Daniel 2:34 - Sră Goh 2018

³⁴ Tòm tŭ bơtau tơnggòr sền rùp ràk hơ̆ gen gơs dô pơnai lŭ ò di bơh tê cau phàt gơpơrlă tus mơ tơm di mpàng jơng lòs bơcă bal mơ ù kơnàng rùp ràk dê, mơ lơh rùp ràk in bơcah lề lac jơh.

Daniel 2:34 ပူးပေါင်းရင်းမြစ်များ

Đơs Crih 118:22

Pơnai lŭ mơ ală cau bơt hìu neh sang tơlik, Lŭ hơ̆ neh gơlik gơs lŭ mum hìu.

Esai 28:16

Behơ̆ tàng, Yàng Jehôwa la Yàng Tom Trồ đơs be do: “Do, Añ ơn tòm Siôn dô pơnai lŭ mơnàng hìu, dô pơnai lŭ neh kong lòng, dô nơm lŭ mum hìu màng ngan nàng lơh kơ̆ nền mơnàng; cau lơi dòn kơnòm gen rơp ò rngòt rngơt.

Esai 60:12

Bơh làng bol hala lơgar lơi ò duh broă mê gen rơp roh rui; jơh ală làng bol mơ lơgar hơ̆ rơp gơkòl lòi srau gòi.

Esai 8:9

Ơ ală làng bol, lơh tĕ dô bă bal mơ gơlik roh nùs; Ơ jơh ală làng bol lơgar ngài, iat tĕ! Kơt tĕ but bol mê dê mơ gơdô nùs! Kơt tĕ but bol mê dê mơ gơdô nùs!

Ejekiel 32:28

Behơ̆, mê rơp kong bơcah lề mơ bic digùl ală cau ò siat gơltau, bal mơ ală cau kong sreh tơnchơt bơh đào.

Ejekiel 47:5

Khai was dô rbô tal tai, mơya tŭ hơ̆ gơlik dô nơm hiòng dà mơ añ ò rgơi tiă tài bơh dà gơguh mơ jrô tơl nàng re, hơ̆ la dô nơm hiòng dà mơ ò gơs cau lơi rgơi tiă.

Daniel 2:33

kơrgòs jơng mơ lòs, mpàng jơng mơ lòs bơcă bal mơ ù kơnàng.

Daniel 7:27

Gen gơnoar bơtau, gơnoar at bồ, mơ bơta dờng ryŭ ală lơgar dê ơm hơđơm jơh trồ do rơp geh ai ală cau sàng goh la làng bol Bơtau Hơđang Rlau Jơh dê. Lơgar bol khai dê rơp la lơgar gam sùm sùm, mơ jơh ală cau at bồ rơp duh broă mơ dòn bơr bol khai.’

Daniel 8:25

Khai kơnòm dê bơta ma blac khai dê, khai geh bơtoah tòm ală bơta blac pơrlồm khai dê; bơtau hơ̆ yò tơngguh să tòm khai la jòng màng rlau jơh. Nisơna khai rơp tơnroh oă cau; khai khin guh tòmsò mơ Bơtau ală bơtau dê, mơya khai rơp gơkòl tơnroh, mơ ò di bơh tê kòn mơnus.

Sacari 12:3

Tòm ngai hơ̆, tòm tŭ jơh ală làng bol tòm ù pơjum bal tòmdră mơ Jerusalem, Añ rơp lơh Jerusalem in gơlik gơs kung be dô pơnai lŭ klềr cau ò rgơi pơrlă gơwèt mơ jơh ală làng bol. Jơh ală cau lơi kòñ pơrlă gơ gen să tòm bol khai rơp kong jê sồt.”

Sacari 4:6

Behơ̆ khai đơs mơ añ lah: “Do la jơnau Yàng Jehôwa đơs mơ Jerubabel: ‘Hơ̆ ò di la bơh gơnoar pràn, kung ò di la bơh gơnap gơnoar, mơya la bơh Hwềng Añ,’ Yàng Jehôwa Gơnap Gơnoar Dờng Làm Jơh đơs behơ̆.

Mathiơ 16:18

Mơ Añ kung đơs mơ mê lah: mê la Pier, Añ rơp bơt bơtào Hìu Jum Goh Añ hơđang lŭ klềr do, ală mpồng lơgar làng ƀồc ò geh pha rlau mơ Gơ.

Jang 1:13

Cau hơ̆ ò di deh bơh mhàm, ò di bơh nùs kòñ poac să, kung ò di bơh nùs kòñ cau dê, mơya deh bơh Yàng Tom Trồ.

Broă 4:11

Yàng Jesu la cau mơ Sră Goh neh cih lah: Kơnràñ la pơnai lŭ mơ ală ồng la cau bơt hìu neh sang tơlik, mơya neh gơlik gơs pơnai lŭ mum hìu wơl.

II Kôrintô 5:1

Bơh bol he git lah dilah hìu mơ ù ơm ing bol he dê tơrlơm lề, gen bol he gơs hìu gam sùm sùm hơđang trồ, bơh Yàng Tom Trồ lơh gơs, ò di bơh tê kòn mơnus.

Hebrơ 9:24

Bơh Bơtau Krist ò di mut tòm tiah sàng goh bơh tê kòn mơnus lơh gơs, la tiah jat rnoas tiah sàng goh ngan, mơya mut hơđang trồ, mơ tŭ do Kơnràñ bơh bol he mơ tơlik mat di đap Yàng Tom Trồ.

I Pier 2:7

Behơ̆ gơwèt mơ oh mi la cau dòn, gen Kơnràñ la màng ngan; mơya gơwèt mơ ală cau ò dòn gen “Pơnai lŭ mơ ală cau bơt hìu neh sang lòi, Lŭ hơ̆ neh gơlik gơs lŭ bồ mum hìu,”

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Yal Tơlik 17:14

Bol khai rơp tòmlơh mơ Belàt Kòn. Belàt Kòn rơp geh pha lin rlau, bơh Kơnràñ la Yàng ală yàng dê, Bơtau ală bơtau dê; mơ ală cau ơm bal mơ Kơnràñ la ală cau geh hòi sac, sac rwah mơ dòn song.”