Daniel 2:45 - Sră Goh 2018

⁴⁵ Hơ̆ la jơnau gơtha bơh pơnai lŭ neh phàt bơh mơnơm ò di bơh tê cau dê. Pơnai lŭ hơ̆ jan bơcah lòs, kòng, ù kơnàng, priă mơ màh. Yàng Tom Trồ dờng neh ai bơtau in git bơta rơp gơlik tus tòm ngai tơnơ̆. Bơta mpau la nền cê mơ jơnau gơtha gơ dê la pal dòn.”

Daniel 2:45 ပူးပေါင်းရင်းမြစ်များ

Sơnròp Gơlik Gơs 41:26

Poh nơm kơnrồ lơmă hơ̆ la poh nam, poh sơnyùr kòi să hơ̆ kung la poh nam. Hơ̆ la mìng dô bơta mpau.

Sơnròp Gơlik Gơs 41:28

Hơ̆ la bơta añ neh đơs mơ kơnràñ: Yàng Tom Trồ neh ai kơnràñ in git ală broă Yàng rơp lơh.

Sơnròp Gơlik Gơs 41:32

Dilah kơnràñ gŏ bơta mpau bàr dơ̆ hơ̆ la bơh Yàng Tom Trồ neh lơh nền bơta hơ̆ rau, gen Yàng rơp lơh gơlik gơs mhar mo.

II Samuel 7:22

Gen tàng, Yàng la dờng ngan, ơ Jehôwa Yàng Tom Trồ, bơh ò gơs Yàng lơi ndròm be Yàng, mơ ò gơs Yàng Tom Trồ lơi rlau mơ mìng dô nă Yàng, jat be jơh ală bơta tồr bol hi neh kơno.

I Yal Yau 16:25

Bơh Yàng Jehôwa la dờng mơ di pal geh jòng ro rlau jơh; Kơnràñ pal geh duh rngòt rlau mơ jơh ală yàng.

Nehemi 4:14

Tơnơ̆ mơ tŭ añ neh sền ală bơta rau, añ ñă ntào mơ đơs mơ ală cau màng ryŭ, mơ jơh ală cau kwang, mơ jơh ală cau gam wơl lah: “Bañ rngòt di bol khai, kah tĕ Yàng Jehôwa la Bơtau dờng mơ pal rngòt, mơ tòmlơh tĕ ală oh mi bol mê in, ală kòn klau ală kòn ùr, ală bau ùr mơ ală hìu nhă bol mê in.”

Nehemi 9:32

Behơ̆ tŭ do, Ơ Yàng Tom Trồ bol hi dê, la Yàng Tom Trồ dờng ngan, gơnap gơnoar, mơ pal rngòt, Bơtau lơh jat bơta ho bal kòñ gơboh, dan Kơnràñ bañ sền nggòc ală bơta jê sồt bòl glar neh tus hơ bol hi, hơđang ală cau bơtau mơ ală kwang bàng, hơ ală cau gơnoar ơn phan duh khoai mơ ală cau gơnoar hwơr, hơ ală mò pàng bol hi, mơ jơh làng bol Kơnràñ dê, bơh rài ală bơtau Asiri tus tŭ do.

Sră Jop 36:26

Ngan, Yàng Tom Trồ la dờng, mơ bol he ò git Kơnràñ! Khà nam Kơnràñ dê ò rgơi jòi bàn.

Đơs Crih 135:5

Bơh añ git Yàng Jehôwa la dờng ngan, Yàng bol he dê la hơđang rlau jơh mơ ală yàng ndai.

Đơs Crih 145:3

Yàng Jehôwa la dờng mơ pal jòng ro ngan; Bơta dờng ryŭ Kơnràñ dê ò rgơi git jơh.

Đơs Crih 2:9

Kòn rơp ngui gai jra lòs mơ pòng bơcah bol khai, Kòn rơp lơh bơcah lề bol khai be gri cau chài mòn gơ.”

Đơs Crih 48:1

Yàng Jehôwa la dờng, pal jòng ro ngan Tòm ƀòn dờng Yàng Tom Trồ bol hi dê. Mơ hơđang mơnơm sàng goh Kơnràñ dê.

Đơs Crih 96:4

Bơh Yàng Jehôwa la dờng ngan, mơ ngan pal geh jòng ro; Kơnràñ la pal duh rngòt rlau jơh mơ ală yàng ndai.

Esai 28:16

Behơ̆ tàng, Yàng Jehôwa la Yàng Tom Trồ đơs be do: “Do, Añ ơn tòm Siôn dô pơnai lŭ mơnàng hìu, dô pơnai lŭ neh kong lòng, dô nơm lŭ mum hìu màng ngan nàng lơh kơ̆ nền mơnàng; cau lơi dòn kơnòm gen rơp ò rngòt rngơt.

Daniel 2:24

Behơ̆, Daniel lòt tus hơ hìu Ariôk la cau mơ cau bơtau neh sồr tơnchơt ală cau jak chài Babilôn dê, mơ đơs mơ khai lah: “Dan bañ tơnchơt ală cau jak chài Babilôn dê, mơya lam tĕ añ lòt tus di đap cau bơtau, gen añ rơp yal tơlik bơta mpau mơ jơnau gơtha gơ bơtau in.”

Daniel 2:28

Mơya gơs dô nă Yàng Tom Trồ ơm hơđang trồ rgơi yal tơlik ală bơta ndơp ndơr, mơ Kơnràñ neh yal bơtau Nebukatnessar in git bơta rơp tus tòm ală ngai lồi dut. Do la bơta mpau mơ bơta gơtơnggŏ mơ bơtau neh gŏ tòm tŭ bic hơđang cơnòng bic:

Daniel 2:29

Ơ bơtau, tòm tŭ bơtau bic hơđang cơnòng, bơtau gơs ală bơta kơlôi sơnơng bơh ală bơta rơp tus tòm ală ngai tơnơ̆. Yàng Tom Trồ la Bơtau òs yal tơlik bơta ndơp ndơr neh ai bơtau in git bơta rơp gơlik tus.

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Daniel 8:25

Khai kơnòm dê bơta ma blac khai dê, khai geh bơtoah tòm ală bơta blac pơrlồm khai dê; bơtau hơ̆ yò tơngguh să tòm khai la jòng màng rlau jơh. Nisơna khai rơp tơnroh oă cau; khai khin guh tòmsò mơ Bơtau ală bơtau dê, mơya khai rơp gơkòl tơnroh, mơ ò di bơh tê kòn mơnus.

Sră Age 2:22

Añ rơp tuh tơlup ală sơbàn bơtau mơ tơnroh gơnap gơnoar ală lơgar làng bol bơdìh dê. Añ rơp tuh tơlup ală rơndeh lòs tòmlơh bal mơ ală cau at gơ; ală ơseh bal mơ ală cau hào gơ rơp dùh, kòp nă kong sreh tơnchơt bơh đào oh mi khai dê.’”

Sacari 12:3

Tòm ngai hơ̆, tòm tŭ jơh ală làng bol tòm ù pơjum bal tòmdră mơ Jerusalem, Añ rơp lơh Jerusalem in gơlik gơs kung be dô pơnai lŭ klềr cau ò rgơi pơrlă gơwèt mơ jơh ală làng bol. Jơh ală cau lơi kòñ pơrlă gơ gen să tòm bol khai rơp kong jê sồt.”

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Mathiơ 21:24

Yàng Jesu ho lah: “Añ kung lùp bol mê dô jơnau. Dilah bol mê rgơi ho, gen Añ kung rơp yal bol mê in bơh gơnoar lơi mơ Añ lơh ală bơta do.

Mathiơ 24:35

Trồ tiah rơp roh mơya jơnau đơs Añ jê ò gơs tŭ lơi roh ò.”

Luka 17:20

Cau Pharisi lùp Yàng Jesu lơgar Yàng Tom Trồ tŭ lơi tus, gen Kơnràñ ho lah: “Lơgar Yàng Tom Trồ tus ò rgơi gŏ mơ mat.

Yal Wơl 10:17

Bơh Jehôwa Yàng Tom Trồ bol mê dê la Yàng Tom Trồ dờng, gơs gơnoar pràn mơ pal rngòt, Kơnràñ ò cah is cau lơi, ò dòp phan loă.

Yal Tơlik 1:19

Tŭ do cih tĕ ală bơta mê gŏ, ală bơta gơs tŭ do mơ ală bơta rơp gơlik tus tơnơ̆.

Yal Tơlik 19:17

Gen añ gŏ dô nă cau gơnrơh ntào tòm mattơngai; khai hòi driau dờng, sồr jơh ală sềm par digùl trồ lah: “Lòt tus tĕ pơjum tòm bơta pơjum sa dờng Yàng Tom Trồ dê,

Yal Tơlik 4:1

Tơnơ̆ mơ hơ̆ añ sền gŏ, ne, dô nơm mpồng pò hơđang trồ, mơ jơnau añ neh kơno bơh sơnròp đơs mơ añ be ntas kơlwòk, jơnau hơ̆ đơs mơ añ lah: “Guh tĕ hơ do, Añ rơp sơnio mê in ală bơta pal gơlik tus tơnơ̆.”