Daniel 2:27 - Sră Goh 2018

²⁷ Daniel ho lah: “Ơ bơtau, bơta ndơp ndơr mơ bơtau neh sồr yal tơlik gen ală cau jak chài, cau gru bơjơu, cau sền sơmañ mơ ală cau yal bơta ndơp ndơr ò rgơi yal tơlik bơtau in,

Daniel 2:27 ပူးပေါင်းရင်းမြစ်များ

Sơnròp Gơlik Gơs 40:8

Bol khai ho lah: “Bol hi neh gŏ dô bơta mpau mơ ò gơs cau yal jơnau gơtha gơ dê.” Jôsep đơs lah: “Bơta yal jơnau gơtha mpau ò di la bơh Yàng Tom Trồ ò ơ? Dan yal tĕ bơta mpau ală ồng dê añ in iat.”

Sơnròp Gơlik Gơs 41:8

Àng drim hìng, nùs tồr khai ò suk ơm gen khai hòi ală cau pơlìn mơ ală cau jak chài tòm lơgar Ejiptơ lòt tus hơ khai. Gen khai yal bơta mpau bol hơ̆ in iat, mơya ò gơs cau lơi rgơi yal tơlik jơnau gơtha ală bơta mpau hơ̆ bơtau in.

Esai 19:3

Cau Ejiptơ rơp gơdô nùs, mơ Añ rơp lơh roh tơnggume broă bol khai dê; bol khai hòi lùp ală rùp ràk mơ ală hwềng cau chơt, ală cau bơjơu mơ ală cau sền dà.

Esai 44:25

Añ la Bơtau neh tơnroh ală tềl ală cau gơnoar hwơr ma blac, mơ lơh ală cau đơs hwơr gơlik cau bơrngơl gơla; la Bơtau neh tă sang bơta jak chài mơ lơh cau git wă bol khai gơlik gơs tùl gơla,

Jeremi 10:7

Khoai Bơtau ală lơgar! Ñcau ò rngòt di Kơnràñ taih? Bơh Kơnràñ di pal geh dòn duh. Tòm ală cau jak chài ală lơgar dê, Mơ tòm lơgar bol khai dê, Ò gơs cau lơi be Kơnràñ.

Daniel 1:20

Mơ tai, tòm tŭ cau bơtau lùp bol khai ală sèng lùp bơh ală bơta jak chài mơ bơta git wă, gen gŏ bol khai lin jơt dơ̆ rlau mơ jơh ală cau gru mơ cau tơlhơu tòm làm lơgar cau bơtau dê.

Daniel 2:2

Behơ̆, cau bơtau sồr hòi ală cau jak chài Babilôn dê, ală cau gru bơjơu, ală cau sền sơmañ, bal mơ ală cau git yal gơtha bơta ndơp ndơr nàng bol khai yal tơlik bơta mpau cau bơtau in. Tòm tŭ bol khai neh mut tus mơ ntào di đap bơtau.

Daniel 4:7

Tòm tŭ ală cau jak chài Babilôn dê, ală cau gru bơjơu, ală cau sền sơmañ mơ ală cau sền dà lòt tus hơ añ, añ yal bơta mpau bol khai in, mơya bol khai ò rgơi yal tơlik jơnau gơtha gơ dê añ in.