Daniel 2:47 - Sră Goh 2018

⁴⁷ Bơtau đơs mơ Daniel lah: “Ngan, Yàng Tom Trồ bol mê dê la Yàng Tom Trồ ală yàng dê, mơ la Bơtau at bồ ală bơtau dê, Kơnràñ la Bơtau yal tơlik ală bơta ndơp ndơr, mìng kơnòm di Yàng hơ̆ mơ mê rgơi yal tơlik bơta ndơp ndơr do.”

Daniel 2:47 ပူးပေါင်းရင်းမြစ်များ

Sơnròp Gơlik Gơs 41:39

Pharaôn đơs mơ Jôsep lah: “Bơh Yàng Tom Trồ neh sơnio mê in git ală broă do, gen ò gơs cau lơi jak chài mơ git kơrhia be mê tai.

II Ală Bơtau 5:15

Gen khai rê wơl tus hơ cau Yàng Tom Trồ dê, bal mơ jơh ală cau lòt bal mơ khai; tus ntào di đap Elise, mơ đơs lah: “Tŭ do añ đal git lah tòm làm jơh lơgar dunnia ò gơs yàng lơi ndai rlau mơ Yàng Tom Trồ tòm Israel. Dan dòp tĕ dô nơm phan ơn bơh cau dĭ gơna ồng dê.”

Sră Jop 12:19

Kơnràñ lơh ală cau gơnoar ơn phan duh khoai in lòt jơng gòi; Mơ tuh tơlup ală cau neh gơs gơnoar pràn.

Đơs Crih 136:2

Ưnngài tĕ Yàng Tom Trồ ală yàng dê, Bơh bơta kòñ gơboh kơ̆ dơn Kơnràñ dê gam sùm sùm.

Đơs Crih 136:3

Ưnngài tĕ Yàng ală yàng dê, Bơh bơta kòñ gơboh kơ̆ dơn Kơnràñ dê gam sùm sùm.

Đơs Crih 72:11

Dan lòi jơh ală cau bơtau tơmbic să di đap khai, Jơh ală lơgar duh broă khai in.

Đơs Crih 82:1

Yàng Tom Trồ ntào tòm mpồl jơnum Kơnràñ dê; Kơnràñ cahrña digùl ală yàng mơ đơs lah;

Đơs Crih 96:4

Bơh Yàng Jehôwa la dờng ngan, mơ ngan pal geh jòng ro; Kơnràñ la pal duh rngòt rlau jơh mơ ală yàng ndai.

Ejekiel 26:7

Bơh Jehôwa Yàng Tom Trồ đơs be do: ‘Añ rơp cèng Nebukatnessar, bơtau Babilôn, bơtau ală bơtau dê, bal mơ ală ơseh, ală rơndeh lòs tòmlơh, ală cau ling hào ơseh, mơ dô mpồl ling gal ngan mơ pràn kơldang, bơh đah đang tus tòmdră mơ Tirơ.

Daniel 11:36

Cau bơtau đah đang rơp lơh jat nùs kòñ khai dê; khai rơp pơnhừ să mơ yò tơngguh să khai jòng hơđang rlau mơ jơh ală yàng, mơ đơs ală jơnau tràl sơrbil ngan tòmsò mơ Yàng Tom Trồ ală yàng dê. Khai rơp geh bơtoah bơtoài jơl tus di tŭ bơta gơjrañ dờng Yàng dê geh bềng tơl, tài bơh bơta neh lơh nền pal gơlik gơs di ngan.

Daniel 2:19

Behơ̆, bơta ndơp ndơr geh yal tơlik Daniel in tòm bơta gơtơnggŏ tòm trồ mang, gen Daniel jòng ro Yàng hơđang trồ.

Daniel 2:22

Yàng yal tơlik ală bơta jrô mơ ndơp, Kơnràñ git ală bơta tòm tiah klam jơngo, mơ bơta àng ơm bal mơ Kơnràñ.

Daniel 2:28

Mơya gơs dô nă Yàng Tom Trồ ơm hơđang trồ rgơi yal tơlik ală bơta ndơp ndơr, mơ Kơnràñ neh yal bơtau Nebukatnessar in git bơta rơp tus tòm ală ngai lồi dut. Do la bơta mpau mơ bơta gơtơnggŏ mơ bơtau neh gŏ tòm tŭ bic hơđang cơnòng bic:

Daniel 2:29

Ơ bơtau, tòm tŭ bơtau bic hơđang cơnòng, bơtau gơs ală bơta kơlôi sơnơng bơh ală bơta rơp tus tòm ală ngai tơnơ̆. Yàng Tom Trồ la Bơtau òs yal tơlik bơta ndơp ndơr neh ai bơtau in git bơta rơp gơlik tus.

Daniel 2:30

Đah pơnah añ, bơta ndơp ndơr hơ̆ neh yal tơlik añ in, hơ̆ ò di la tài bơh añ gơs bơta jak chài oă rlau mơ ală cau ndai, mơya hơ̆ la nàng geh yal tơlik jơnau gơtha bơta mpau bơtau in, mơ ai bơtau in git wă ală bơta kơlôi sơnơng tòm dơngoh bơtau dê.

Daniel 2:37

Ơ bơtau, bơtau la bơtau ală bơtau dê, bơh Yàng Tom Trồ ơm hơđang trồ neh ai bơtau in lơgar, gơnoar at bồ, gơnoar pràn mơ bơta gơklŏ.

Daniel 3:15

Behơ̆ tŭ do, tòm tŭ bol mê kơno ntas kơlwòk, rkèl, kơwào, kơñi pĕ, kơñi rơs, kơmboat, mơ ală bơta kơñi ndai, mơ bol mê pal rcang sir tơmbic să nàng duh khoai rùp ràk mơ añ neh lơh gơs, gen di; mơya dilah bol mê ò cùn khoai gen bol mê rơp kong sơrbì mo tòm gùl bơnhă ồs hơng gen gơs yàng lơi rgơi dong bol mê klàs bơh di tê añ taih?”

Daniel 3:28

Bơtau Nebukatnessar ai jơnau đơs lah: “Pal jòng ro Yàng Tom Trồ Sadrak, Mesak mơ Abetnegô dê! Kơnràñ neh sồr cau gơnrơh Kơnràñ dê nàng dong tă ală cau duh broă Kơnràñ neh kơnòm di Kơnràñ, bol khai neh ò rngòt di jơnau sồr bơtau dê mơ phi să jan bol khai dê tồ ò duh broă mơ ò duh khoai yàng lơi ndai rlau mơ Yàng Tom Trồ bol khai dê.

Daniel 3:29

Gen tàng añ ai jơnau sồr do: Bulah la làng bol lơi, lơgar lơi, jơnau đơs lơi, dilah gơs cau lơi đơs jơnau lơi tòmdră di Yàng Tom Trồ Sadrak, Mesak mơ Abetnegô dê, gen să jan khai rơp kong crè rpot rpet, hìu ơm khai dê rơp gơlik dô gơnru thul, tài bơh ò gơs yàng lơi ndai gơs gơnoar dong tă be do ò.”

Daniel 4:17

Hơ̆ la bơta lơh nền bơh ală bơtau kơp gàr, la jơnau sồr ală bơtau sàng goh neh yal tơlik tồ jơh ală jơi phan kis in git lah Bơtau Hơđang Rlau Jơh at bồ tòm ală lơgar kòn mơnus dê; Kơnràñ kòñ ai cau lơi in jat nùs kòñ Kơnràñ dê; mơ pồ bơtào cau dềt rhền rlau jơh tòm jơi kòn mơnus hơđang hơ̆.’

Daniel 4:25

Làng bol bơtau dê rơp bơtrơh bơtau bơh di gơlang bơtau dê. Bơtau rơp ơm tòm ƀlàng kung be kơnrồ, mơ rơp kong sùh mơ dà tŭ bơh đang trồ. Tòm poh sơnam, bơtau pal kis behơ̆, jơl tus di tŭ bơtau đal git lah Bơtau Hơđang Rlau Jơh at bồ tòm ală lơgar kòn mơnus dê, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.

Daniel 4:32

Mê rơp kong bơtrơh bơh digùl kòn mơnus, rơp ơm bal mơ phan poan jơng tòm ƀlàng; mê rơp pal sa ñhơt be kơnrồ, mơ kong lơh glài tòm poh tơngai, jơl tus di tŭ mê đal git lah Bơtau Hơđang Rlau Jơh at bồ tòm lơgar kòn mơnus, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.”

Daniel 5:11

Tòm lơgar bơtau dê gơs dô nă cau gơs hwềng ală yàng sàng goh dê ơm tòm khai. Tòm rài bèp bơtau dê, cau lơi kung gŏ tòm khai gơs bơta àng, bơta git loh, mơ bơta jak chài kung be bơta jak chài ală yàng dê. Tài behơ̆ tàng bơtau Nebukatnessar la bèp bơtau dê neh pồ bơtào khai gơs cau at bồ mpồl ală cau jak chài Babilôn dê.

Amôs 3:7

Ngan Jehôwa Yàng Tom Trồ ò lơh dô bơta lơi mơ ò yal tơlik bơta ndơp ndơr Kơnràñ dê mơ ală cau duh broă Kơnràñ in la ală cau gơnoar hwơr.

I Kôrintô 14:25

Bơta ndơp ndơr tòm nùs bol khai geh ràng tơlik, gen bol khai rơp blup mat mơ duh khoai Yàng Tom Trồ mơ đơs lah: “Ngan gơs Yàng Tom Trồ digùl oh mi.”

Yal Wơl 10:17

Bơh Jehôwa Yàng Tom Trồ bol mê dê la Yàng Tom Trồ dờng, gơs gơnoar pràn mơ pal rngòt, Kơnràñ ò cah is cau lơi, ò dòp phan loă.

I Timôthe 6:15

la di di tơngai mơ Bơtau gơnoar dờng gơs mìng dô nă lơm mơ pal jòng ro rơp yal tơlik, la Bơtau ală bơtau dê, mơ Yàng ală yàng dê,

Jôsue 22:22

“Jehôwa la Yàng Tom Trồ ală yàng dê! Jehôwa la Yàng Tom Trồ ală yàng dê! Kơnràñ git; mơ lòi tĕ Israel in git! Dilah gơs bơta tòmdră hala bơta ò dòn bơr Yàng Jehôwa gen bañ lòi bol hi in kis tòm ngai do.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

Yal Tơlik 17:14

Bol khai rơp tòmlơh mơ Belàt Kòn. Belàt Kòn rơp geh pha lin rlau, bơh Kơnràñ la Yàng ală yàng dê, Bơtau ală bơtau dê; mơ ală cau ơm bal mơ Kơnràñ la ală cau geh hòi sac, sac rwah mơ dòn song.”

Yal Tơlik 19:16

Hơđang ào mơ di bơnô Kơnràñ dê gơs cih dô sơnđan lah: BƠTAU ALĂ BƠTAU DÊ MƠ YÀNG ALĂ YÀNG DÊ.