Đơs Chò 3:6 - Sră Goh 2018

⁶ Cau ne la ñcau, tus bơh tòm ƀlàng ngềt ngơt, be jrong ñhŭ, ƀô bơlhu cài trŭ mơ kơlhô, bal mơ ală kơmbuh chi ƀô bơlhu cau kă bro dê taih?

Đơs Chò 3:6 ပူးပေါင်းရင်းမြစ်များ

Lik Ejiptơ 30:34

Gen Yàng Jehôwa đơs mơ Môise lah: “Ai tĕ ală sơnơm ƀô bơlhu, hơ̆ la «tô hiệp hương», «loa yểm hương», «phong chi hương», bal mơ cài trŭ, kơr ring bal kòp bơta,

Jơnau Pơnđik 7:17

Ai kơlhô, cài trŭ mơ kơmhò kwê̆, Chu ƀô niam tòm tiah bic añ.

Đơs Chò 1:13

Cau kòñ gơboh añ jê be dô cap bơkào (cài trŭ) añ in. Ơm digùl ntơh añ jê.

Đơs Chò 1:3

Mơñà bong mê dê ƀô bơlhu; Sơnđan mê be mơñà ƀô bơlhu hòr lik; Gen tàng ală cau ơruh dềt kòñ gơboh di mê.

Đơs Chò 3:7

Ne, la rda tùng Salômôn dê, gùt dar gơ gơs prau jơt nă cau pràn kơldang tòm mpồl cau pràn kơldang Israel dê.

Đơs Chò 4:6

Jơl tus di càl àng drim, mơ mƀur gơ par dô thit, añ rơp lòt mhar hơđang mơnơm cài trŭ mơ guh hơ dòr kơlhô.

Đơs Chò 5:13

Tơrmồ khai be àr bơkào ƀô bơlhu, gơlik ƀô bơlhu bềng lìu; sơndồi khai gơlơh be bơkào gun; ngồm ñhat cài trŭ.

Đơs Chò 5:5

Gen añ guh nàng pò mpồng cau kòñ gơboh añ in; tê añ ñhat cài trŭ, mơ ală ràs tê añ gơhòr cài trŭ hơđang plai at mpồng dê.

Đơs Chò 8:5

Cau ùr do la ñcau, bơh ƀlàng bràs mơ guh, sơnđìng să di cau kòñ gơboh khai dê taih? Añ neh pơrlai mê di hơđơm chi sơrmoan, Tềng hơ̆ mè kong bòl glar nàng tơnggơs mê, tềng hơ̆ cau neh deh mê kong bòl glar.

Esai 43:19

Do, Añ mòr lơh dô bơta pa! Tŭ do gơ rơp gơlik gơs mo; bol mê ò đal git ơ? Añ rơp pò dô nơm gùng tòm ƀlàng bràs, mơ pò ală croh dà tòm ƀlàng ngềt ngơt.

Jeremi 2:2

Lòt tĕ, mơ đơs di tồr làng bol Jerusalem in kơno lah: “Yàng Jehôwa đơs be do: ‘Añ gam kah nùs duh hul mê dê bơh tŭ gam kơnòm să, Nùs kòñ gơboh mi dê be dô nă ƀan pa rê hìu bau klau, Mbe mê neh jat Añ tòm ƀlàng ngềt ngơt, tòm ù tiah ò sih ò tam.

Jeremi 31:2

Yàng Jehôwa đơs be do: “Làng bol lik klàs bơh pềs tà Neh jòi bàn bơta nđàc tòm ƀlàng ngềt ngơt; tòm tŭ Israel jòi bàn tiah rlô.”

Sră Ôse 9:10

Tòm tŭ Añ jòi bàn Israel, kung be jòi bàn tơrkum plai ño tòm ƀlàng ngềt ngơt; tòm tŭ Añ gŏ ală ồng pàng bol mê dê, gen kung be gŏ plai chi ƀal gơlik plai sơnròp tòm bồ sơnam. Mơya bol khai neh lòt tus hơ Baal Pheô, bol khai ơn să tòm bol khai rùp ràk ƀàssìl ƀàsso in, mơ gơlik gơs cù kìr kung be phan mơ bol khai neh kòñ gơboh.

Mathiơ 2:11

Bol khai mut tòm hìu, gŏ kòn dềt bal mơ Mari mè Kơnràñ, gen tơmbic să mơ duh khoai Kơnràñ. Gen bol khai pò ală phan màng mơ ơn Kơnràñ in la màh, kơlhô mơ cài trŭ.

Yal Wơl 8:2

Kah tĕ mbe Jehôwa Yàng Tom Trồ bol mê dê neh tề lam bol mê tòm jơh gùng dà tòm ƀlàng ngềt ngơt tòm poan jơt nam neh rlau, nàng tơnliah să bol mê, lòng bol mê nàng git ñchi bơta neh gơs tòm nùs bol mê dê, sền bol mê rơp prap gàr ală jơnau gơnoar sồr Kơnràñ dê hala ò.

Philip 4:18

Añ geh wil tơl mơ tơngkah tơngkañ; añ geh bềng lìu bơh neh dòp geh ală phan ai gòi bơh Epaphrôdik mơ oh mi pơyoa añ in, hơ̆ la dô nơm phan ơn gơs ƀô bơlhu, la dô nơm phan pơdơng geh Yàng Tom Trồ dòp mơ niam nùs Kơnràñ.

Yal Tơlik 12:14

Mơya cau ùr geh ai bàr nơm đar klàng bung dờng, tồ khai rgơi par pleh bơh di bơs mơ tus tiah khai ơm tòm ƀlàng bràs; tềng hơ̆ khai geh ròng siam tòm dô tơngai, ală tơngai mơ nggùl tơngai.

Yal Tơlik 12:6

Ai cau ùr hơ̆ dô pleh tòm ƀlàng bràs, tềng hơ̆ khai gơs dô bă tiah Yàng Tom Trồ neh rcang sir khai in, tòm tiah hơ̆ khai geh ròng siam tòm dô rbô bàr rhiang prau jơt ngai.

Yal Tơlik 18:13

kơmhò kwĕ, kơmbuh tĕ biap, kơmbuh kơlhô, cài trŭ, kơlhô, tơrnòm, mơñà, kơmbuh kòi mi, kòi mi, kơnrồ, belàt, ơseh, rơndeh ơseh, dĭ gơna, hơ̆ la hwềng soàn cau.

Yal Tơlik 5:8

Tòm tŭ Belàt Kòn neh ai sră rau, gen poan nơm phan wìn kis mơ bàr jơt poan nă cau kwang kra tơmbic să di đap Belàt Kòn, kòp nă cau at dô nơm kơñi pĕ mơ ală gri mơ màh bềng kơlhô, hơ̆ la ală jơnau hòi dan ală cau sàng goh dê.