Đơs Chò 5:10 - Sră Goh 2018

¹⁰ Cau kòñ gơboh añ bò mơ dum, khà dùl tòm jơt rbô nă cau.

Đơs Chò 5:10 ပူးပေါင်းရင်းမြစ်များ

Đơs Crih 45:17

Añ rơp lơh sơnđan bơtau in geh kah wơl tòm jơh ală rài; Behơ̆ ală làng bol rơp jòng ro Kơnràñ sùm sùm ò lồi.

Đơs Crih 45:2

Bơtau la hàng mơnĕ rlau mơ ală kòn sau jơi kòn mơnus dê; Jơnau đơs bơr sơndồi bơtau dê la bềng bơta nđàc; Tài behơ̆ Yàng Tom Trồ neh ai lơngai bơtau in gam sùm sùm.

Đơs Chò 2:1

Añ la bơkào phồng Sarôn dê, bơkào gun thòng dê.

Esai 10:18

Bơta hàng mơnĕ brê dơr khai dê mơ tiah bềng chi sa plai khai dê, rơp kong tơnroh jơh hir, hwềng bal mơ să jan, kung be tòm tŭ cau òsô lòt gơsèng.

Esai 59:19

Behơ̆ ală cau đah mattơngai mut rơp rngòt di sơnđan Yàng Jehôwa, mơ ală cau bơh đah mattơngai lik rơp ki ngàm di bơta gơklŏ Kơnràñ dê. Bơh Kơnràñ rơp tus kung be dà tih, mơ càl Yàng Jehôwa cèng pơrdô khai.

Esai 66:19

Añ rơp ơn dô nơm tềl digùl bol khai, mơ Añ rơp sồr dô êt cau tòm mpồl ală cau gam kis lòt tus tòm ală lơgar, hơ̆ la tus hơ Tarsi, Libi, mơ Lidi la làng bol jak pañ sơna, tus hơ Tubal mơ Grek, mơ tus hơ ală bồt pơlào ơm ngài, la tiah òhềt kơno jơnau jòng ro bơh Añ, mơ kung òhềt gŏ bơta gơklŏ Añ jê. Bol khai rơp yal tơlik bơta gơklŏ Añ jê tòm ală lơgar.

Ñìm Rac 4:7

Ală cau kwang at bồ gơ goh rlau mơ piar, bò rlau mơ dà toh. Să jan bò pơrhê rlau mơ bơkào lŭ tòm dàlềng, sŏ bol khai be lŭ màng tơlir.

Rôma 9:5

bol khai la kòn sau neh gơs ală ồng pàng cau Hebrơ màng ryŭ, mơ jat đah poac să bơh làng bol hơ̆ tơnggơs Bơtau Krist, dan Yàng Tom Trồ la Bơtau at bồ hơđang jơh ală bơta, pal geh jòng ro gam sùm sùm. Amen.

Yal Wơl 32:31

Bơh Pơnai Lŭ bol khai dê ò di be Pơnai Lŭ bol he dê, ală cau sò tơm bol he dê la bơrngơl gơla.

Kôlôse 1:18

Kơnràñ kung la bồ să jan dê, hơ̆ la bồ Hìu Jum Goh. Kơnràñ la tòm ryas, la cau sơnròp kis wơl bơh bơta chơt, tồ tòm jơh ală bơta Kơnràñ la bồ.

Hebrơ 2:10

Di ngan mìng Yàng Tom Trồ la Bơtau crơng gơs mơ prap gàr jơh ală phan, rgơi lơh Yàng Jesu in geh wil tơl bơh bơta kong bòl glar, nàng cèng ală kòn gơs pơnah tòm bơta gơklŏ Kơnràñ dê. Bơh Yàng Jesu la Bơtau tề lam bol khai tus hơ bơta dong klàs.

Hebrơ 7:26

Yàng Jesu la cau gơnoar dờng lam bồ ơn phan duh khoai bol he pal càng; Kơnràñ la sàng goh, ò gơs tiah geh lah pơrhơng, ò ƀơ̆ wàm, cah is bơh ală cau glài, geh yò tơngguh rlau mơ ală tap trồ.

I Samuel 16:12

Behơ̆ Jese sồr cau lòt hòi khai mơ lam khai mut tòm hìu. Muh mat khai gơlơh dum dum, rùp să khai dê sền niam mơ hàng mơnĕ. Gen Yàng Jehôwa đơs lah: “Ñă tĕ bong mơñà khai in. Khai la cau Añ sac rwah.”