Daniel 9:26 - Sră Goh 2018

²⁶ Tơnơ̆ mơ prau jơt bàr nơm poh hơ̆, Bơtau geh bong mơñà rơp kòl tơnroh, mơ ò gam bơta lơi tai. Mpồl ling Bơtau rơp tus dê rơp tơnroh ƀòn dờng mơ tiah sàng goh. Bơta lồi dut rơp tus kung be dà kŏ: bơta tòmlơh gơpơnjat jơl tus lồi dut, mơ ală bơta tơnroh gơprah neh lơh nền.

Daniel 9:26 ပူးပေါင်းရင်းမြစ်များ

II Samuel 21:5

Bol khai ho mơ bơtau lah: “Gơwèt mơ cau neh tơnroh mơ neh jòi kai tòmdră mơ bol hi, tian gơs bol hi ò gam gơs tiah tòm ù tiah Israel dê,

Đơs Crih 22:15

Bơta pràn kơldang añ jê ro be nsàng glah, Mơ lơmpiat añ gơđềt di dò; Yàng neh tơmbic añ tòm thul ơmul bơta chơt dê.

Esai 28:2

Do, Yàng Jehôwa gơs dô nă cau gơs gơnap gơnoar mơ pràn kơldang; be càl rbut dờng mơ mìu piar, dô bơta tơnroh bơh càl dờng; be dà kŏ bam làm bă tiah. Tê Kơnràñ dê sơrbì bol khai tòm ù.

Esai 28:22

Gen tàng tŭ do, bañ bơrsèl tơnhial tai, rngòt che kơt bol mê rơp sơlo pràn rlau mòn! Bơh añ neh kơno dô jơnau gơnoar sồr tơnroh hơđang làm jơh ù tiah do, bơh di Yàng la Yàng Jehôwa Gơnap Gơnoar Dờng.

Esai 53:8

Bơh bơta cahrña rkwet rkwe mơ Kơnràñ neh kong tă tơlik; ñcau rgơi kơlôi lài bơh ñchi bơta rơp gơlik tus Kơnràñ in taih? Bơh Kơnràñ neh kong tă tơlik bơh di ù tiah cau kis, neh kong jê sồt bơh tồi glài làng bol Añ jê.

Esai 8:7

gen tàng Yàng Jehôwa rơp cèng dà tih hiòng hòr pràn dờng tòmdră mơ bol khai; hơ̆ la bơtau Asiri bal mơ jơh bơta gơklŏ khai dê; gơ rơp hòr guh hơđang jơh ală hiòng gơ dê, gơ ngŏ lìu hơđang jơh ală àr gơ dê;

Jeremi 46:7

Ne, cau do la ñcau gơhào khuh be hiòng Nil, kung be ală hiòng gơtơngguh ryà dờng

Jeremi 51:42

Dàlềng guh ngŏ bam Babilôn, gơ neh kong bồr mơ ală ryà dà dờng.

Daniel 11:10

Ală kòn klau bơtau đah đang rcang tòmlơh, bol khai pơjum dô mpồl ling gal ngan, lòt gan kung be dà kŏ ò gơs cau lơi rgơi kơryan gùng, mơ tòmlơh tus di theng ling bơtau đah đơm dê.

Daniel 11:17

Khai rơp lơh nền ai jơh pràn lơgar khai dê mơ khai rơp lơh bơta gơtòmsòr bal mơ bơtau đah đơm. Khai rơp ai kòn ùr khai dê tòmbau mơ bơtau đah đơm nàng dong khai tòmpìt lơgar đah đơm, mơya kung ò cèng cồng nha lơi bơtau in sơl.

Daniel 11:22

Ală mpồl ling rơp kong pơs jơh mơ bơcah lề lac di đap khai, mơ bơtau bơtào bơta ho bal kung behơ̆ sơl.

Daniel 11:36

Cau bơtau đah đang rơp lơh jat nùs kòñ khai dê; khai rơp pơnhừ să mơ yò tơngguh să khai jòng hơđang rlau mơ jơh ală yàng, mơ đơs ală jơnau tràl sơrbil ngan tòmsò mơ Yàng Tom Trồ ală yàng dê. Khai rơp geh bơtoah bơtoài jơl tus di tŭ bơta gơjrañ dờng Yàng dê geh bềng tơl, tài bơh bơta neh lơh nền pal gơlik gơs di ngan.

Daniel 9:27

Khai rơp lơh kơ̆ nền dô bơta ho bal mơ oă cau tòm dô poh, mơya tus di nggùl poh, khai rơp pơndut jơh phan ơn duh khoai mơ phan ơn; mơ tòm tiah bol khai dê rơp gơlik bơta ngkòr ngkàc, bơta hơ̆ tơnggơs bơta tơnroh gơprah, jơl tus di bơta lồi dut neh lơh nền tuh hơđang cau lơh tơrlah tơrling.”

Sră Ôse 1:9

Gen Yàng Jehôwa đơs lah: “Tơmoh tĕ sơnđan khai la Lôammi, tài bơh bol mê ò di la làng bol Añ jê, mơ Añ ò di la Yàng Tom Trồ bol mê dê.”

Amôs 8:8

Lơgar rơp ò rơm să bơh bơta hơ̆ ơ? Mơ jơh ală làng bol ơm tòm hơ̆ rơp ò ñìm rac ơ? Jơh lơgar rơp guh kung be hiòng Nil; mơ rơp yò tơngguh gen gơkram wơl kung be hiòng Nil tòm Ejiptơ dê ơ?”

Amôs 9:5

Bơh Jehôwa Yàng Tom Trồ Gơnap Gơnoar Dờng Làm Jơh, la Bơtau ƀư di plai ù gen gơlề lac, mơ jơh ală làng bol kis hơđang hơ̆ ñìm rac; jơh plai ù gơguh kung be hiòng Nil, mơ gơkram wơl kung be hiòng Ejiptơ dê.

Nahum 1:8

Tian gơs tòm dà kŏ hòr pơrdô, Kơnràñ rơp tơnlồi jơh ală cau sò tơm Kơnràñ dê, mơ Kơnràñ rơp ting jat ală cau sò tơm Kơnràñ dê tus tòm bơta klam jơngo.

Mathiơ 22:2

“Lơgar đang trồ kung be dô nă cau bơtau ne lơh dô bơta yò sa tòmbau kòn klau khai in.

Mathiơ 22:7

Cau bơtau gơhào gơjrañ, gen sồr ală cau ling lòt tơnroh ală cau tơnchơt cau hơ̆, mơ chu ƀòn dờng bol khai dê.

Mathiơ 23:38

Do, hìu bol mê rơp gơkòl lòi srau gòi.

Mathiơ 24:2

Kơnràñ đơs lah: “Bol mê gŏ jơh ală bơta hơ̆ sơl? Di ngan Añ đơs mơ bol mê, rơp ò gơs pơnai lŭ lơi ơm hơđang pơnai lŭ ndai tòm tiah do mơ ò gơtìp tơrlơm.”

Jơnau Niam Jat Mak 13:2

Yàng Jesu ho lah: “Mê gŏ ală hìu dờng do ơ? Rơp ò gơs pơnai lŭ lơi ơm hơđang pơnai lŭ ndai mơ ò gơtơrlơm.”

Jơnau Niam Jat Mak 13:7

Tòm tŭ bol mê kơno đơs bơh kơlìn mơ jơnau pơnro bơh kơlìn, gen bañ dơrcul. Ală bơta hơ̆ pal gơlik tus mơya hơ̆ òhềt la lồi dut ò.

Jơnau Niam Jat Mak 9:12

Kơnràñ ho lah: “Ngan Eli pal tus lài bơtào wơl jơh ală bơta. Ai jơnau neh cih bơh Kòn Mơnus lah Kơnràñ pal kong oă bơta bòl glar mơ gơkòl sền òsơp gen mbe lơi taih?

Luka 21:24

Bol khai rơp gơplơ̆ hơđơm mat đào, gơkòl cau kup lơh dĭ digùl jơh ală làng bol, Jerusalem rơp gơkòl ală làng bol bơdìh jă trơm jơl tus di ală tŭ tơngai làng bol bơdìh dê geh wil tơl.

Luka 21:6

“Ală bơta bol mê gŏ tŭ do, tòm ală ngai rơp tus rơp ò gơs pơnai lŭ lơi ơm hơđang pơnai lŭ ndai mơ ò gơtơrlơm.”

Luka 24:26

Ò di Bơtau Krist pal kong ală bơta bòl glar behơ̆, gen sồng mut tòm bơta gơklŏ Kơnràñ dê ò ơ?”

Luka 24:46

mơ đơs mơ bol khai lah: “Gơs jơnau cih lah Bơtau Krist pal kong bòl glar, mơ tòm ngai pe kis wơl bơh bơta chơt,

Jang 14:30

Añ rơp ò tai đơs oă mơ bol mê, bơh bơtau dunnia do rơp tus; khai ò gơs bơta lơi di Añ.

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

Galati 3:13

Bơtau Krist neh tơwài bol he lik klàs bơh bơta srat sơntơm bơta boh lam dê, Kơnràñ neh tài bơh bol he mơ gơlik gơs bơta srat sơntơm, bơh neh cih lah: “Pal srat ngan di cau lơi kong yồng hơđang chi pơng,”

I Pier 2:21

Oh mi neh geh hòi sac tus hơ bơta hơ̆, tài bơh Bơtau Krist kung neh kong bòl glar jê sồt ala oh mi nàng lòi wơl ală oh mi in dô nơm krơh, tồ ală oh mi lòt jat tềl jơng Kơnràñ dê.

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.