Daniel 6:27 - Sră Goh 2018

²⁷ Kơnràñ dong tă mơ dong klàs, lơh ală tềl is bơta krơi hơđang trồ mơ tòm ù, Kơnràñ neh dong tă Daniel bơh di gơnoar pràn ală klìu triă dê.”

Daniel 6:27 ပူးပေါင်းရင်းမြစ်များ

Sră Jop 36:15

Kơnràñ dong tă ală cau kong bòl glar jê sồt bơh di ală bơta bòl glar jê sồt bol khai dê, Kơnràñ pò tồr bol khai bơh bơta sò tơm.

Đơs Crih 145:13

Lơgar Yàng la lơgar gam sùm sùm, Gơnoar at bồ Yàng dê gam gơs jơl jơh ală rài. Yàng Jehôwa lơh jat jơh ală jơnau Kơnràñ dê, Mơ gơs bơta nđàc tòm jơh ală broă lơh Kơnràñ dê.

Đơs Crih 18:48

Kơnràñ dong tă añ klàs bơh di cau sò tơm di añ; Ngan Yàng neh yò tơngguh añ jòng rlau mơ ală cau sòdră di añ, Mơ dong tă añ bơh di cau jàñ bơsak.

Đơs Crih 18:50

Yàng Jehôwa ai bơtau Kơnràñ in bơta pha lin rlau dờng ngan, Mơ ai bơta kòñ gơboh kơ̆ dơn bơtau geh bong mơñà Kơnràñ dê, Hơ̆ la ai Dabit in, mơ jơi bơtiàn khai in jơl tus sùm sùm.

Đơs Crih 32:7

Yàng la tiah kìng crŭ añ jê, Yàng sền gàr añ klàs di bơta bòl glar; Yàng ai jơnau driau hòn chò gòm gơrwàng añ mơ dong tă añ. (Selah)

Đơs Crih 35:17

Ơ Yàng Jehôwa, Yàng rơp sền bơta hơ̆ jơl tus di tŭ lơi taih? Dan dong bơta kis añ jê klàs di ală klìu triă.

Đơs Crih 97:10

Yàng Jehôwa kòñ gơboh ală cau gơjrañ kơuềng di bơta iơh bơsak; Kơnràñ sền gàr bơta kis ală cau sàng goh Kơnràñ dê, Mơ dong tă bol khai klàs bơh di tê cau iơh bơsak dê.

Jeremi 10:10

Mơya Yàng Jehôwa la Yàng Tom Trồ song ngan; Kơnràñ la Yàng Tom Trồ kis sùm, la Bơtau gam sùm sùm. Bơh bơta gơjrañ Kơnràñ dê ù gơlơnggơr, Ală làng bol ò jai kong bơta gơjrañ Kơnràñ dê.

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Daniel 4:31

Khai òhềt đơs sir ală jơnau hơ̆ gen gơs jơnau bơh đang trồ đơs lah: “Ơ bơtau Nebukatnessar, do la bơta neh lơh nền mê in, gơnoar at bồ lơgar mê dê neh tă bơh mê.

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Daniel 4:35

Jơh ală làng bol tòm ù kòl sền be ò gơs bơta lơi. Kơnràñ lơh jat nùs kòñ Kơnràñ dê digùl ală gơnoar hơđang trồ, mơ digùl ală làng bol tòm ù; Ò gơs cau lơi rgơi kơryan tê Kơnràñ Hala lùp Kơnràñ lah: “Ñchi bơh tài Kơnràñ neh lơh behơ̆ taih?”

Daniel 6:20

Tòm tŭ bơtau tus rềp di wàng klìu, khai ai sap moat jrùng ngan mơ hòi Daniel lah: “Ơ Daniel, cau duh broă Yàng Tom Trồ gam kis sùm sùm dê, Yàng Tom Trồ mơ mê òs duh broă sùm rgơi dong tă mê bơh di klìu triă sơl?”

Jang 4:48

Yàng Jesu đơs mơ cau kwang hơ̆ lah: “Dilah bol mê ò gŏ tềl is mơ bơta krơi gen bol mê ò dòn ò!”

Broă 4:30

Dan Kơnràñ pò tơlik tê nàng sơmbòi, mơ lơh ală bơta krơi tềl is bơh sơnđan Cau Duh Broă sàng goh Kơnràñ dê la Yàng Jesu.”

Hebrơ 2:4

Yàng Tom Trồ kung lơh bơtơl ală tềl is, ală bơta krơi, mơ tơl ală broă gơnap gơnoar mơ ală bơta ai gòi Yàng Hwềng Goh dê jat nùs kòñ Kơnràñ, nàng lơh cơng bal mơ bol khai sơl.

I Samuel 17:26

Gen Dabit lùp ală cau ơm rềp mơ khai lah: “Ñchi rơp lơh di cau rgơi tơnchơt cau Philistin do mơ tă sang bơta ƀàssìl bơh Israel? Cau Philistin ò siat gơltau do la ñcau mơ khin đơs pơrlòng ală mpồl ling Yàng Tom Trồ kis sùm sùm dê taih?”