Daniel 11:45 - Sră Goh 2018

⁴⁵ Khai rơp bơtào ală hìu sàl cau bơtau tòm digùl dàlềng mơ mơnơm sàng goh hàng mơnĕ. Mơya bơta lồi dut khai dê rơp tus, mơ ò gơs cau lơi rơp dong kòl khai.

Daniel 11:45 ပူးပေါင်းရင်းမြစ်များ

Đơs Crih 48:2

Mơnơm Siôn, jòng jơnhoa hàng mơnĕ ngan, Mơ la bơta hòn chò jơh ală cau in tòm làm plai ù, la tiah jơnhoa rlau jơh Saphôn dê, La ƀòn dờng Bơtau dờng rlau jơh dê,

Esai 10:12

Tòm tŭ Yàng Jehôwa neh lơh sir jơh ală broă tòmdră mơ mơnơm Siôn mơ Jerusalem Kơnràñ rơp đơs: “Añ rơp lơh glài bơtau Asiri tài bơh nùs pơnhừ să mơ gar mat pò hơđang khai dê.

Esai 11:9

Gơ ò lơh jê, ò tơnroh cau lơi tòm jơh mơnơm goh Añ jê, bơh plai ù rơp bềng lìu bơta git jak bơh Yàng Jehôwa kung be dà bềng lìu dàlềng behơ̆ sơl.

Esai 14:13

Mê neh đơs tòm nùs mê lah: “Añ rơp guh hơđang trồ; añ rơp yò sơbàn añ jê jòng hơđang ală sơmañ Yàng Tom Trồ dê; añ rơp nggui di sơbàn hơđang mơnơm la tiah jơnum, hơđang tiah jơnhoa rlau Japhôn dê.

Esai 2:2

Tòm ală ngai rơp tus, mơnơm hìu duh khoai Yàng Jehôwa dê rơp geh bơt bơtào jơnhoa hơđang rlau jơh ală mơnơm; gơ rơp geh tơngguh jòng rlau mơ ală dòr, mơ jơh ală làng bol rơp lòt kung be dà hòr tus tềng hơ̆,

Esai 27:13

Tòm ngai hơ̆, dô nơm kơlwòk dờng rơp geh uh. Ală cau neh roh rui tòm Asiri, mơ ală cau neh kòl cèng pơrdô tòm Ejiptơ rơp tus duh khoai Yàng Jehôwa hơđang mơnơm sàng goh tòm Jerusalem.

Esai 65:25

So rhau mơ belàt kòn rơp sa bal, klìu triă rơp sa rhe kung be kơnrồ, mơya bơs rơp sa ù. Bol khai rơp ò kong cau lơh jê sồt hala tơnroh, tòm jơh mơnơm sàng goh Añ jê,” Yàng Jehôwa đơs behơ̆.

Esai 66:20

Yàng Jehôwa đơs lah: “Bol khai rơp cèng brê jơh ală gơp bơtiàn bol mê dê, bơh di jơh ală lơgar, hào ơseh, rơndeh tòmlơh, rơndeh pơdiang phan, alàng ơseh, làkđa, tus hơ mơnơm sàng goh Añ jê tòm Jerusalem, lơh gơs dô nơm phan ơn Yàng Jehôwa in. Bol khai rơp cèng bol hơ̆ kung be cau Israel cèng phan ơn mơ kòi mbo tus tòm hìu duh khoai Yàng Jehôwa dê, tòm dô nơm phan ngui sàng goh.”

Ejekiel 39:2

Añ rơp pơrlac mê gùt dar mơ hwài mê lòt, Añ rơp cèng mê tus bơh di tiah ngài ngan đah đang, mơ sồr mê tòmdră mơ ală mơnơm Israel dê.

Daniel 11:16

Mơya cau bơtau đah đang hơ̆ rơp brồ lơh jat nùs khai kòñ, ò gơs cau lơi rgơi ntào tòmdră mơ khai. Khai rơp ntào tòm tiah gơklŏ khai dê mơ gơs gơnoar hơđang làm jơh.

Daniel 11:41

Khai kung rơp tòmpìt ai lơgar hàng mơnĕ, mơ oă lơgar rơp kòl tơnroh, mơya Edôm, Môap, mơ ală cau at bồ làng bol Ammôn rơp lik klàs bơh di tê khai.

Daniel 11:44

Mơya ală jơnau yal tus bơh đah mattơngai lik mơ đah mattơngai mut rơp lơh khai in dơrcul; khai rơp gơhào gơjrañ ngan mơ lik lòt nàng lơh gơprah mơ tơnroh ală gơnoar pràn lơi tòmdră mơ khai.

Daniel 2:35

Gen lòs ù kơnàng, kòng, priă mơ màh bơcah lề lac jơh, gơlik be thul tòm làn kòi tòm kơnhai prang gơs càl khồm pơrdô, gơ par roh thit jơh. Ai pơnai lŭ neh tơm bơcah rùp ràk hơ̆ gen gơlik gơs dô nơm mơnơm dờng bềng lìu làm ù tiah.

Daniel 7:26

Mơya bơta cahrña rơp tus, gơnap gơnoar khai dê rơp kòl tă tơlik mơ kong tơnroh tơnrui jơh hir.

Daniel 8:25

Khai kơnòm dê bơta ma blac khai dê, khai geh bơtoah tòm ală bơta blac pơrlồm khai dê; bơtau hơ̆ yò tơngguh să tòm khai la jòng màng rlau jơh. Nisơna khai rơp tơnroh oă cau; khai khin guh tòmsò mơ Bơtau ală bơtau dê, mơya khai rơp gơkòl tơnroh, mơ ò di bơh tê kòn mơnus.

Daniel 9:16

Ơ Yàng, añ hòi dan mơ Yàng jat jơh ală bơta sồr lam song ring Kơnràñ dê, dan Yàng pơrlac sang bơta gơjrañ dờng Kơnràñ dê bơh dê Jerusalem la ƀòn dờng mơ la mơnơm sàng goh Kơnràñ dê. Tài bơh tồi glài bol hi dê mơ bơta iơh bơsak ồng pàng bol hi dê tàng Jerusalem mơ làng bol Kơnràñ dê pal kong bơta bơtat bơtròh bơh dê ală làng bol ơm gùt dar bol hi.

Daniel 9:20

Tòm tŭ añ gam đơs mơ hòi dan, yal glài añ jê mơ glài làng bol Israel añ jê, jơh nùs rac dan mơ Jehôwa Yàng Tom Trồ añ jê, tài bơh mơnơm sàng goh Yàng Tom Trồ añ jê

Jôel 2:20

Añ rơp lơh mpồl ling tus bơh đah đang pleh ngài bơh di bol mê, bơtrơh bol khai tus tòm tiah ro rañ ò rgơi tùc tam, bơh hơđap bol khai mut tòm dàlềng đah mattơngai lik, mơ đah ngkòi mut tòm dàlềng đah mattơngai mut. Ƀô ồm bol khai dê gơ par mơ ƀô ngir bol khai dê gơguh hơđang.” Ngan, Kơnràñ neh lơh ală broă dờng.

Mice 4:2

Oă lơgar rơp tus mơ đơs lah: “Tus tĕ, bol he guh tĕ hơ mơnơm Yàng Jehôwa dê, tus hơ hìu Yàng Tom Trồ Jakôp dê. Kơnràñ rơp bơto bol he ală gùng dà Kơnràñ dê, nàng bol he lòt tòm ală gùng Kơnràñ dê.” Jơnau nting sồr rơp lik bơh Siôn, mơ jơnau đơs Yàng Jehôwa dê tus bơh Jerusalem.

Sacari 14:8

Tòm ngai hơ̆, dà kis rơp hòr lik bơh Jerusalem, nggùl hòr tus hơ dàlềng đah mattơngai lik, nggùl hòr tus hơ dàlềng đah mattơngai mut, tòm kơnhai prang mơ tòm kơnhai noat mrềt.

Khà Làng Bol 34:5

nhàr bơh Asmôn pơdar tus hơ croh dà Ejiptơ, mơ gơ dơh wơl di dàlềng.

II Tesalônika 2:4

Khai la cau tòmdră, yò tơngguh is să he hơđang jơh ală bơta lơi cau sơnđan la yàng, hala phan lơi cau duh khoai, tian gơs nggui tòm hìu duh khoai Yàng Tom Trồ dê, mơ sơnđan is să he la Yàng Tom Trồ.

II Tesalônika 2:8

Tŭ hơ̆ cau iơh bơsak ne rơp gơyal tơlik, Yàng Jesu rơp ngui nhơm bơr Kơnràñ dê mơ tơnchơt khai, mơ ngui bơta àng gơcrà bơta tus wơl Kơnràñ dê mơ tơnroh khai.

Yal Tơlik 13:10

Dilah neh lơh nền cau lơi pal kòl kup cèng, gen cau hơ̆ rơp kong kup cèng; dilah cau lơi pal kong chơt mơ đào, gen khai pal kong sreh chơt mơ đào sơl. Do la bơta kong ơt mơ bơta dòn ală cau sàng goh dê.

Yal Tơlik 20:2

Khai kup nagrài, hơ̆ la bơs yau, la Cà ràk, la cà Satan, mơ kơt gơtòm dô rbô nam.

Yal Tơlik 20:9

Bol khai guh làm ù tiah, gơrwàng theng ală cau sàng goh dê mơ ƀòn dờng kòñ gơboh. Mơya gơs ồs dùh bơh đang trồ mơ chu pơrguc bol khai.