Daniel 2:18 - Sră Goh 2018

¹⁸ Khai dan bol hơ̆ hòi dan mơ Yàng Tom Trồ ơm hơđang trồ ai nùs nđàc sơngit yal tơlik bơta ndơp ndơr do, tồ Daniel mơ ală oh mi khai dê geh klàs chơt bal mơ ală cau jak chài Babilôn dê.

Daniel 2:18 ပူးပေါင်းရင်းမြစ်များ

Sơnròp Gơlik Gơs 18:28

Dilah tòm pram jơt nă cau song ring mơ ò tơl pram nă, bơh ò tơl pram nă gen Yàng rơp tơnroh jơh ƀòn sơl ơ?” Kơnràñ ho lah: “Dilah Añ jòi gơs poan jơt pram nă cau, Añ ò tơnroh ƀòn ò.”

Đơs Crih 136:26

Ưnngài tĕ Yàng Tom Trồ hơđang trồ, Bơh bơta kòñ gơboh kơ̆ dơn Kơnràñ dê gam sùm sùm.

Đơs Crih 50:15

Hòi dan tĕ mơ Añ tòm ngai bòl glar; Añ rơp dong tă mê, mơ mê rơp lơh gơklŏ Añ in.”

Đơs Crih 91:15

Tòm tŭ khai hòi dan di Añ, gen Añ rơp dòp jơnau khai dê; Añ rơp ơm bal mơ khai tòm tŭ khai tìp bơta bòl glar, Añ rơp dong tă khai mơ lơh khai in geh jòng ro.

Esai 37:4

Digơlan Jehôwa Yàng Tom Trồ ồng dê neh kơno ală jơnau đơs Rapsake dê mơ cau tòm khai la bơtau Asiri neh sồr tus nàng bơrsèl tơnhial di Yàng Tom Trồ gam kis sùm sùm; Kơnràñ rơp lơh glài khai jat be ală jơnau Jehôwa Yàng Tom Trồ ồng dê neh kơno. Behơ̆ gen hòi dan tĕ ală cau gam ơm wơl mơ gam kis in!’”

Jeremi 33:3

‘Lùp tĕ Añ, Añ rơp ho wơl mê in; Añ rơp yal mê in ală broă dờng mơ ndơp ndơr, la ală broă mê òhềt tŭ lơi git.’

Ejekiel 36:37

Jehôwa Yàng Tom Trồ đơs be do: ‘Añ kung rơp lòi hìu Israel dan Añ lơh bơta do bol khai in: Añ rơp bơtơl khà làng bol bol khai in gơlik gơs oă be mpồl belàt.

Daniel 2:23

Ơ Yàng Tom Trồ ồng pàng añ jê, Añ ưnngài mơ jòng ro Kơnràñ, tài bơh Kơnràñ neh ai añ in bơta jak chài mơ gơnap gơnoar, Kơnràñ neh ai añ in git bơta bol hi hòi dan mơ Kơnràñ, bơh Kơnràñ yal tơlik bol hi in git bơta pal càng bơtau dê.”

Daniel 3:17

Dilah bơtau sơrbì bol hi tòm bơnhă ồs hơng, gen ơ bơtau; Yàng Tom Trồ la Bơtau bol hi duh broă geh gơnoar dong bol hi klàs bơh hơ̆ mơ bơh di tê bơtau.

Daniel 4:26

Ai be jơnau neh sồr lah lòi wơl tơnggu ryas tòm chi hơ̆ dê, hơ̆ la lơgar bơtau dê rơp geh jào wơl bơtau in at bồ tŭ lơi bơtau neh đal git gơnoar at bồ Bơtau Hơđang Rlau Jơh dê ơm hơđang trồ.

Jôna 1:9

Khai ho lah: “Añ la dô nă cau Hebrơ, mơ añ duh khoai Yàng Jehôwa la Yàng Tom Trồ hơđang trồ, la Bơtau neh lơh gơs dàlềng mơ ù tiah.”

Malaci 3:18

Mơ dô dơ̆ tai bol mê rơp gŏ bơta krơi is digùl cau song ring mơ cau iơh bơsak, digùl cau duh broă Yàng Tom Trồ mơ cau ò duh broă Kơnràñ.”

Mathiơ 18:12

Mbe bol mê kơlôi taih? Dilah cau lơi gơs dô rhiang nơm belàt mơ dô nơm neh lòt tìs nrah, gen ò di lòi sin jơt sin nơm tềng hơ̆, mơ guh hơđang mơnơm nàng jòi dô nơm neh lòt tìs nrah ò ơ?

Mathiơ 18:19

Añ đơs tai mơ bol mê, dilah bàr nă tòm bol mê gơs dô nùs bal tòm ù mơ dan bơta lơi, gen Bèp Añ ơm hơđang trồ rơp lơh bol khai in bơta hơ̆.

Broă 12:4

Tŭ hơ̆ la di di ală ngai Pơjum sa piang lă ò gơs kañ. Behơ̆ Herôt kup jàm Pier tòm hìu jàm, jào poan bơnòr ling in kơp gàr, kòp bơnòr gơs poan nă cau ling. Bơtau kòñ lòi rlau di ngai Pơjum sa Lòt Gan gen sồng tơlik khai di đap làng bol.

Rôma 15:30

Behơ̆, ơ oh mi, kơnòm di Yàng Jesu Krist bol he dê mơ kơnòm di bơta kòñ gơboh Yàng Hwềng dê, añ bơto tơngkah oh mi gơs tĕ dô nùs bal mơ añ nàng tòmlơh tòm bơta hòi dan mơ Yàng Tom Trồ añ in,

II Pier 2:9

Gen Yàng git mbe dong tă ală cau duh rngòt klàs bơh ală bơta gơlòng bòl glar, mơ git mbe krơ̆ jàm ală cau ò song ring tòm bơta lơh glài jàm jơl tus di ngai cahrña,

I Samuel 17:37

Yàng Jehôwa la Bơtau neh dong tă añ bơh di nđias klìu triă mơ bơh di nđias jơgơu gen Kơnràñ rơp dong tă añ bơh di tê cau Philistin do.” Sol đơs mơ Dabit lah: “Lòt tĕ, dan Yàng Jehôwa ơm bal mơ mê.”