Daniel 8:1 - Sră Goh 2018

¹ Tòm nam dơ̆ pe rài bơtau Belsassar; añ, Daniel gơs dô bơta gơtơnggŏ tai, tơnơ̆ mơ bơta gơtơnggŏ lài mơ añ neh gơs.

Daniel 8:1 ပူးပေါင်းရင်းမြစ်များ

Ejekiel 1:1

Tòm nam dơ̆ pe jơt, ngai pram kơnhai poan, tòm tŭ añ ơm digùl ală cau kong kup cèng pơrdô, di gah hiòng Kebar, ală tap trồ pò tơlik mơ añ gŏ ală bơta gơtơnggŏ Yàng Tom Trồ dê.

Daniel 1:17

Yàng Tom Trồ ai poan nă cau pơnu hơ̆ gơs bơta jak chài, git wă jơh ală sră pơàr, ală bơta bơtê. Daniel kung git wă ală bơta gơtơnggŏ mơ bơta mpau tai sơl.

Daniel 10:2

Tòm tŭ hơ̆, añ, Daniel, añ ơm moat jrùng ñìm rac tòm pe poh.

Daniel 10:7

Añ, Daniel, mìng dô nă añ sền bơta gơtơnggŏ hơ̆, ală cau ơm mơ añ ò gŏ bơta gơtơnggŏ hơ̆, mơya bol khai rngòt rơm să ngan, ntoat dô nàng pồn să.

Daniel 11:4

Tòm tŭ cau bơtau hơ̆ neh bơtào tơngguh gen lơgar khai dê gơkòl cah is jat poan đah càl hơđang trồ, mơya ò geh lòi pơrdòn kòn sau khai in, kung ò di gơs gơnoar pràn be neh gơs bơh lài; tài bơh lơgar khai dê rơp kòl dus bơh ryas mơ jào phi cau ndai in la cau bơdìh bơh jơi bơtiàn bơtau dê.

Daniel 7:1

Tòm nam dơ̆ sơnròp rài Belsassar, bơtau lơgar Babilôn dê, Daniel bic mang hơđang cơnòng gen gŏ bơta mpau mơ ală bơta gơtơnggŏ tòm dơngoh khai. Khai cih wơl bơta mpau mơ yal wơl ală bơta gơtơnggŏ hơ̆.

Daniel 7:15

“Añ, Daniel, ơm ò suk mơ gơs hwềng nùs rngòt rngơt bơh ală bơta gơtơnggŏ hơ̆ tòm dơngoh añ.

Daniel 7:28

Behơ̆, do la lồi dut jơnau hơ̆. Añ, Daniel, ală bơta kơlôi sơnơng añ jê lơh añ in dơrcul rngòt ngan. Muh mat añ gơtòmgơl, mơya añ prap kah ală bơta hơ̆ tòm nùs añ.”

Daniel 8:15

Tòm tŭ añ, la Daniel, sền bơta gơtơnggŏ hơ̆ mơ kơlôi sơnơng tồ git wă jơnau gơtha gơ dê, gen di đap añ gơs dô nă cau ntào gơs rùp să be dô nă cau klau.

Daniel 8:2

Tòm bơta gơtơnggŏ, añ gŏ añ ơm tòm Ƀòn Dờng Susa, kơnhwàl lơgar Elam, di gah hiòng Ulai.

Daniel 9:2

tòm nam sơnròp at bồ khai dê, añ, Daniel, añ kơnòm di Sră Goh, mơ git lài khà ală sơnam, jat jơnau Yàng Jehôwa neh đơs lài mơ cau gơnoar hwơr Jeremi, pal gơlik gơs di ngan bơh ƀòn dờng Jerusalem pal kong sang lòi ngềt ngơt tòm poh jơt sơnam.