Daniel 8:10 - Sră Goh 2018

¹⁰ Gơ gơlik pràn jơl tus di gơtòmlơh mơ mpồl hơđang trồ, tơndùh tòm tiah dô pơnah tòm ală sơmañ hơđang trồ, mơ gơ jă hơđang.

Daniel 8:10 ပူးပေါင်းရင်းမြစ်များ

Esai 14:13

Mê neh đơs tòm nùs mê lah: “Añ rơp guh hơđang trồ; añ rơp yò sơbàn añ jê jòng hơđang ală sơmañ Yàng Tom Trồ dê; añ rơp nggui di sơbàn hơđang mơnơm la tiah jơnum, hơđang tiah jơnhoa rlau Japhôn dê.

Jeremi 48:26

Lơh tĕ gơ in bơñul, bơh gơ neh yò tơngguh să he nàng tòmdră mơ Yàng Jehôwa. Môap rơp tram să tòm bơta gơtuh hă, kung lơh gơs kai cau in dơñŏ tơnhial.

Daniel 11:28

Bơtau đah đang rơp rê wơl hơ lơgar tòm khai dê bal mơ phan mơna oă ngan; nùs khai kòñ tòmsò mơ bơta ho bal sàng goh. Khai rơp lơh jat nùs kòñ hơ̆ khai dê, mơ rơp rê wơl hơ lơgar khai dê.

Daniel 11:30

Tài bơh ală ơhò bơh Kittim rơp tus tòmsò mơ khai, gen tàng khai kơlôi rngòt mơ rê wơl. Tòm gùng rê wơl, khai rơp gơhào gơjrañ tòmsò mơ bơta ho bal sàng goh. Khai rơp rê wơl mơ yal tơlik bơta nđàc gơwèt hơ ală cau sang lòi bơta ho bal sàng goh.

Daniel 7:7

Tơnơ̆ tai añ tơnggòr sền tòm bơta gơtơnggŏ tòm trồ mang; do, gơs dô nơm phan poan jơng dơ̆ poan gơs rùp să gơlơh rngòt rngơt ngan, gơ jàñ bơsak, mơ pràn kơldang ò git lơh. Gơ gơs sề dờng mơ lòs, gơ kap crè, jan bơcah, mơ ai jơng jă tơnlề phan lơi gam wơl. Gơ krơi is mơ pe nơm phan poan jơng neh tus lài, mơ gơ gơs jơt nơm ngke.

Daniel 8:7

Añ gŏ gơ brồ tơm dê belàt dam, lơh pă bàr nơm ngke, belàt dam ò jai tòmdră; be dam sơrglơm gơtòm ù, jă hơđang mơ ò gơs cau lơi rgơi dong tă belàt dam bơh di gơnoar pràn gơ dê.

Yal Tơlik 12:4

Tiang gơ hwài dô pơnah pe ală sơmañ hơđang trồ mơ sơrbì tòm plai ù. Nagrài hơ̆ ơm ntào di đap cau ùr mòr deh, nàng gơ rgơi sa loan kòn khai dê tòm tŭ khai geh deh.