Đơs Chò 3:11 - Sră Goh 2018

¹¹ Ơ ală kòn ùr Siôn, lik lòt tĕ sền bơtau Salômôn, sơgơn bơtau mơ mè khai neh tơndau khai in, tòm ngai tòmbau khai, tòm ngai nùs khai hòn chò.

Đơs Chò 3:11 ပူးပေါင်းရင်းမြစ်များ

Đơs Crih 48:11

Mơnơm Siôn chò hòp tĕ! Tài bơh ală bơta cahrña Kơnràñ dê, lòi ală kòn ùr Juda hòn chò tĕ!

Đơs Crih 9:14

Tồ añ rơp yal tơlik jơh ală bơta jòng ro Yàng, mơ di mpồng kòn ùr Siôn Añ rơp hòn chò tòm bơta Kơnràñ dong tă añ.

Đơs Chò 1:5

Ơ ală kòn ùr Jerusalem, añ jù, mơya hàng mơnĕ, be ală sàl Keđa, be bài kơrnìng Salômôn dê.

Đơs Chò 2:7

Ơ ală kòn ùr Jerusalem, añ jà bơklơn bol ai, bơh ală keh hala jùn ƀlàng sre, bañ pơrlai bơta kòñ gơboh añ jơl tus di tŭ gơ neh rcang sir.

Đơs Chò 7:11

Ơ cau kòñ gơboh añ, tus tĕ, bol he rơp lik lòt tòm ƀlàng sre, ơm mang tòm ƀòn dềt.

Đơs Chò 8:5

Cau ùr do la ñcau, bơh ƀlàng bràs mơ guh, sơnđìng să di cau kòñ gơboh khai dê taih? Añ neh pơrlai mê di hơđơm chi sơrmoan, Tềng hơ̆ mè kong bòl glar nàng tơnggơs mê, tềng hơ̆ cau neh deh mê kong bòl glar.

Esai 4:4

Yàng Jehôwa rào goh bơta ƀơ̆ ƀơl ală kòn ùr Siôn dê dô dơ̆, Kơnràñ rơp jùt goh ală tềl mhàm bơh digùl Jerusalem mơ kơnòm di hwềng bơta cahrña mơ hwềng chu pơrguc dê.

Esai 53:11

Tơnơ̆ mơ tŭ hwềng soàn Kơnràñ neh kong jê sồt, Kơnràñ rơp gŏ bơta àng mơ bơta hừh nùs, gan di bơta git wă Kơnràñ dê. Cau duh broă song ring Añ jê rơp lơh oă bơta song ring, mơ Kơnràñ rơp àñ ơnòng ală bơta tồi glài bol khai dê.

Esai 62:5

Kung be dô nă cau klau pơnu tòmbau mơ dô nă cau ơruh, gen kung behơ̆ sơl, Bơtau bơt bơtào ai rơp bau mơ ai, mơ kung be cau bơrtơu pa hòn chò bơh bau ùr pa khai dê, gen kung behơ̆ sơl, Yàng Tom Trồ rơp hòn chò bơh di ai.

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Jeremi 2:2

Lòt tĕ, mơ đơs di tồr làng bol Jerusalem in kơno lah: “Yàng Jehôwa đơs be do: ‘Añ gam kah nùs duh hul mê dê bơh tŭ gam kơnòm să, Nùs kòñ gơboh mi dê be dô nă ƀan pa rê hìu bau klau, Mbe mê neh jat Añ tòm ƀlàng ngềt ngơt, tòm ù tiah ò sih ò tam.

Jeremi 32:41

Añ rơp chò hòp mơ ai lơngai bol khai in, mơ Añ rơp tam bol khai tòm lơgar do tòm bơta dòn song, mơ jơh nùs jơh hwềng soàn Añ jê.’

Sôphôni 3:17

Jehôwa Yàng Tom Trồ ai dê ơm digùl ai; Kơnràñ la cau ling jak ai bơta pha lin. Kơnràñ rơp hòn chò bơh ai mơ bơta chò hòp, Kơnràñ rơp lơh pa wơl ai in, tòm bơta kòñ gơboh Kơnràñ dê; Mơ Kơnràñ rơp bơh ai, mơ hòn chò driau dờng.

Sacari 6:11

Ai tĕ priă mơ màh lơh gơs dô nơm sơgơn bơtau tơndau hơđang bồ cau gơnoar dờng lam bồ ơn phan duh khoai Jôsua, kòn klau Jehôjadak.

Mathiơ 12:42

Tòm ngai cahrña, bơtau ùr đah đơm rơp ñă ntào mơ jơi bơtiàn do mơ lơh nền glài bol khai, bơh khai bơh kơndòl plai ù lòt tus nàng iat bơta jak chài Salômôn dê, mơ do gơs dô nă Cau dờng rlau mơ Salômôn!”

Luka 15:32

Mơya di pal ngan sa chò hòp mơ hòn chò, bơh oh mê do neh chơt mơ kis wơl, neh roh mơ geh bàn wơl.’”

Jang 15:11

Añ neh yal bol mê in ală bơta hơ̆, tồ bơta hòn chò Añ jê ơm tòm bol mê, mơ bơta hòn chò bol mê dê geh wil tơl.

Jang 3:29

Cau lơi pa tòmbau hơ̆ la bơrtơu, mơya oh mi bơyô bơrtơu dê ơm ntào mơ iat jơnau khai, dơ̆ kơno jơnau đơs bơrtơu dê gen hòn chò oă ngan; hơ̆ la bơta hòn chò añ jê geh wil tơl behơ̆.

Kôlôse 1:18

Kơnràñ kung la bồ să jan dê, hơ̆ la bồ Hìu Jum Goh. Kơnràñ la tòm ryas, la cau sơnròp kis wơl bơh bơta chơt, tồ tòm jơh ală bơta Kơnràñ la bồ.

Hebrơ 13:13

Behơ̆ gen, bol he lik lòt tĕ tus hơ Kơnràñ hơ bơdìh sàl mpồl jơnum dê, nàng kong bơta bơtat bơtròh bal mơ Kơnràñ.

Hebrơ 2:9

Mơya bol he gŏ Yàng Jesu, la Bơtau kong tơnliah hơđơm cau gơnrơh dô êt jŏ, bơh bơta nđàc Yàng Tom Trồ dê mơ Kơnràñ kong chơt tơl nă cau in. Tŭ do bol hi sền gŏ Kơnràñ geh tơndau sơgơn bơtau gơklŏ mơ ryŭ ryơm, tài bơh neh kong bòl glar bơh bơta chơt.

Yal Tơlik 1:7

Ne, Kơnràñ ơm tòm mhwal mơ tus, mơ jơh ală gar mat rơp gŏ Kơnràñ, ală cau neh hwit Kơnràñ kung gŏ sơl; mơ jơh ală jơi bơtiàn tòm plai ù rơp ñìm rac bơh Kơnràñ. Ngan behơ̆. Amen.

Yal Tơlik 19:12

Gar mat Kơnràñ dê be lơmpiat ồs, bồ ndau oă sơgơn bơtau; gơs cih dô sơnđan, sơnđan hơ̆ rlau mơ Kơnràñ ò gơs cau lơi git.

Yal Tơlik 19:7

Bol he hòn chò mơ hừh hơh tĕ, jòng ro tĕ Kơnràñ; Bơh bơta tòmbau Belàt Kòn dê neh tus rau, mơ bau ùr Kơnràñ dê neh sơmpô să sir rau.