Daniel 8:15 - Sră Goh 2018

¹⁵ Tòm tŭ añ, la Daniel, sền bơta gơtơnggŏ hơ̆ mơ kơlôi sơnơng tồ git wă jơnau gơtha gơ dê, gen di đap añ gơs dô nă cau ntào gơs rùp să be dô nă cau klau.

Daniel 8:15 ပူးပေါင်းရင်းမြစ်များ

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Daniel 10:16

Gen bơtau gơs rùp să be dô nă cau ƀư di sơndồi añ, mơ añ pò bơr, rơp sơntòm đơs mơ bơtau ơm di đap añ lah: “Ơ Yàng añ jê, añ kơlôi moat jrùng ò git lơh tài bơh bơta gơtơnggŏ do, mơ añ ò gam tai pràn kơldang.

Daniel 10:18

Gen bơtau gơs rùp să be dô nă cau ƀư tai di añ mơ ai añ in pràn kơldang.

Daniel 10:5

Añ tơnggòr sền, do, gơs dô nă cau soh bài che dơmài, gùt dar but kơt che but mơ màh Upha.

Daniel 12:8

Añ kơno ală jơnau hơ̆ mơya añ ò git wă gen añ lùp lah: “Ơ yàng añ jê, ală bơta do rơp gơlik mbe lơi taih?”

Daniel 7:13

Tòm bơta gơtơnggŏ tòm trồ mang, Añ kung gŏ dô Bơtau gơs rùp să be Kòn mơnus tus digùl ală puk mhwal hơđang trồ. Kơnràñ guh tus hơ Bơtau Yau Òr, mơ geh tơlik mat di đap Bơtau hơ̆.

Daniel 7:28

Behơ̆, do la lồi dut jơnau hơ̆. Añ, Daniel, ală bơta kơlôi sơnơng añ jê lơh añ in dơrcul rngòt ngan. Muh mat añ gơtòmgơl, mơya añ prap kah ală bơta hơ̆ tòm nùs añ.”

Daniel 8:1

Tòm nam dơ̆ pe rài bơtau Belsassar; añ, Daniel gơs dô bơta gơtơnggŏ tai, tơnơ̆ mơ bơta gơtơnggŏ lài mơ añ neh gơs.

Daniel 8:19

Khai đơs mơ añ lah: “Do añ rơp yal mê in git bơta rơp tus tòm ngai tơnơ̆, tòm pah rài bơta gơjrañ dờng dê; tài bơh bơta gơtơnggŏ gơ tơrgòm ală bơta gơwèt hơ tŭ tơngai lơh nền bơta lồi dut dê.

Sacari 1:9

Gen añ lùp lah: “Ơ Yàng añ jê, ală bơta do la ñchi taih?” Cau gơnrơh ơm đơs mơ añ ho lah: “Añ rơp sơnio mê in ală cau do la ñcau.”

Mathiơ 13:36

Gen Yàng Jesu lòi mpồl làng bol mơ mut tòm hìu. Ală cau bơtê tus hơ Kơnràñ mơ đơs lah: “Dan yal bol hi in jơnau gơtha pơnyơu bơh ñhơt drung tòm sre.”

Mathiơ 24:15

“Behơ̆ tòm tŭ bol mê gŏ bơta ngkòr ngkàc lơh gơprah gơpring Tiah Sàng Goh in, be cau gơnoar hwơr Daniel neh đơs, (cau lơi sền, wă tĕ),

Mathiơ 24:30

Tŭ hơ̆ tềl sơnio Kòn Mơnus dê rơp gơtơlik hơđang trồ, jơh ală jơi bơtiàn tòm ù rơp tur ntơh ñìm rac, mơ gŏ Kòn Mơnus ai gơnap gơnoar mơ bơta gơklŏ dờng ơm hơđang mhwal trồ mơ tus.

Jơnau Niam Jat Mak 13:14

“Mơya tòm tŭ bol mê gŏ bơta rngòt rngơt dờng geh bơtào tòm tiah ò di pal bơtào (cau lơi sền wă tĕ) Gen cau lơi ơm tòm Jude, dô tĕ hơđang mơnơm,

Jơnau Niam Jat Mak 4:12

Tồ bol khai in: sền gen gŏ mơya ò git đal, iat gen kơno mơya ò git wă. Behơ̆ gen bol khai rê wơl mơ geh toh glài mòn.”

Jôsue 5:14

Khai ho lah: “Ò bal mơ đah lơi, tŭ do añ tus lơh gơs cau at bồ mpồl ling Yàng Jehôwa dê.” Gen Jôsue tơmbic să blup mat di ù, duh khoai mơ lùp lah: “Ơ Yàng añ jê, ñchi jơnau Yàng sồr cau duh broă Kơnràñ dê taih?”

Yal Tơlik 1:13

mơ digùl ală jơng ồs đèng hơ̆ gơs dô Bơtau gơlơh be Kòn Mơnus, soh ào jrùh tus di mpàng jơng, mơ kơt che màh gùt dar ntơh.

Yal Tơlik 13:18

Behơ̆ pal gơs bơta jak chài: Cau lơi git wă gen kòp tĕ khà phan poan jơng dê, bơh hơ̆ la dô nơm khà kòn mơnus dê; khà la prau rhiang prau jơt prau.