Daniel 8:9 - Sră Goh 2018

⁹ Bơh di dô nơm tòm ală ngke hơ̆ gơhòn lik dô nơm ngke dềt, sơlo ngai sơlo gơlik pràn wèt hơ đah đơm, đah mattơngai lik, mơ wèt hơ lơgar hàng mơnĕ sơl.

Daniel 8:9 ပူးပေါင်းရင်းမြစ်များ

Đơs Crih 105:24

Yàng Jehôwa lơh làng bol Kơnràñ dê sơlo gơbơtơl oă tai, Lơh bol khai in gơlik pràn kơldang rlau mơ ală cau sò tơm di bol khai.

Đơs Crih 48:2

Mơnơm Siôn, jòng jơnhoa hàng mơnĕ ngan, Mơ la bơta hòn chò jơh ală cau in tòm làm plai ù, la tiah jơnhoa rlau jơh Saphôn dê, La ƀòn dờng Bơtau dờng rlau jơh dê,

Jeremi 3:19

Añ neh kơlôi lah: ‘Añ rơp ơn mê digùl ală kòn sau Añ jê, Añ rơp ai mê in dô bă tiah ù niam, Phan jơtài hàng mơnĕ rlau jơh tòm ală lơgar Añ neh kơlôi: Mê rơp hòi di Añ la “Bèp Añ jê!” Mơ ò pơrlac sang bơh bơta lòt jat Añ.

Ejekiel 20:15

Añ kung neh srat să mơ bol khai tòm ƀlàng ngềt ngơt lah Añ rơp ò cèng bol khai mut tòm ù tiah mơ Añ neh ho ai bol khai in, la ù tiah bềng dà toh mơ dà lơwe, ù tiah niam rlau mơ jơh ală ù tiah ndai;

Ejekiel 20:6

Tòm ngai hơ̆ Añ neh srat să ho nền mơ bol khai lah Añ rơp cèng bol khai lik klàs bơh di lơgar Ejiptơ nàng mut tòm dô nơm lơgar mơ Añ neh jòi bol khai in, hơ̆ la lơgar bềng lìu dà toh mơ dà lơwe, lơgar niam rlau mơ jơh ală lơgar ndai.

Daniel 11:16

Mơya cau bơtau đah đang hơ̆ rơp brồ lơh jat nùs khai kòñ, ò gơs cau lơi rgơi ntào tòmdră mơ khai. Khai rơp ntào tòm tiah gơklŏ khai dê mơ gơs gơnoar hơđang làm jơh.

Daniel 11:21

Cau rơp tơrbŏ sơbàn hơ̆ la dô nă cau lac lèo, khai ò geh pồ bơtào gơnoar at bồ. Khai rơp tòmpìt ai lơgar tòm tŭ làng bol ò rcang lài, khai ngui kai gơrmơ̆i lac lèo nàng geh lơgar.

Daniel 7:8

Tòm tŭ añ ơm kơlôi tồ git bơh ală ngke hơ̆, nisơna gơs dô nơm ngke dềt gơhòn bơh digùl ală ngke hơ̆, mơ pe nơm tòm ală ngke lài gơkòl tă tơlik di đap ngke dềt hơ̆. Ngke dềt hơ̆ gơs ală gar mat be gar mat kòn mơnus, mơ dô nơm bơr đơs ală jơnau tràl sơrbil.”

Sacari 7:14

Mơ Añ neh rsìh bol khai bơh dô nơm càl wac brồng digùl ală lơgar mơ bol khai òhềt tŭ lơi git. Ù tiah bol khai lòi wơl rơp gơkòl sang lòi ngềt ngơt tian gơs ò gơs cau lơi rgơi lòt rê, mơ dô nơm lơgar niam mơnĕ neh gơlik gơs lơgar sang lòi ngềt ngơt.”