Daniel 8:7 - Sră Goh 2018

⁷ Añ gŏ gơ brồ tơm dê belàt dam, lơh pă bàr nơm ngke, belàt dam ò jai tòmdră; be dam sơrglơm gơtòm ù, jă hơđang mơ ò gơs cau lơi rgơi dong tă belàt dam bơh di gơnoar pràn gơ dê.

Daniel 8:7 ပူးပေါင်းရင်းမြစ်များ

Daniel 11:11

Tŭ hơ̆ bơtau đah đơm gơjrañ ngan mơ lam dô mpồl ling dờng ngan lik lòt tòmlơh mơ bơtau đah đang, mơ mpồl ling bơtau đah đang pal kong alah.

Daniel 7:12

Ai ală phan poan jơng gam wơl, neh kòl tă jơh gơnoar, mơya bơta kis bol gơ dê geh lòi kis jŏ tòm dô pah tơngai mơ dô tŭ tơngai tai.

Daniel 7:7

Tơnơ̆ tai añ tơnggòr sền tòm bơta gơtơnggŏ tòm trồ mang; do, gơs dô nơm phan poan jơng dơ̆ poan gơs rùp să gơlơh rngòt rngơt ngan, gơ jàñ bơsak, mơ pràn kơldang ò git lơh. Gơ gơs sề dờng mơ lòs, gơ kap crè, jan bơcah, mơ ai jơng jă tơnlề phan lơi gam wơl. Gơ krơi is mơ pe nơm phan poan jơng neh tus lài, mơ gơ gơs jơt nơm ngke.

Daniel 8:10

Gơ gơlik pràn jơl tus di gơtòmlơh mơ mpồl hơđang trồ, tơndùh tòm tiah dô pơnah tòm ală sơmañ hơđang trồ, mơ gơ jă hơđang.

Daniel 8:6

Gơ lòt hơ đah belàt dam gơs bàr nơm ngke mơ añ neh gŏ ntào di gah hiòng; gơ brồ mơ gơhào gơjrañ ngan tus hơ belàt dam hơ̆.

Daniel 8:8

Be dam gơlik gơs dờng pràn ngan: mơya tòm tŭ gơ neh tus di tiah lồi bơta pràn gơ dê rau, gen ngke dờng gơ dê pă, lòi tiah poan nơm ngke ndai gơhòn lik wèt hơ poan đah càl hơđang trồ.

Lebi 26:37

Bol khai rơp gơtup pừ, cau do hơđang cau ne kung be ntoat dô bơh di đào ting jat bulah ò gơs cau lơi ting jat bol khai. Behơ̆ bol mê rơp ntào ò jai di đap ală cau sò tơm di bol mê.

Jôsue 8:20

Ală cau Ahi wơlke sền gŏ ñhŭ bơh ƀòn guh hơ trồ; mơya bol khai ò rgơi dô hơ đah do hala đah ne, tài bơh cau Israel neh dô đah ƀlàng ngềt ngơt tơrwơl lơh ală cau ting jat bol khai.