Đơs Chò 2:4 - Sră Goh 2018

⁴ Khai cèng añ tus tòm hìu yò sa dờng, Bơta lơh nền lài khai wèt hơ añ hơ̆ la bơta kòñ gơboh.

Đơs Chò 2:4 ပူးပေါင်းရင်းမြစ်များ

Este 7:7

Cau bơtau ñă ntào gơhào gơjrañ ngan, sang lòi tơrnòm mơ lik lòt hơ suơn gơlang dê. Mơya Haman ơm wơl rac dan Este dong klàs bơta kis khai dê, tài bơh khai đal git cau bơtau neh lơh nền nàng tơnroh khai.

Sră Jop 1:10

Yàng ò di neh lơh dô nơm pơnggàr gùt dar khai, hìu nhă khai mơ jơh ală phan gơrê bal mơ khai, tòm kòp đah ò ơ? Yàng neh ai lơngai ală broă tê khai neh lơh, mơ lơh ală phan mơna khai dê gơbơtơl oă tòm lơgar.

Đơs Crih 20:5

Dan bol hi in geh hòn chò bơh bơta pha lin rlau mê dê, Mơ ai sơnđan Yàng Tom Trồ bol he dê, pò tơngguh ală bồng bi bol he dê. Dan Yàng Jehôwa lơh gơlik gơs jơh ală bơta mê neh dan.

Đơs Crih 60:4

Kơnràñ neh ai dô nơm bồng bi ală cau in duh rngòt di Kơnràñ, nàng bol khai ràn tus tềng hơ̆ tồ klàs bơh di kam par cau sò tơm. (Selah)

Đơs Crih 84:10

Bơh dô ngai tòm tiah ơm Yàng dê la niam rlau mơ dô rbô ngai tòm tiah ndai. Chan añ gơs cau kơp mpồng hìu Yàng Tom Trồ añ jê, la niam rlau mơ ơm tòm sàl cau iơh bơsak dê.

Đơs Chò 1:1

Sră đơs chò tòm ală bơta đơs chò niam rlau jơh mơ Salômôn neh cih.

Đơs Chò 1:4

Hwài tĕ añ jat mê; bol he ntoat sơrbac sơrbang lă. Cau bơtau neh cèng añ mut tòm ơdŭ khai dê. Bol he rơp hòn chò hừh hơh mơ mê; Bol he rơp jòng ro bơta kòñ gơboh mê dê bơkah rlau mơ tơrnòm. Ală cau ơruh dềt kòñ gơboh mê la song ngan.

Đơs Chò 5:1

Ơ oh ùr añ, bau ùr pa añ jê, añ neh mut tòm suơn añ rau! Añ neh pic tơrgòm cài trŭ mơ chi ƀô bơlhu añ jê, Añ sa sìng lơwe mơ dà lơwe añ jê, añ ñô tơrnòm mơ dà toh añ jê. Ơ ală cau bơyô, sa tĕ; ơ ală cau bơyô đềt mềr, ñô bơñul tĕ bơta kòñ gơboh!

Đơs Chò 6:4

Ơ cau kòñ gơboh añ jê, ai hàng mơnĕ be Tirjah, mơnĕ mơnài be Jerusalem, bìr rngòt be mpồl ling pò bồng bi.

Esai 11:10

Tòm ngai hơ̆, ryas Jese dê rơp ntào kung be bồng bi ală làng bol in, ală lơgar rơp ràn tus mơ Kơnràñ, mơ tiah ơm Kơnràñ dê rơp geh gơklŏ.

Yal Tơlik 3:20

Do, Añ ntào di mpồng mơ teh; dilah cau lơi kơno jơnau Añ mơ pò mpồng, gen Añ rơp mut mơ sào bal mơ khai, khai bal mơ Añ.