Đơs Chò 3:10 - Sră Goh 2018

¹⁰ Khai lơh ală jrong gơ mơ priă, tiah sơnđìng ngkòi mơ màh, tiah nggui mơ phan gơs dà gur, ai digùl lă mơ bơta kòñ gơboh ală kòn ùr Jerusalem dê.

Đơs Chò 3:10 ပူးပေါင်းရင်းမြစ်များ

Đơs Crih 87:3

Ơ ƀòn dờng Yàng Tom Trồ dê, Ală bơta gơklŏ neh đơs bơh mê. (Selah)

Đơs Chò 1:5

Ơ ală kòn ùr Jerusalem, añ jù, mơya hàng mơnĕ, be ală sàl Keđa, be bài kơrnìng Salômôn dê.

Đơs Chò 3:9

Bơtau Salômôn neh lơh să tòm khai in dô nơm rda tùng mơ chi bơh Liban,

Rôma 5:8

Mơya Yàng Tom Trồ yal tơlik nùs kòñ gơboh Kơnràñ dê gơwèt mơ bol he, la tòm tŭ bol he gam la cau glài, gen Bơtau Krist bơh bol he mơ kong chơt.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

Yal Tơlik 3:12

Cau lơi geh pha lin rlau, gen Añ rơp lơh khai in gơlik gơs dô nơm jrong tòm hìu duh khoai Yàng Tom Trồ Añ jê, mơ khai ò gơs tŭ lơi lik bơh tềng hơ̆ tai. Añ rơp cih hơđang khai sơnđan Yàng Tom Trồ Añ jê, sơnđan ƀòn dờng Yàng Tom Trồ Añ jê, la Jerusalem pa hơđang trồ bơh Yàng Tom Trồ Añ jê mơ mù, bal mơ sơnđan pa Añ jê.