Daniel 11:37 - Sră Goh 2018

³⁷ Khai rơp sền òsơp di ală yàng ồng pàng khai dê, di yàng mơ ală cau ùr kòñ gơboh, mơ sền òsơp di jơh ală yàng tài bơh khai bơtào is să khai dờng rlau jơh mơ ală yàng hơ̆.

Daniel 11:37 ပူးပေါင်းရင်းမြစ်များ

Sơnròp Gơlik Gơs 3:16

Kơnràñ đơs mơ cau ùr lah: “Añ rơp bơtơl bơta bòl glar tòm tŭ ai gơs bun, ai rơp gơs jê sồt kòp dơ̆ ai deh kòn. Bơta gơboh ai dê rơp gơtơmut đah bau klau ai, mơ bau klau ai rơp at bồ ai.”

Sơnròp Gơlik Gơs 3:5

mơya Yàng Tom Trồ git ngai lơi bol ai sa plai chi hơ̆, mat bol ai pò; bol ai rơp kung be Yàng Tom Trồ, git bơta niam mơ bơta iơh.”

Đơs Chò 7:10

Añ gơrê bal mơ cau kòñ gơboh añ, bơta kơp kòñ khai gơwèt mơ añ.

Esai 14:13

Mê neh đơs tòm nùs mê lah: “Añ rơp guh hơđang trồ; añ rơp yò sơbàn añ jê jòng hơđang ală sơmañ Yàng Tom Trồ dê; añ rơp nggui di sơbàn hơđang mơnơm la tiah jơnum, hơđang tiah jơnhoa rlau Japhôn dê.

Esai 14:14

Añ rơp guh jòng hơđang bồ ală mhwal; añ rơp lơh añ in gơlik gơs ndròm be Bơtau Hơđang Jòng Rlau Jơh.”

Ejekiel 24:16

“Ơ kòn mơnus, do, nisơna Añ rơp tă bơh di mê bơta mơ mat mê kòñ gơboh; mê rơp ò moat jrùng mơ ñìm ƀồc, rơp ò lòi dà mat gơhòr.

Ejekiel 28:2

“Ơ kòn mơnus, đơs tĕ mơ cau at bồ Tirơ lah: Jehôwa Yàng Tom Trồ đơs be do: ‘Tài bơh nùs mê pơnhừ să gen mê neh đơs lah: “Añ la dô nă yàng; Añ nggui hơđang sơbàn ală yàng dê ơm tòm plai nùs dàlềng.” Mơya mê la dô nă kòn mơnus, ò di la dô nă yàng, bulah mê pơndròm dơngoh kơlôi mê mơ dơngoh kơlôi dô nă yàng dê.

Daniel 11:36

Cau bơtau đah đang rơp lơh jat nùs kòñ khai dê; khai rơp pơnhừ să mơ yò tơngguh să khai jòng hơđang rlau mơ jơh ală yàng, mơ đơs ală jơnau tràl sơrbil ngan tòmsò mơ Yàng Tom Trồ ală yàng dê. Khai rơp geh bơtoah bơtoài jơl tus di tŭ bơta gơjrañ dờng Yàng dê geh bềng tơl, tài bơh bơta neh lơh nền pal gơlik gơs di ngan.

Daniel 11:38

Khai ò dòn duh ală yàng hơ̆, mìng dòn duh yàng ală ƀòn dờng kơp gàr dê; khai rơp ai màh, priă, lŭ màng, mơ ală phan ơn kas màng nàng dòn duh yàng mơ ồng pàng khai ò git.

Daniel 8:11

Gơ pơnhừ să tian gơs kòñ tòmdră mơ Bơtau at bồ hơđang trồ; gơtă tơlik ală phan ơn duh khoai kòp ngai bơh di Kơnràñ, mơ lơh tơrlah tiah sàng goh Kơnràñ dê.

Yal Wơl 21:11

dilah tòm bol mê jòi gŏ digùl ală cau gơkòl kup gơs dô nă cau ùr hàng mơnĕ mơ kòñ gơboh di khai, gen cau hơ̆ rgơi bau mơ khai.

Yal Wơl 5:21

Bol mê bañ hàm kòñ bau cau ơm rềp di bol mê. Bol mê bañ gơs nùs hàm hà hìu ơm hala ù tiah khai dê, cau klau duh broă hala cau ùr duh broă khai dê, kơnrồ hala alàng khai dê, hala phan lơi gơrê bal mơ cau ơm rềp di bol mê.’

II Tesalônika 2:4

Khai la cau tòmdră, yò tơngguh is să he hơđang jơh ală bơta lơi cau sơnđan la yàng, hala phan lơi cau duh khoai, tian gơs nggui tòm hìu duh khoai Yàng Tom Trồ dê, mơ sơnđan is să he la Yàng Tom Trồ.

I Timôthe 4:3

Bol khai bơkơŭ lap klau tòmbau ùr, mơ sồr wèr ală phan sa Yàng Tom Trồ neh crơng gơs, ai cau dòn mơ git jơnau song in ưnngài mơ dòp ngui.