Daniel 8:8 - Sră Goh 2018

⁸ Be dam gơlik gơs dờng pràn ngan: mơya tòm tŭ gơ neh tus di tiah lồi bơta pràn gơ dê rau, gen ngke dờng gơ dê pă, lòi tiah poan nơm ngke ndai gơhòn lik wèt hơ poan đah càl hơđang trồ.

Daniel 8:8 ပူးပေါင်းရင်းမြစ်များ

II Yal Yau 26:16

Mơya tơnơ̆ mơ tŭ Ujia gơlik pràn, bơta pơnhừ să khai dê lơh khai in roh gơprah. Bơh khai ò dòn song mơ Jehôwa Yàng Tom Trồ bol khai dê, mơ mut tòm hìu duh khoai Yàng Jehôwa dê nàng chu kơlhô hơđang cơnòng duh khoai chu kơlhô.

Este 9:4

Bơh Mordike gơs gơnoar pràn ngan tòm gơlang bơtau, mơ bơta tiơng pơnro bơh khai neh yal làm jơh tòm ală kơnhwàl lơgar, khai sơlo ngai sơlo geh gơnoar pràn rlau tai.

Jeremi 49:36

Añ rơp lơh poan gah càl bơh poan đah mum trồ khồm tus tòmdră mơ Elam, rơp lơh nrah nring bol khai tus kòp đah càl hơ̆, bơh ò gơs lơgar lơi mơ ò gơs cau Elam kong kup cèng tus.

Jeremi 5:27

Hìu bol khai bềng bơta ma blac, Be wàng bềng sềm, Tài behơ̆ tàng bol khai gơlik gơs dờng mơ pas sơm.

Ejekiel 16:7

mơ hòn dờng kung be dô nơm chi tòm ƀlàng sre.” Ai neh gơtă dờng mơ gơlik jơnhoa hàng mơnĕ rlau jơh. Toh ai neh but, sŏ ai neh jòng, mơ ai ya gam ơm kuh mơ lòi rồ.

Ejekiel 28:9

Mê gam khin đơs lah: “Añ la dô nă yàng,” di đap mat ală cau tơnchơt mê sơl ơ? Bulah mê be lơi mơya mê la dô nă kòn mơnus ò di la yàng, tòm tŭ mê ơm tòm tê ală cau lơh mê in jê sồt.

Daniel 11:4

Tòm tŭ cau bơtau hơ̆ neh bơtào tơngguh gen lơgar khai dê gơkòl cah is jat poan đah càl hơđang trồ, mơya ò geh lòi pơrdòn kòn sau khai in, kung ò di gơs gơnoar pràn be neh gơs bơh lài; tài bơh lơgar khai dê rơp kòl dus bơh ryas mơ jào phi cau ndai in la cau bơdìh bơh jơi bơtiàn bơtau dê.

Daniel 4:31

Khai òhềt đơs sir ală jơnau hơ̆ gen gơs jơnau bơh đang trồ đơs lah: “Ơ bơtau Nebukatnessar, do la bơta neh lơh nền mê in, gơnoar at bồ lơgar mê dê neh tă bơh mê.

Daniel 5:20

Mơya, tòm tŭ khai yò is să khai mơ nùs khai gơlik kră kơldang bơh bơta pơnhừ să, gen khai kòl tă tơlik bơh di sơbàn bơtau khai dê mơ roh jơh bơta gơklŏ.

Daniel 7:2

Daniel yal lah: “Tòm bơta gơtơnggŏ tòm trồ mang añ tơnggòr sền mơ gŏ gơs poan đah càl hơđang trồ khồm lơh lơnggac dàlềng dờng.

Daniel 7:6

Tơnơ̆ mơ hơ̆, añ tơnggòr sền mơ gŏ dô nơm phan poan jơng ndai gơlơh be klìu sơmañ, di ngkòi gơ gơs poan nơm pơnđar be pơnđar sềm. Phan poan jơng hơ̆ gơs poan nơm bồ, mơ geh jào gơnoar at bồ.

Daniel 8:22

Bơh poan nơm ngke gơhòn lik di tiah ngke neh pă; hơ̆ la poan nơm lơgar hơ̆, mơya ò gơs gơnoar pràn ndròm bal.

Daniel 8:5

Tòm tŭ añ kơlôi sơnơng bơh bơta hơ̆, nisơna gơs dô nơm be dam tus bơh đah mattơngai mut, gơ gơs dô nơm ngke dờng hòn digùl bàr đah mat, gơ lòt làm hơđang ù mơ jơng gơ ò jă di ù.

Daniel 8:7

Añ gŏ gơ brồ tơm dê belàt dam, lơh pă bàr nơm ngke, belàt dam ò jai tòmdră; be dam sơrglơm gơtòm ù, jă hơđang mơ ò gơs cau lơi rgơi dong tă belàt dam bơh di gơnoar pràn gơ dê.

Mathiơ 24:31

Kơnràñ rơp sồr ală cau gơnrơh Kơnràñ dê lòt uh kơlwòk ntas dờng ngan mơ pơjum ală cau geh sac rwah Kơnràñ dê bơh tòm poan đah, bơh jơng trồ do tus hơ jơng trồ ne.”

Jơnau Niam Jat Mak 13:27

Kơnràñ rơp sồr ală cau gơnrơh pơjum ală cau sac rwah Yàng Tom Trồ dê bơh tòm poan đah jơng trồ, bơh tiah lồi dut ù tus di tiah lồi dut trồ.”

Yal Wơl 31:20

Tòm tŭ Añ neh cèng bol khai mut tòm lơgar bềng lìu dà toh mơ dà lơwe, la lơgar Añ neh ho mơ srat să mơ ală ồng pàng bol khai dê, mơ tòm tŭ bol khai neh sa hòm mơ lơmă rau, gen bol khai wèt mat hơ ală yàng ndai mơ duh khoai bol gơ, sền òsơp dê Añ mơ sang lòi bơta ho bal Añ jê.

Yal Tơlik 7:1

Tơnơ̆ mơ hơ̆ añ gŏ poan nă cau gơnrơh ơm ntào di poan đah plai ù, kup wơl poan nơm càl plai ù dê, tồ ò gơs càl lơi khồm hơđang plai ù, hơđang dàlềng hala hơđang chi che.