Đơs Chò 1:7 - Sră Goh 2018

⁷ Ơ cau mơ nùs añ kòñ gơboh, yal tĕ añ in git, ntềng đah mê ê mpồl mê dê, ntềng đah mê ai gơ in bic rlô tòm tŭ trồ gùl ngai taih; Ñchi bơh tài añ pal be dô nă cau ùr cang muh mat; ơm di gah mpồl ală cau bơyô mê dê taih?

Đơs Chò 1:7 ပူးပေါင်းရင်းမြစ်များ

Sơnròp Gơlik Gơs 37:16

Jôsep ho lah: “Añ jòi ală bi añ jê. Dan sơnio añ in git tiah lơi bol khai ê mpồl phan.”

Đơs Crih 116:1

Añ kòñ gơboh di Yàng Jehôwa, tài bơh Kơnràñ neh kơno añ Mơ jơnau rac dan añ jê.

Đơs Crih 18:1

Ơ Yàng Jehôwa la bơta pràn kơldang añ jê, añ kòñ gơboh di Kơnràñ.

Đơs Crih 28:1

Ơ Yàng Jehôwa, añ hòi dan mơ Kơnràñ; Ơ pơnai lŭ añ jê, bañ sềt tồr di añ, Bơh dilah Kơnràñ ơm mŏ mŏ mơ añ. Gen añ gơlik gơs be ală cau mù tòm bơtô.

Đơs Crih 80:1

Ơ Bơtau ê gàr Israel, la Bơtau tề lam Jakôp be mpồl belàt, Dan ai tồr iat! Ơ Bơtau ơm hơđang sơbàn, digùl ală ceruƀim, dan Kơnràñ pơnđàng sòl.

Đơs Chò 2:16

Cau kòñ gơboh añ gơrê bal mơ añ, mơ añ gơrê bal mơ khai; khai ê mpồl he digùl ƀlàng bơkào gun,

Đơs Chò 2:3

Be tòm chi sa plai digùl ală chi tòm brê, behơ̆ sơl cau kòñ gơboh añ ơm digùl ală cau pơnu, Añ chò nùs ơm nggui tòm mƀur khai dê; plai khai bơkah lơngồt tòm lơmpiat añ in.

Đơs Chò 5:10

Cau kòñ gơboh añ bò mơ dum, khà dùl tòm jơt rbô nă cau.

Đơs Chò 5:16

Bơr khai lơngồt bơkah; jơh ală bơta gơs tòm khai di pal kòñ gơboh ngan. Ơ ală kòn ùr Jerusalem, cau kòñ gơboh añ behơ̆, cau bơyô gơboh añ la behơ̆!

Đơs Chò 5:8

Ơ ală kòn ùr Jerusalem, añ rac dan mơ bol ai, dilah bol ai bàn cau kòñ gơboh añ jê, yal tĕ mơ khai lah: añ gơs kòp jê bơh bơta kòñ gơboh.

Đơs Chò 6:2

Cau kòñ gơboh añ lòt tus tòm suơn khai dê, tòm tiah tam bơkào ƀô, nàng ai mpồl sa ñhơt tòm suơn, mơ pic bơkào gun.

Đơs Chò 6:3

Añ gơrê bal mơ cau kòñ gơboh añ, mơ cau kòñ gơboh añ gơrê bal mơ añ; Khai ê mpồl khai digùl bơkào gun.

Đơs Chò 8:13

Ơ cau ơm tòm suơn, ală bơyô neh ơn tồr iat sap ai dê! Dan ai añ in kơno sap khai!

Esai 13:20

Gơ rơp ò gơs cau ơm, hala kis tềng hơ̆ tai tòm jơh ală rài; Ală cau Arap ò sơntơp sàl bol khai dê tềng hơ̆, ală cau ê belàt kung ò lòi mpồl belàt bic rlô bòl tềng hơ̆.

Esai 26:9

Hwềng soàn añ kơp gơn Kơnràñ tòm trồ mang; hwềng nùs tòm añ jơh nùs jòi jat Kơnràñ; bơh tòm tŭ ală bơta cahrña Kơnràñ dê gam hơđang ù, gen làng bol ơm tòm dunnia bơtê bơta song ring.

Esai 40:11

Kơnràñ ròng siam mpồl Kơnràñ dê kung be cau ê belàt; Kơnràñ pơjum tơrgòm ală belàt kòn tòm tơwòr tê Kơnràñ dê, mơ kơnđu bol gơ rềp di nùs Kơnràñ dê; Kơnràñ tề lam dô bă lơbơn niam ală belàt me gơs kòn gam pô.

Esai 5:1

Añ rơp đơs chò cau añ kòñ gơboh in dô bơta đơs chò bơh suơn ño khai dê: Cau añ kòñ gơboh neh gơs dô nơm suơn ño hơđang dòr ù bơkah tiah lơngồt.

Jeremi 33:12

Yàng Jehôwa Gơnap Gơnoar đơs be do: ‘Tòm tiah do la tiah lòi srau, ò gơs cau ơm, kung ò gơs phan poan jơng, mơ tòm ală ƀòn gơ, rơp gơs wơl ală ƀlàng ñhơt cau ê in lòi mpồl he ơm bic rlô.

Mice 5:4

Kơnràñ rơp ntào mơ ê gàr mpồl Kơnràñ dê kơnòm di pràn Yàng Jehôwa dê, bal mơ bơta ryŭ ryơm tòm sơnđan Jehôwa Yàng Tom Trồ Kơnràñ dê. Mơ bol khai rơp ơm lơngap lơngai, bơh tŭ hơ̆ Kơnràñ rơp la dờng làm jơh tus di ală tiah lồi plai ù dê.

Mathiơ 10:37

Cau lơi kòñ gơboh di bèp hala mè rlau mơ Añ, gen ò di pal Añ in; mơ cau lơi kòñ gơboh di kòn klau hala kòn ùr rlau mơ Añ, kung ò di pal Añ in.

Jang 10:11

Añ la cau ê niam. Cau ê niam bơh mpồl belàt mơ phi bơta kis he.

Jang 21:17

Kơnràñ đơs tai mơ khai dơ̆ pe lah: “Ơ Simôn, kòn Jôna, mê gơboh di Añ sơl?” Pier moat jrùng bơh Kơnràñ đơs tai mơ khai dơ̆ pe: “Mê gơboh di Añ sơl?” Gen khai đơs lah: “Ơ Yàng, Kơnràñ git jơh ală bơta, Kơnràñ git lah añ gơboh di Kơnràñ.” Yàng Jesu đơs lah: “Ròng siam tĕ ală belàt Añ jê.

I Pier 1:8

Kơnràñ la Bơtau oh mi ò gŏ mơya kòñ gơboh, bulah tŭ do oh mi ò tìp Kơnràñ, mơya dòn Kơnràñ mơ hòn chò dờng ngan, mơ ò rgơi yal.

I Pier 2:7

Behơ̆ gơwèt mơ oh mi la cau dòn, gen Kơnràñ la màng ngan; mơya gơwèt mơ ală cau ò dòn gen “Pơnai lŭ mơ ală cau bơt hìu neh sang lòi, Lŭ hơ̆ neh gơlik gơs lŭ bồ mum hìu,”

I Jang 2:19

Bol khai neh bơh digùl bol he mơ lik, mơya ò di bal mơ bol he; bơh dilah bol khai bal mơ bol he, gen neh kư̆ ơm bal mơ bol he; mơya bol khai neh lik lòt tồ yal tơlik lah jơh ală bol khai ò di bal mơ bol he.

Yal Tơlik 7:17

Bơh Belàt Kòn ơm digùl sơbàn rơp ê gàr bol khai, mơ tề lam bol khai tus hơ ală croh dà bơta kis, mơ Yàng Tom Trồ rơp jùt jơh dà mat di mat bol khai.”

Rutơ 2:21

Gen Rutơ cau Môap đơs lah: “Khai kung đơs mơ añ lah: ‘Ơm tĕ bal mơ ală cau lơh broă añ jơl tus di tŭ bol khai toès jơh kòi añ jê.’”