Đơs Chò 5:5 - Sră Goh 2018

⁵ Gen añ guh nàng pò mpồng cau kòñ gơboh añ in; tê añ ñhat cài trŭ, mơ ală ràs tê añ gơhòr cài trŭ hơđang plai at mpồng dê.

Đơs Chò 5:5 ပူးပေါင်းရင်းမြစ်များ

Đơs Chò 1:16

Ơ cau kòñ gơboh añ jê, mê niam klau; Mơ cơnòng bic bol he dê tơlir ñhơt.

Đơs Chò 3:6

Cau ne la ñcau, tus bơh tòm ƀlàng ngềt ngơt, be jrong ñhŭ, ƀô bơlhu cài trŭ mơ kơlhô, bal mơ ală kơmbuh chi ƀô bơlhu cau kă bro dê taih?

Đơs Chò 5:13

Tơrmồ khai be àr bơkào ƀô bơlhu, gơlik ƀô bơlhu bềng lìu; sơndồi khai gơlơh be bơkào gun; ngồm ñhat cài trŭ.

Đơs Chò 5:2

Añ bic, mơya nùs añ gam kah rngal. Iat! Cau kòñ gơboh añ teh mpồng lah: “Pò tĕ mpồng añ in! Ơ oh ùr añ jê, cau kòñ gơboh añ jê, sềm ntòp añ jê, cau niam wil tơl añ jê! Bơh bồ añ sùh mơ dà tŭ, ală cap sŏ añ sùh bơh tơioh dà trồ mang dê.”

Luka 12:36

Lơh tĕ be cau kơp gơn cau tòm he rê bơh bơta ñô sa tòmbau, nàng tòm tŭ cau tòm tus, teh mpồng gen pò mo.

II Kôrintô 7:7

Ò di mìng bơh khai lòt tus lơm ò, mơya tài bơh bơta pơndòm pơniang khai neh geh bơh di oh mi sơl, bơh khai neh yal wơl bol hi in git oh mi kơp kòñ ngan tìp añ, bơta moat jrùng oh mi dê, mơ nùs ngac ngar oh mi dê gơwèt mơ añ, tian gơs lơh añ in sơlo hòn chò bơtơl tai.

Ephesô 3:17

tồ Bơtau Krist in bơh bơta dòn mơ ơm tòm nùs ală oh mi, nàng tơnơ̆ mơ tŭ oh mi ơm kơ̆ be chi sro ryas mơ bơtào kơ̆ tòm bơta kòñ gơboh.

Yal Tơlik 3:20

Do, Añ ntào di mpồng mơ teh; dilah cau lơi kơno jơnau Añ mơ pò mpồng, gen Añ rơp mut mơ sào bal mơ khai, khai bal mơ Añ.