Daniel 9:20 - Sră Goh 2018

²⁰ Tòm tŭ añ gam đơs mơ hòi dan, yal glài añ jê mơ glài làng bol Israel añ jê, jơh nùs rac dan mơ Jehôwa Yàng Tom Trồ añ jê, tài bơh mơnơm sàng goh Yàng Tom Trồ añ jê

Daniel 9:20 ပူးပေါင်းရင်းမြစ်များ

Ejra 10:1

Tòm tŭ Ejra hòi dan mơ yal glài, ñìm rac mơ tơmbic să di đap hìu Yàng Tom Trồ dê, gơs dô mpồl gal ngan cau Israel, cau klau, cau ùr mơ cau kơnòm dềt, pơjum bal gùt dar khai, bol khai kung ñìm rac sràt bơtang ngan.

Nehemi 1:6

Añ dan Yàng wèt tồr iat, pò mat Kơnràñ dê, iat jơnau hòi dan cau duh broă Kơnràñ dê, mơ tŭ do añ hòi dan di đap Kơnràñ sùm ngai mơ mang ală dĭ gơna Kơnràñ in la làng bol Israel. Yal ală tồi glài ală làng bol Israel dê, la ală tồi glài bol hi neh tòmdră mơ Kơnràñ. Tồi glài să tòm añ mơ hìu nhă añ neh tìs glài.

Đơs Crih 145:18

Yàng Jehôwa ơm rềp mơ jơh ală cau hòi dan di Kơnràñ, Hơ̆ la ală cau ai bơta song ngan mơ hòi dan di Kơnràñ,

Đơs Crih 32:5

Añ neh yal tơlik glài añ jê Yàng in, ò pồn bơta tồi glài iơh bơsak añ jê; Añ đơs lah: “Añ rơp yal ală bơta tìs glài añ jê Yàng Jehôwa in,” Gen Yàng neh toh bơta tồi glài añ jê.

Cau Bơto 7:20

Ngan, ò gơs cau song ring lơi ơm hơđang ù lơh bơta niam, mơ ò tìs glài.

Esai 56:7

Gen Añ rơp cèng ală cau hơ̆ guh hơđang mơnơm sàng goh Añ jê, mơ lơh bol khai in bềng bơta hòn chò tòm hìu hòi dan Añ jê. Ală phan ơn chu pơrguc mơ ală phan ơn pơdơng duh khoai bol khai dê rơp geh dòp hơđang cơnòng duh khoai Añ jê; bơh hìu Añ rơp geh sơnđan la dô nơm hìu hòi dan jơh ală làng bol in.”

Esai 58:9

Gen bol mê rơp hòi, mơ Yàng Jehôwa rơp ho wơl; bol mê rơp rac dan dong kòl, mơ Kơnràñ rơp đơs lah: ‘Gơs Añ do!’ Dilah bol mê tă sang yô bơh digùl bol mê, ò cong tê đơs blac pơrlồm;

Esai 6:5

Tŭ hơ̆ añ đơs: “Bòl glar añ in! Dut rài añ rau! Bơh añ la cau gơs sơndồi ƀơ̆ ƀơl, mơ añ kis digùl dô nơm làng bol gơs sơndồi ƀơ̆ ƀơl, mơ bơh mat añ neh gŏ Bơtau la Yàng Jehôwa Gơnap Gơnoar Dờng.”

Esai 65:24

Lài mơ tŭ bol khai hòi dan Añ rơp ho wơl; tòm tŭ bol khai ơm đơs Añ rơp kơno.

Daniel 10:12

Gen khai đơs pơnjat tai lah: “Ơ Daniel, bañ rngòt, tài bơh di ngai sơnròp mơ mê neh jơh nùs jòi jat nàng git wă, mơ pơndêt să mê di đap Yàng Tom Trồ mê dê, gen ală jơnau mê dê neh geh kơno, mơ añ neh lòt tus nàng ho wơl mê in.

Daniel 10:2

Tòm tŭ hơ̆, añ, Daniel, añ ơm moat jrùng ñìm rac tòm pe poh.

Daniel 11:45

Khai rơp bơtào ală hìu sàl cau bơtau tòm digùl dàlềng mơ mơnơm sàng goh hàng mơnĕ. Mơya bơta lồi dut khai dê rơp tus, mơ ò gơs cau lơi rơp dong kòl khai.

Daniel 9:16

Ơ Yàng, añ hòi dan mơ Yàng jat jơh ală bơta sồr lam song ring Kơnràñ dê, dan Yàng pơrlac sang bơta gơjrañ dờng Kơnràñ dê bơh dê Jerusalem la ƀòn dờng mơ la mơnơm sàng goh Kơnràñ dê. Tài bơh tồi glài bol hi dê mơ bơta iơh bơsak ồng pàng bol hi dê tàng Jerusalem mơ làng bol Kơnràñ dê pal kong bơta bơtat bơtròh bơh dê ală làng bol ơm gùt dar bol hi.

Sacari 8:3

Yàng Jehôwa đơs be do: “Añ rơp rê wơl hơ Siôn, mơ ơm sùm digùl Jerusalem; Jerusalem rơp geh sơnđan la Ƀòn Dờng dòn song, mơ mơnơm Yàng Jehôwa Gơnap Gơnoar Dờng Làm Jơh dê rơp geh sơnđan la Mơnơm Sàng Goh.”

Broă 4:31

Tòm tŭ neh jơh hòi dan rau, gen tòm tiah pơjum hơ̆ gơlơnggơr ung; jơh tơl nă geh bềng lìu Yàng Hwềng Goh mơ bơto yal jơnau Yàng Tom Trồ dê dô bă khin cha.

Rôma 3:23

bơh jơh tơl nă neh tìs glài, siơ̆u roh bơta gơklŏ Yàng Tom Trồ dê;

Jakơ 3:2

Jơh tơl nă bol he gơtup tìs tòm oă bơta. Dilah gơs cau lơi ò gơtup tìs tòm jơnau đơs he dê, hơ̆ la cau wil tơl, kung rgơi at bồ jơh să jan he sơl.

Yal Tơlik 21:10

Añ gơs rngoh rngac bơh Yàng Hwềng, mơ cau gơnrơh cèng añ tus hơ dô nơm mơnơm dờng mơ jơnhoa, sơnio añ in gŏ ƀòn dờng sàng goh la Jerusalem mù bơh đang trồ bơh dê Yàng Tom Trồ.

Yal Tơlik 21:2

Añ gŏ ƀòn dờng sàng goh la Jerusalem pa, mù bơh đang trồ bơh dê Yàng Tom Trồ; gơ neh rcang sir be dô nă bau ùr pa neh bơka să ơm gơn bau klau khai dê.