Daniel 9:17 - Sră Goh 2018

¹⁷ Gen tàng tŭ do, ơ Yàng Tom Trồ bol hi dê, dan iat jơnau hòi dan rac ròc cau duh broă Kơnràñ dê. Tài bơh să tòm Yàng, dan nđàc sơngit wèt sền tiah sàng goh Kơnràñ dê neh kòl sang lòi ngềt ngơt.

Daniel 9:17 ပူးပေါင်းရင်းမြစ်များ

I Ală Bơtau 8:28

Ơ Jehôwa Yàng Tom Trồ añ! Dan wèt sền di jơnau hòi dan mơ rac dan dĭ gơna Yàng dê, dan iat jơnau ñìm rac mơ rac dan dĭ gơna Yàng hòi dan mơ Yàng ngai do,

Nehemi 1:6

Añ dan Yàng wèt tồr iat, pò mat Kơnràñ dê, iat jơnau hòi dan cau duh broă Kơnràñ dê, mơ tŭ do añ hòi dan di đap Kơnràñ sùm ngai mơ mang ală dĭ gơna Kơnràñ in la làng bol Israel. Yal ală tồi glài ală làng bol Israel dê, la ală tồi glài bol hi neh tòmdră mơ Kơnràñ. Tồi glài să tòm añ mơ hìu nhă añ neh tìs glài.

Đơs Crih 119:135

Dan Yàng niam nùs wèt sền cau duh broă Yàng dê, Mơ bơto añ ală jơnau sồr Kơnràñ dê.

Đơs Crih 4:6

Gơs oă cau đơs lah: “Ñcau rơp ai bol he in gŏ bơta lơngai taih? Ơ Yàng Jehôwa, dan bơta àng mat Kơnràñ dê sòl hơđang bol hi.”

Đơs Crih 67:1

Dan Yàng Tom Trồ kòñ nđàc mơ ai lơngai bol hi in, Sol pơnđàng bơta àng muh mat Yàng dê hơđang bol hi, (Selah)

Đơs Crih 67:2

Nàng cau dunnia in rgơi git gùng dà Kơnràñ dê, Mơ ală làng bol rgơi git gơnap gơnoar bơta dong klàs Kơnràñ dê.

Đơs Crih 74:3

Dan Kơnràñ cơnđòa song tus di tiah tơrlah tơrling sùm sùm; Cau sò tơm neh tơnroh jơh ală phan tòm tiah sàng goh.

Đơs Crih 80:1

Ơ Bơtau ê gàr Israel, la Bơtau tề lam Jakôp be mpồl belàt, Dan ai tồr iat! Ơ Bơtau ơm hơđang sơbàn, digùl ală ceruƀim, dan Kơnràñ pơnđàng sòl.

Đơs Crih 80:19

Ơ Jehôwa Yàng Tom Trồ Gơnap Gơnoar Dờng Làm Jơh dê, dan bơtào tơngguh wơl bol hi, Dan lơh àng gơcrà mat Yàng dê, nàng bol hi in geh dong klàs.

Đơs Crih 80:3

Ơ Yàng Tom Trồ, dan bơtào tơngguh wơl bol hi, Dan lơh àng gơcrà muh mat Yàng dê, gen bol hi rgơi geh dong klàs.

Đơs Crih 80:4

Ơ Jehôwa Yàng Tom Trồ Gơnap Gơnoar Dờng Làm Jơh dê, Nđò jŏ Yàng gơhào gơjrañ wèt hơ jơnau hòi dan làng bol Kơnràñ dê taih?

Đơs Crih 80:7

Ơ Yàng Tom Trồ Gơnap Gơnoar Làm Jơh dê, dan bơtào tơngguh bol hi wơl, Lòi àng gơcrà muh mat Yàng dê, nàng bol hi in geh dong klàs.

Esai 48:11

Tài bơh să tòm Añ jê, bơh mìng dô nă Añ, Añ lơh bơta do. Mbe rgơi Añ lòi să tòm Añ kong bơta sền òsơp taih? Añ rơp ò lòi bơta gơklŏ Añ jê dô nă cau ndai in.”

Ñìm Rac 3:56

Kơnràñ neh kơno jơnau hòi dan añ jê, dan bañ sềt tồr bơh jơnau hòi dan bơta dong kòl mơ dan ai añ in bơta rài bòl.”

Ñìm Rac 5:18

Tài bơh mơnơm Siôn neh gơlik gơs tiah ngềt ngơt, so rhau lòt kơp mòc hơđang hơ̆.

Daniel 9:19

Ơ Yàng, dan iat! Ơ Yàng, dan toh glài! Ơ Yàng, dan ơn nùs mơ lơh gơs! Ơ Yàng Tom Trồ añ jê, dan bañ lơh òbat tài bơh ƀòn dờng Kơnràñ dê mơ làng bol Kơnràñ dê neh geh tơmoh mơ sơnđan Kơnràñ.”

Jang 16:24

Tus di tŭ do, bol mê òhềt ai sơnđan Añ mơ dan bơta lơi. Dan tĕ, gen bol mê rơp geh, tồ bơta hòn chò bol mê dê geh wil tơl.

II Kôrintô 1:20

Bơh jơh ală jơnau ho pơgon Yàng Tom Trồ dê, bulah oă kung la di lơm tòm Kơnràñ, gen tàng bơh Kơnràñ mơ bol he đơs “Amen” nàng bơh bol he mơ Yàng Tom Trồ geh gơklŏ.

Yal Tơlik 21:23

Ƀòn dờng ò càng mattơngai mơ kơnhai nàng pơnđàng sòl, bơh bơta gơklŏ Yàng Tom Trồ dê àng gơcrà, mơ Belàt Kòn la bơta àng ƀòn dê.