Đơs Chò 7:13 - Sră Goh 2018

¹³ Plai sơrmoan tơlik ƀô gơ dê; mơ di mpồng bol he dê gơs ală plai bơkah pa mơ yau; Ơ cau kòñ gơboh añ jê, añ neh prap lòi plai hơ̆ bi in!

Đơs Chò 7:13 ပူးပေါင်းရင်းမြစ်များ

Sơnròp Gơlik Gơs 30:14

Tus di kơnhai toès kòi brà, Ruben lik lòt tòm ƀlàng sre gŏ ală plai phồng ya mơ cèng ai Lea mè khai in. Gen Racel đơs mơ Lea lah: Dan ai añ in ală plai phồng ya kòn ai dê.”

Đơs Chò 2:3

Be tòm chi sa plai digùl ală chi tòm brê, behơ̆ sơl cau kòñ gơboh añ ơm digùl ală cau pơnu, Añ chò nùs ơm nggui tòm mƀur khai dê; plai khai bơkah lơngồt tòm lơmpiat añ in.

Đơs Chò 4:13

Ală chi hòn tòm suơn hàng mơnĕ, gơs plai lừu mơ ală plai bơkah, bơkào phùng tien mơ chi krĕ;

Đơs Chò 4:16

Ơ càl đah đang, guh tĕ, ơ càl đah đơm, khồm tĕ; khồm tĕ tòm suơn añ, tồ ală ƀô bơlhu gơ par lik! Lòi tĕ cau kòñ gơboh añ mut tòm suơn khai, mơ sa ală plai bơkah lơngồt khai dê!

Đơs Chò 6:11

Añ lòt tus tòm suơn plai gus, nàng sền ală ntê bơnung sơmbut tòm thòng. Nàng sền suơn ño neh cat nha pa, plai lừu neh gơs bơkào hala òhềt.

Đơs Chò 8:1

Ô! Kơp kòñ mê la bi añ jê, cau neh pô toh mè añ jê! Dilah añ tìp mê đah bơdìh, ngan añ rơp cum mê, ò gơs cau lơi geh sền òsơp di añ.

Esai 23:18

Mơya ală phan kă bro mơ jền tơngai khai dê rơp geh ơn Yàng Jehôwa in, cồng nha gơ rơp ò geh prap lòi tòm đam. Mơya phan mơna khai geh rơp ai ală cau ơm di đap Yàng Jehôwa nàng bol khai geh tơngkah tơngkañ phan sa mơ phan soh.

Mathiơ 13:52

Kơnràñ đơs tai lah: “Tài behơ̆ kòp nă cau bơto bơta boh lam mơ neh gơlik gơs cau bơtê lơgar đang trồ dê la kung be dô nă cau tòm hìu cèng tơlik ală phan pa mơ phan yau bơh tòm đam khai dê.”

Mathiơ 25:40

Cau Bơtau rơp ho lah: ‘Di ngan Añ đơs mơ bol mê, tòm tŭ bol mê neh lơh broă hơ̆ mơ dô nă cau dềt rhền rlau jơh tòm ală oh mi Añ, hơ̆ la lơh să tòm Añ in.’

Jang 15:8

Bèp Añ geh gơklŏ, hơ̆ la tài bơh bol mê gơlik oă plai, mơ bol mê rơp lơh gơs cau bơtê Añ jê.

I Kôrintô 16:2

Ngai sơnròp tòm kòp poh, kòp nă jat bơta cồng nha he dê mơ prap lòi is, tồ ò càng rì jền tòm tŭ añ tus.

I Kôrintô 2:9

Mơya kung be Jơnau neh cih lah: “Ală bơta mat òhềt gŏ, tồr òhềt kơno, Mơ nùs kòn mơnus òhềt kơlôi, Gen Yàng Tom Trồ neh rcang lài ală bơta hơ̆ ală cau in kòñ gơboh di Kơnràñ.”

Ephesô 5:9

(bơh plai bơta àng dê ơm tòm jơh ală bơta lơbơn niam, song ring, mơ song ngan),

Philip 1:11

oh mi geh bềng plai bơta song ring dê tus bơh Yàng Jesu Krist, tồ lơh àng sơnđan mơ jòng ro Yàng Tom Trồ.

Kôlôse 3:17

Dilah oh mi lơh bơta lơi, bulah jơnau đơs hala broă lơh, ai tĕ sơnđan Yàng Jesu mơ lơh jơh ală bơta, kơnòm di Kơnràñ mơ ưnngài Yàng Tom Trồ la Bèp.

I Pier 4:11

Dilah gơs cau lơi bơto, gen bơto tĕ be bơto yal jơnau Yàng Tom Trồ dê; dilah gơs cau lơi duh broă, gen duh tĕ broă kơnòm di pràn Yàng Tom Trồ ai, nàng Yàng Tom Trồ geh àng sơnđan tòm jơh ală bơta kơnòm di Yàng Jesu Krist. Dan bơta gơklŏ mơ gơnap gơnoar gơrê bal mơ Kơnràñ sùm sùm ò lồi. Amen.