Đơs Chò 5:16 - Sră Goh 2018

¹⁶ Bơr khai lơngồt bơkah; jơh ală bơta gơs tòm khai di pal kòñ gơboh ngan. Ơ ală kòn ùr Jerusalem, cau kòñ gơboh añ behơ̆, cau bơyô gơboh añ la behơ̆!

Đơs Chò 5:16 ပူးပေါင်းရင်းမြစ်များ

II Samuel 1:23

Sol mơ Jônathan kòñ gơboh mơ đềt mềr; Tòm tŭ gam kis mơ tòm tŭ chơt bol khai ò cah is. Bol khai sơrbac sơrbang rlau mơ ală klàng bung, Bol khai pràn kơldang rlau mơ ală klìu triă!

Đơs Crih 119:103

Jơnau Yàng dê la bơkah lơngồt añ in ò git nđò, Ngan lơngồt rlau mơ dà lơwe tòm bơr añ jê!

Đơs Crih 148:13

Lòi bol khai jòng ro sơnđan Yàng Jehôwa, Bơh mìng sơnđan Kơnràñ dê geh yò tơngguh hơđang; Bơta gơklŏ Kơnràñ dê jơnhoa rlau mơ plai ù mơ ală tap trồ.

Đơs Crih 19:10

Ală bơta hơ̆ màng rlau mơ màh, ngan la màng rlau mơ oă màh ngan; Mơ kung lơngồt rlau mơ dà lơwe, rlau mơ dà bồ sing lơwe dê.

Đơs Crih 45:2

Bơtau la hàng mơnĕ rlau mơ ală kòn sau jơi kòn mơnus dê; Jơnau đơs bơr sơndồi bơtau dê la bềng bơta nđàc; Tài behơ̆ Yàng Tom Trồ neh ai lơngai bơtau in gam sùm sùm.

Đơs Crih 89:6

Hơđang ală tap trồ, ñcau geh pơndròm bal mơ Yàng Jehôwa taih? Digùl ală cau hơđang trồ, ñcau geh ndròm be Yàng Jehôwa taih?

Đơs Chò 1:16

Ơ cau kòñ gơboh añ jê, mê niam klau; Mơ cơnòng bic bol he dê tơlir ñhơt.

Đơs Chò 1:2

Lòi khai cum añ bơta cum bơh di bơr khai dê. Bơh bơta kòñ gơboh mê dê niam rlau mơ tơrnòm.

Đơs Chò 1:5

Ơ ală kòn ùr Jerusalem, añ jù, mơya hàng mơnĕ, be ală sàl Keđa, be bài kơrnìng Salômôn dê.

Đơs Chò 2:1

Añ la bơkào phồng Sarôn dê, bơkào gun thòng dê.

Đơs Chò 2:16

Cau kòñ gơboh añ gơrê bal mơ añ, mơ añ gơrê bal mơ khai; khai ê mpồl he digùl ƀlàng bơkào gun,

Đơs Chò 2:3

Be tòm chi sa plai digùl ală chi tòm brê, behơ̆ sơl cau kòñ gơboh añ ơm digùl ală cau pơnu, Añ chò nùs ơm nggui tòm mƀur khai dê; plai khai bơkah lơngồt tòm lơmpiat añ in.

Đơs Chò 4:3

Sơndồi ai tòm toh be dô dang che pơrhê, bơr ai niam mơnĕ ngan; tơrmồ ai gòm chèo be nggùl nai plai lừu. Dum bơh dơlam chèo cang.

Đơs Chò 6:3

Añ gơrê bal mơ cau kòñ gơboh añ, mơ cau kòñ gơboh añ gơrê bal mơ añ; Khai ê mpồl khai digùl bơkào gun.

Đơs Chò 7:9

Mơ bơr ai dê be tơrnòm bơkah. Hòr lik ƀuơn soh bơh sơndồi mơ sề.

Jeremi 15:16

Kơno ală jơnau Kơnràñ dê, gen añ sa loan rau; la bơta hòn chò nùs añ jê; Bơh añ geh sơnđan bơh sơnđan Kơnràñ! Ơ Jehôwa Yàng Tom Trồ Gơnap Gơnoar.

Jeremi 3:20

Mơya, ơ cau Israel, Ngan kung be dô nă cau ùr ò dòn song sang lòi bau klau be lơi, Gen bol mê kung ò dòn song mơ Añ behơ̆ sơl.’” Yàng Jehôwa đơs behơ̆.

Sră Ôse 3:1

Yàng Jehôwa đơs tai mơ añ lah: “Lòt tĕ, kòñ gơboh di dô nă cau ùr, khai neh geh cau kòñ gơboh, mơ khai la cau ùr bơrnàn, be Yàng Jehôwa kòñ gơboh di cau Israel, bulah bol khai neh wèt hơ ală yàng ndai, mơ khai kòñ gơboh ală ƀañ plai ño.”

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

Philip 3:8

Ngan behơ̆, añ sền jơh ală bơta kung be bơta roh lơm, bơh bơta dòp git Yàng Jesu Krist, Yàng añ jê, la dờng màng rlau jơh; bơh Kơnràñ mơ añ neh sang lòi jơh ală cồng nha hơ̆. Añ sền ală bơta hơ̆ kung be thul ơmul tồ añ in dòp geh Bơtau Krist,

Jakơ 2:23

Behơ̆ gơlik di ngan be jơnau Sră Goh cih lah: “Abraham dòn Yàng Tom Trồ mơ bơta hơ̆ geh kòp la song ring khai in,” mơ khai geh sơnđan la bơyô Yàng Tom Trồ dê.

Jakơ 4:4

Ơ ală cau ò dòn song ne! Oh mi ò git lah lơh bơyô mơ dunnia hơ̆ la tòmdră mơ Yàng Tom Trồ ò ơ? Gen tàng cau lơi kòñ lơh bơyô mơ dunnia gen cau hơ̆ gơlik gơs cau sò tơm mơ Yàng Tom Trồ.