Daniel 2:21 - Sră Goh 2018

²¹ Yàng tòmgơl tŭ tơngai mơ kơnhai sơnam, Kơnràñ tă sang mơ pồ bơtào ală cau bơtau, Kơnràñ ai bơta jak chài cau lơi in jòi jat Kơnràñ, mơ ai bơta git wă cau àng loh in.

Daniel 2:21 ပူးပေါင်းရင်းမြစ်များ

I Ală Bơtau 10:24

Jơh cau tòm dunnia kòñ jòi sền muh mat Salômôn nàng iat bơta jak chài mơ Yàng Tom Trồ neh ơn tòm nùs khai.

I Ală Bơtau 3:28

Tòm tŭ jơh ală cau Israel kơno bơta cahrña bơtau dê, gen bol khai duh rngòt ngan di bơtau, tài bơh bol khai dòp git cau bơtau gơs bơta jak chài Yàng Tom Trồ dê nàng lơh jat bơta song ring.

I Ală Bơtau 4:29

Yàng Tom Trồ neh ai Salômôn in bơta jak chài mơ bơta àng loh crih crài ngan, bal mơ bơta git wă dờng ơnàng ò jai was sơnoa kung be bràs di gah dàlềng.

I Yal Yau 22:12

Dan Yàng Jehôwa ai kòn in bơta jak chài mơ bơta git wă tòm tŭ Kơnràñ jào gơnoar kòn in at bồ hơđang Israel, nàng kòn prap gàr bơta boh lam Jehôwa Yàng Tom Trồ kòn dê.

I Yal Yau 29:30

bal mơ jơh ală bơta bơh rài at bồ mơ gơnoar pràn khai dê, bơh ală bơta neh gơlik gơs di khai, di Israel mơ di ală lơgar at bồ tòm plai ù.

Este 1:13

Gen cau bơtau lùp bơta kơlôi sơnơng ală cau git jak bơh bơta boh lam (bơh bơta do, jat bơta òs mòng bơtau đơs mơ ală cau jak chài la cau git wă bơta boh lam mơ bơta òs yau,

Sră Jop 12:18

Kơnràñ hồ ală chèo kơt but ală bơtau dê, Mơ pùt ồi gùt dar but bol khai dê.

Lik Ejiptơ 31:3

mơ Añ neh ai khai in bềng lìu Hwềng Yàng Tom Trồ dê, bal mơ bơta chài rgơi, mơ git jak tòm ală broă lơh mơ tê,

Lik Ejiptơ 31:6

Rlau mơ hơ̆, Añ neh pồ bơtào dô nă cau nàng dong kòl khai, hơ̆ la Ôhôliap, kòn klau Ahisamak, tòm jơi bơtiàn Dan. Añ kung neh ai bơta chài rgơi jơh ală cau lơh broă mơ tê, tồ lơh jơh ală broă mơ Añ neh sồr mê:

Daniel 1:17

Yàng Tom Trồ ai poan nă cau pơnu hơ̆ gơs bơta jak chài, git wă jơh ală sră pơàr, ală bơta bơtê. Daniel kung git wă ală bơta gơtơnggŏ mơ bơta mpau tai sơl.

Daniel 10:1

Tòm nam dơ̆ pe rài bơtau Sirus, lơgar Persia dê, gơs jơnau yal tơlik Daniel in, kung sơnđan la Beltesassar. Jơnau yal tơlik gơ la ngan, mơ gơyal bơh dô bơta sòdră dờng. Daniel git wă jơnau yal hơ̆, dòp mơ git wă jơnau gơtha tòm bơta gơtơnggŏ.

Daniel 11:6

Tơnơ̆ mơ dô êt nam ală bơtau hơ̆ rơp lơh gơs dô bă bal. Kòn ùr bơtau đah đơm rơp lòt tus hơ bơtau đah đang nàng lơh gơtòmsòr bal, mơya gơnoar pràn kòn ùr bơtau dê ò ơm jŏ jòng, khai mơ gơnoar pràn khai dê kung ò gam tai. Tòm ală ngai hơ̆, kòn ùr bơtau bal mơ ală cau neh lòt tus bal mơ khai, kòn khai neh deh, bal mơ ală cau neh dong kòl khai, jơh tơl nă rơp kòl sang lòi.

Daniel 2:20

Daniel đơs lah: “Jòng ro sơnđan Yàng Tom Trồ sùm sùm ò git lồi, Bơta jak chài mơ gơnap gơnoar gơrê bal mơ Kơnràñ.

Daniel 2:23

Ơ Yàng Tom Trồ ồng pàng añ jê, Añ ưnngài mơ jòng ro Kơnràñ, tài bơh Kơnràñ neh ai añ in bơta jak chài mơ gơnap gơnoar, Kơnràñ neh ai añ in git bơta bol hi hòi dan mơ Kơnràñ, bơh Kơnràñ yal tơlik bol hi in git bơta pal càng bơtau dê.”

Daniel 2:9

Dilah bol mê ò yal tòm toh bơta mpau hơ̆ añ in gen kung gơs mìng dô bơta lơh glài hơ̆ bol mê in lơm. Bol mê neh tòmbơyai bal mơ ai ală jơnau gơlềng gơlàng ma blac nàng yal tơlik ală bơta mpau añ in, jơl tus ală bơta gơtòmgơl wơl. Behơ̆, yal tĕ añ in bơta mpau hơ̆, gen añ rơp git la bol mê rgơi yal tơlik jơnau gơtha gơ dê.”

Daniel 4:14

Bơtau hơ̆ ai jơnau dờng mơ đơs lah: ‘Kơl tĕ chi do mơ koh tĕ ntê gơ, lơh jrùh tĕ ală nha gơ mơ rsìh tĕ plai gơ làm jơh, ală phan poan jơng ơm tòm tiah mƀur gơ, dô pleh tĕ, mơ ală sềm par dô bơh di ală ntê gơ dê!

Daniel 4:17

Hơ̆ la bơta lơh nền bơh ală bơtau kơp gàr, la jơnau sồr ală bơtau sàng goh neh yal tơlik tồ jơh ală jơi phan kis in git lah Bơtau Hơđang Rlau Jơh at bồ tòm ală lơgar kòn mơnus dê; Kơnràñ kòñ ai cau lơi in jat nùs kòñ Kơnràñ dê; mơ pồ bơtào cau dềt rhền rlau jơh tòm jơi kòn mơnus hơđang hơ̆.’

Daniel 4:22

Ơ bơtau, tòm chi hơ̆ la să tòm bơtau, bơtau neh gơlik dờng mơ pràn kơldang; bơta dờng ryŭ bơtau dê gơtơngguh tus hơ trồ, mơ gơnoar at bồ bơtau dê gơ lòt tus di lồi dut nhàr ù tiah dê.

Daniel 4:32

Mê rơp kong bơtrơh bơh digùl kòn mơnus, rơp ơm bal mơ phan poan jơng tòm ƀlàng; mê rơp pal sa ñhơt be kơnrồ, mơ kong lơh glài tòm poh tơngai, jơl tus di tŭ mê đal git lah Bơtau Hơđang Rlau Jơh at bồ tòm lơgar kòn mơnus, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.”

Daniel 7:25

Cau bơtau hơ̆ rơp đơs ală jơnau tòmdră mơ Bơtau Hơđang Rlau Jơh, rồn bơklơn ală cau sàng goh Kơnràñ dê, mơ lơh nền tòmgơl sră kòp tơngai mơ bơta boh lam; ală cau sàng goh rơp kòl phi tòm tê khai tòm dô tơngai, ală tơngai mơ nggùl tơngai.

Luka 21:15

Bơh Añ rơp ai bol mê in jơnau đơs mơ bơta jak chài mơ ală cau sò tơm di bol mê ò rgơi tòmdră hala đơs tơrwơl.

Rôma 13:1

Kòp nă cau pal dòn duh tĕ cau gơs gơnoar at bồ he, bơh ò gơs gơnoar lơi la ò tus bơh Yàng Tom Trồ, ală gơnoar at bồ hơ̆ la bơh Yàng Tom Trồ bơtào gơs.

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

Jakơ 1:17

Jơh ală bơta nđàc niam mơ bơta ai gòi wil tơl tus bơh đang jòng, gơ mù bơh di Yàng bèp la bơta àng; tòm Kơnràñ ò gơs bơta tòmgơl, kung ò gơs mƀur bơta pơrlac lơi ò.

Jakơ 1:5

Dilah tòm oh mi gơs cau lơi siơ̆u bơta jak chài, dan tĕ mơ Yàng Tom Trồ, gen Kơnràñ rơp ai, bơh Yàng Tom Trồ la Bơtau ai gòi tơl nă cau in dô bă ơnàng, ò lah pơrhơng cau lơi.

Yal Tơlik 19:16

Hơđang ào mơ di bơnô Kơnràñ dê gơs cih dô sơnđan lah: BƠTAU ALĂ BƠTAU DÊ MƠ YÀNG ALĂ YÀNG DÊ.