Daniel 6:22 - Sră Goh 2018

²² Yàng Tom Trồ añ jê neh sồr cau gơnrơh Kơnràñ dê lềt bơr ală klìu triă, gen tàng bol gơ ò lơh iơh di añ dô êt lơi, tài bơh Kơnràñ neh gŏ añ ò gơs glài lơi di đap Kơnràñ. Ơ bơtau, gơwèt mơ bơtau kung behơ̆ sơl, añ ò lơh dô bơta tìs lơi ò.”

Daniel 6:22 ပူးပေါင်းရင်းမြစ်များ

Sơnròp Gơlik Gơs 40:15

Bơh añ neh cau kơñau bơh dê lơgar Hebrơ, mơ tềng do añ kung ò tìs glài lơi mơ cau jàm añ tòm hìu do.”

II Samuel 22:7

Tòm bơta rung rài añ neh hòi dan di Yàng Jehôwa; Añ neh hòi driau mơ Yàng Tom Trồ añ jê. Bơh di hìu duh khoai Yàng dê, Kơnràñ neh kơno jơnau añ, jơnau hòi dan añ jê neh tus di tồr Kơnràñ dê.

I Ală Bơtau 13:28

Khai lòt, tìp ƀồc chơt bic tòm gùng, alàng mơ klìu triă ntào di gah. Klìu triă ò sa ƀồc neh chơt mơ kung ò crè poac alàng.

II Yal Yau 32:21

Mơ Yàng Jehôwa sồr dô nă cau gơnrơh tơnroh jơh ală cau ling bal mơ ală cau at bồ mơ cau kwang duh broă bơtau tòm tiah sàl bơtau Asiri dê. Behơ̆ khai ruc wơl mơ rê hơ lơgar khai dê tòm bơta ƀàssìl ƀàsso. Mơ tòm tŭ khai mut tòm hìu duh khoai yàng khai dê, dô nă tòm ală kòn klau khai dê ai đào sreh tơnchơt khai.

Đơs Crih 118:28

Yàng la Yàng Tom Trồ añ jê, añ rơp ưnngài Yàng; Yàng la Yàng Tom Trồ añ jê, añ rơp yò tơngguh Yàng hơđang.

Đơs Crih 26:6

Ơ Yàng Jehôwa, añ rào tê añ jê tòm tŭ añ ò gơs glài, Mơ añ lòt gùt dar cơnòng duh khoai Kơnràñ dê.

Đơs Crih 31:14

Mơya, ơ Yàng Jehôwa, añ dòn kơnòm di Kơnràñ, Añ đơs lah: “Kơnràñ la Yàng Tom Trồ añ jê.”

Đơs Crih 34:7

Cau gơnrơh Yàng Jehôwa dê ơm kơp gùt dar ală cau duh rngòt di Kơnràñ, Mơ dong tă bol khai.

Đơs Crih 38:21

Ơ Yàng Jehôwa, dan bañ sang lòi añ! Ơ Yàng Tom Trồ añ jê! Dan bañ ơm ngài bơh di añ!

Đơs Crih 84:11

Bơh Jehôwa Yàng Tom Trồ la mattơngai mơ khèl; Kơnràñ ai bơta nđàc mơ bơta ryŭ ryơm; Yàng Jehôwa ò pơlai bơta niam lơi mơ ò ai cau lơi in lơh lòt dô bă song.

Esai 3:10

Yal tĕ cau ò gơs glài in git lah bơtoah ngan bol khai in, bơh bol khai rơp sa bơh cồng nha broă lơh bòl glar bol khai dê.

Esai 63:9

Tòm jơh ală bơta bòl glar bol khai dê, ò gơs cau kong sồr hala cau gơnrơh, mơya bơta gơs mat Kơnràñ dê neh dong klàs bol khai. Tòm bơta kòñ gơboh mơ kòñ nđàc Kơnràñ dê, Kơnràñ neh dong tơwài bol khai; Kơnràñ neh yò tơngguh bol khai mơ kơnđơt kơnđu bol khai tòm jơh ală ngai yau òr.

Jeremi 37:18

Tơnơ̆ mơ hơ̆, Jeremi đơs mơ bơtau Jedekia lah: “Añ neh tìs glài lơi tòmdră mơ bơtau, ală cau duh broă bơtau, mơ làng bol do, mơ jàm añ tòm hìu jàm taih?

Daniel 3:28

Bơtau Nebukatnessar ai jơnau đơs lah: “Pal jòng ro Yàng Tom Trồ Sadrak, Mesak mơ Abetnegô dê! Kơnràñ neh sồr cau gơnrơh Kơnràñ dê nàng dong tă ală cau duh broă Kơnràñ neh kơnòm di Kơnràñ, bol khai neh ò rngòt di jơnau sồr bơtau dê mơ phi să jan bol khai dê tồ ò duh broă mơ ò duh khoai yàng lơi ndai rlau mơ Yàng Tom Trồ bol khai dê.

Daniel 6:20

Tòm tŭ bơtau tus rềp di wàng klìu, khai ai sap moat jrùng ngan mơ hòi Daniel lah: “Ơ Daniel, cau duh broă Yàng Tom Trồ gam kis sùm sùm dê, Yàng Tom Trồ mơ mê òs duh broă sùm rgơi dong tă mê bơh di klìu triă sơl?”

Daniel 6:23

Gen bơtau hòn chò ngan, mơ sồr cèng tơngguh Daniel bơh di wàng klìu. Behơ̆, Daniel geh cèng tơngguh bơh di wàng, mơ cau ò gŏ dô nơm tềl sồt lơi di khai, tài bơh khai neh dòn kơnòm di Yàng Tom Trồ khai dê.

Daniel 6:4

Behơ̆ bàr nă cau kwang đơng lơgar bal mơ ală cau kwang at bồ kơnhwàl lơgar ne jòi kai yă Daniel bơh broă at bồ lơgar; mơya bol khai ò rgơi jòi bàn dô bơta tìs lơi di khai, tài bơh khai la cau di pal dòn kơnòm, ò sa kwì sa kwà, mơ ò tŭ lơi lơh tìs.

Daniel 6:7

Jơh ală cau kwang đơng lơgar, ală cau kwang at bồ kơnhwàl lơgar, ală cau kwang bơyai broă bal mơ ală cau kwang ndai gơs dô nùs bal dan bơtau tơlik jơnau sồr bơkơ̆u kràñ cê tòm pe jơt ngai, dilah cau lơi hòi dan di yàng lơi ndai, hala di cau lơi ndai rlau mơ cau bơtau, gen cau hơ̆ rơp pal kong sơrbì tòm wàng klìu triă.

Mice 7:7

Mơya đah mơ añ, añ ai bơta gơn kơnòm mơ tơnggòr sền Yàng Jehôwa, añ rơp kơp gơn Yàng Tom Trồ la bơta dong klàs añ jê; Yàng Tom Trồ añ jê rơp iat añ.

Khà Làng Bol 20:16

mơya tòm tŭ bol hi hòi driau mơ Yàng Jehôwa, Kơnràñ neh kơno jơnau hòi driau bol hi dê mơ sồr dô nă cau gơnrơh cèng bol hi lik bơh di Ejiptơ. Tŭ do bol hi ơm tòm Kades la dô nơm ƀòn dờng ơm lồi di nhàr ù tiah bơtau dê.

Mathiơ 27:46

Pơgap pe jơ mho, Yàng Jesu hòi dờng jơnau lah: “Eli, Eli, lama sabaktani;” hơ̆ la, “Ơ Yàng Tom Trồ Kòn dê, ơ Yàng Tom Trồ Kòn dê, ñchi bơh tài Kơnràñ sang lòi Kòn?”

Broă 12:11

Gen Pier kah wơl mơ đơs lah: “Tŭ do añ git nền ngan Yàng neh sồr cau gơnrơh Kơnràñ dê lòt dong tă añ lik klàs bơh di tê Herôt mơ bơta kơp gơn làng bol Juda dê.”

Broă 24:16

Behơ̆ tàng añ kư̆ jơh nùs rcang sùm, nùs tồr sàng goh di đap Yàng Tom Trồ mơ di đap cau sơl.

Broă 27:23

Bơh tòm mang do Yàng Tom Trồ la Bơtau mơ añ gơrê bal mơ duh broă, neh ai cau gơnrơh Kơnràñ dê ntào di gah añ,

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

II Timôthe 4:17

Mơya Yàng neh ơm dô đah bal mơ añ mơ bơtơl pràn añ in, tồ bơh añ mơ Jơnau Niam geh bơto yal wil tơl, nàng jơh ală cau làng bol bơdìh geh kơno; behơ̆ añ neh geh dong tă bơh di bơr klìu triă.

Hebrơ 1:14

Jơh ală cau gơnrơh hơ̆ ò di la ală hwềng òs duh broă, kong sồr lòt nàng dong broă ală cau rơp pơrdòn bơta dong klàs ò ơ?

Hebrơ 11:33

Ală cau hơ̆ bơh bơta dòn neh geh pha lin rlau mơ ală lơgar, lơh jat bơta song ring, dòp geh bơta neh ho pơgon, lềt bơr ală klìu triă,

I Samuel 17:37

Yàng Jehôwa la Bơtau neh dong tă añ bơh di nđias klìu triă mơ bơh di nđias jơgơu gen Kơnràñ rơp dong tă añ bơh di tê cau Philistin do.” Sol đơs mơ Dabit lah: “Lòt tĕ, dan Yàng Jehôwa ơm bal mơ mê.”

I Samuel 26:18

Mơ khai đơs tai lah: “Ñchi bơh tài cau tòm añ jê ting jat cau duh broă bơtau dê taih? Ñchi bơta añ neh lơh taih? Añ neh lơh tìs tòm bơta lơi taih?