ală broă bol khai dê jat bal mơ bol khai.”