Daniel 11:36 - Sră Goh 2018

³⁶ Cau bơtau đah đang rơp lơh jat nùs kòñ khai dê; khai rơp pơnhừ să mơ yò tơngguh să khai jòng hơđang rlau mơ jơh ală yàng, mơ đơs ală jơnau tràl sơrbil ngan tòmsò mơ Yàng Tom Trồ ală yàng dê. Khai rơp geh bơtoah bơtoài jơl tus di tŭ bơta gơjrañ dờng Yàng dê geh bềng tơl, tài bơh bơta neh lơh nền pal gơlik gơs di ngan.

Daniel 11:36 ပူးပေါင်းရင်းမြစ်များ

Đơs Crih 136:2

Ưnngài tĕ Yàng Tom Trồ ală yàng dê, Bơh bơta kòñ gơboh kơ̆ dơn Kơnràñ dê gam sùm sùm.

Đơs Crih 33:10

Yàng Jehôwa lơh bơta bơyai ală lơgar dê gơlik gơs ò kwơ, Kơnràñ lơh ală bơta rơndap tap sèng ală làng bol dê gơlik gơs roh lơm.

Jơnau Pơnđik 19:21

Tòm nùs kòn mơnus gơs oă kai gơrmơ̆i; mơya nùs kòñ Yàng Jehôwa dê rơp gơlik gơs.

Esai 10:23

Yàng Jehôwa la Yàng Tom Trồ Gơnap Gơnoar Dờng rơp lơh wil tơl bơta lồi dut, be bơta lơh nền tòm làm jơh plai ù.

Esai 10:25

Bơh gam dô êt jŏ tai, bơta gơjrañ Añ jê rơp tus di tŭ lồi; mơ bơta gơjrañ dờng Añ jê rơp wèt hơ bơta tơnroh bol khai.”

Esai 10:5

Bòl glar Asiri in la gai bơta gơjrañ Añ jê, gai mơng tòm tê bol khai la bơta gơhào gơjrañ Añ jê!

Esai 14:13

Mê neh đơs tòm nùs mê lah: “Añ rơp guh hơđang trồ; añ rơp yò sơbàn añ jê jòng hơđang ală sơmañ Yàng Tom Trồ dê; añ rơp nggui di sơbàn hơđang mơnơm la tiah jơnum, hơđang tiah jơnhoa rlau Japhôn dê.

Esai 14:14

Añ rơp guh jòng hơđang bồ ală mhwal; añ rơp lơh añ in gơlik gơs ndròm be Bơtau Hơđang Jòng Rlau Jơh.”

Esai 26:20

Ơ làng bol Añ jê, mut tĕ tòm ơdŭ bol mê dê mơ til mpồng wơl; Pồn tĕ să bol mê tòm dô ơthoa, jơl tus di tŭ bơta gơjrañ dờng neh rlau.

Esai 30:33

Bơh Tôphet neh rcang bơh jŏ rau; gơ geh rcang sir cau bơtau in. Brong ồs gơ dê jrô mơ ơnàng, gơs ồs mơ lòng oă ngan; nhơm tă Yàng Jehôwa dê kung be dô nơm croh siau sa hơng gơ.

Esai 46:10

Añ neh yal tơlik bơta lồi dut bơh tŭ sơnròp, bơh ală tŭ tơngai rài yau, ală bơta òhềt gơlik gơs. Añ đơs lah: “Tơnggume broă Añ jê rơp bơtào kơ̆, mơ Añ rơp lơh gơlik gơs ală bơta niam nùs Añ jê.”

Esai 57:9

Bol mê neh cèng mơñà mơ bơtơl mơñà ƀô bơlhu ơn Molok in. Bol mê neh sồr ală cau kong sồr bol mê dê lòt hơ tiah ngài; tian gơs neh sồr mù tus hơ lơgar làng ƀồc!

Ejekiel 28:2

“Ơ kòn mơnus, đơs tĕ mơ cau at bồ Tirơ lah: Jehôwa Yàng Tom Trồ đơs be do: ‘Tài bơh nùs mê pơnhừ să gen mê neh đơs lah: “Añ la dô nă yàng; Añ nggui hơđang sơbàn ală yàng dê ơm tòm plai nùs dàlềng.” Mơya mê la dô nă kòn mơnus, ò di la dô nă yàng, bulah mê pơndròm dơngoh kơlôi mê mơ dơngoh kơlôi dô nă yàng dê.

Ejekiel 35:13

Mê neh ngui bơr nàng jòng să tòmdră mơ Añ, mơ neh đơs oă jơnau tòmdră mơ Añ, mơ Añ neh kơno gơ.’

Daniel 11:16

Mơya cau bơtau đah đang hơ̆ rơp brồ lơh jat nùs khai kòñ, ò gơs cau lơi rgơi ntào tòmdră mơ khai. Khai rơp ntào tòm tiah gơklŏ khai dê mơ gơs gơnoar hơđang làm jơh.

Daniel 11:3

Gen rơp gơs dô nă cau bơtau gơs gơnoar pràn bơtào tơngguh, ai gơnoar dờng at bồ mơ lơh ală bơta jat nùs khai kòñ.

Daniel 11:37

Khai rơp sền òsơp di ală yàng ồng pàng khai dê, di yàng mơ ală cau ùr kòñ gơboh, mơ sền òsơp di jơh ală yàng tài bơh khai bơtào is să khai dờng rlau jơh mơ ală yàng hơ̆.

Daniel 12:7

Cau klau soh bài che dơmài ntào hơđang dà hiòng pò tê ma mơ tê kiau hơđang trồ, mơ añ kơno khai ai sơnđan Bơtau gam kis sùm sùm dê mơ srat să lah: “Rơp rlau dô tơngai, ală tơngai, mơ nggùl tơngai; tŭ lơi gơnoar pràn làng bol sàng goh dê neh gơkòl roh gơprah jơh, gen tŭ hơ̆ ală bơta do rơp geh sir wil tơl.”

Daniel 2:47

Bơtau đơs mơ Daniel lah: “Ngan, Yàng Tom Trồ bol mê dê la Yàng Tom Trồ ală yàng dê, mơ la Bơtau at bồ ală bơtau dê, Kơnràñ la Bơtau yal tơlik ală bơta ndơp ndơr, mìng kơnòm di Yàng hơ̆ mơ mê rgơi yal tơlik bơta ndơp ndơr do.”

Daniel 4:35

Jơh ală làng bol tòm ù kòl sền be ò gơs bơta lơi. Kơnràñ lơh jat nùs kòñ Kơnràñ dê digùl ală gơnoar hơđang trồ, mơ digùl ală làng bol tòm ù; Ò gơs cau lơi rgơi kơryan tê Kơnràñ Hala lùp Kơnràñ lah: “Ñchi bơh tài Kơnràñ neh lơh behơ̆ taih?”

Daniel 5:19

Tài bơh Kơnràñ neh ai khai in gơnoar dờng gen jơh ală làng bol, ală lơgar, ală jơnau đơs rơm să rngòt di đap khai. Khai kòñ tơnchơt cau lơi gen tơnchơt, kòñ lòi cau lơi in kis gen lòi. Khai kòñ yò tơngguh cau lơi hala kòñ tơmù cau lơi jat nùs khai dê.

Daniel 5:20

Mơya, tòm tŭ khai yò is să khai mơ nùs khai gơlik kră kơldang bơh bơta pơnhừ să, gen khai kòl tă tơlik bơh di sơbàn bơtau khai dê mơ roh jơh bơta gơklŏ.

Daniel 7:8

Tòm tŭ añ ơm kơlôi tồ git bơh ală ngke hơ̆, nisơna gơs dô nơm ngke dềt gơhòn bơh digùl ală ngke hơ̆, mơ pe nơm tòm ală ngke lài gơkòl tă tơlik di đap ngke dềt hơ̆. Ngke dềt hơ̆ gơs ală gar mat be gar mat kòn mơnus, mơ dô nơm bơr đơs ală jơnau tràl sơrbil.”

Daniel 8:19

Khai đơs mơ añ lah: “Do añ rơp yal mê in git bơta rơp tus tòm ngai tơnơ̆, tòm pah rài bơta gơjrañ dờng dê; tài bơh bơta gơtơnggŏ gơ tơrgòm ală bơta gơwèt hơ tŭ tơngai lơh nền bơta lồi dut dê.

Daniel 8:4

Añ gŏ belàt dam hơ̆ gơ gĕ hơ đah mattơngai mut, đah đang, mơ đah đơm, ò gơs phan poan jơng lơi rgơi tòmdră jai mơ gơ, mơ ò gơs cau lơi rgơi dong tă bơh dê tê gơ. Gơ kòñ lơh bơta lơi jat nùs kòñ gơ dê, mơ gơ sơlo gơlik pràn rlau tai.

Sacari 11:16

Bơh Añ rơp bơtào tơngguh dô nă cau ê tòm lơgar, la cau ê rơp ò jòi belàt neh roh, ò kơlôi rcang belàt kòn, ò sơm belàt sồt rmàñ, ò siam belàt pràn, mơya rơp sa poac belàt niam rlau jơh, crè ală nđias jơng gơ dê.”

Jang 5:30

Añ ò rgơi lơh is bơta lơi; Añ cahrña jat bơta Añ kơno, mơ bơta cahrña Añ jê la song ring, bơh Añ ò jòi jat nùs is Añ jê, mơya jòi jat nùs kòñ Bơtau neh sồr Añ lòt tus.

Jang 6:38

Tài bơh Añ bơh đang trồ mù, ò di nàng lơh jat nùs kòñ Añ, mơya lơh jat nùs kòñ Bơtau neh sồr Añ lòt tus.

Broă 4:28

nàng lơh gơlik gơs ală broă gơnap gơnoar mơ nùs kòñ Kơnràñ dê neh lơh nền lài.

Yal Wơl 10:17

Bơh Jehôwa Yàng Tom Trồ bol mê dê la Yàng Tom Trồ dờng, gơs gơnoar pràn mơ pal rngòt, Kơnràñ ò cah is cau lơi, ò dòp phan loă.

II Tesalônika 2:3

Bulah cau ngui bơta lơi kung bañ lòi bol khai pơrlồm oh mi, bơh ngai hơ̆ rơp ò tus jơl tus gơs bơta pơrlơ̆ sang jơnau Yàng tus lài, mơ gơs cau glài dờng, hơ̆ la kòn bơta roh rui rơp geh yal tơlik.

II Tesalônika 2:4

Khai la cau tòmdră, yò tơngguh is să he hơđang jơh ală bơta lơi cau sơnđan la yàng, hala phan lơi cau duh khoai, tian gơs nggui tòm hìu duh khoai Yàng Tom Trồ dê, mơ sơnđan is să he la Yàng Tom Trồ.

II Tesalônika 2:8

Tŭ hơ̆ cau iơh bơsak ne rơp gơyal tơlik, Yàng Jesu rơp ngui nhơm bơr Kơnràñ dê mơ tơnchơt khai, mơ ngui bơta àng gơcrà bơta tus wơl Kơnràñ dê mơ tơnroh khai.

Jôsue 22:22

“Jehôwa la Yàng Tom Trồ ală yàng dê! Jehôwa la Yàng Tom Trồ ală yàng dê! Kơnràñ git; mơ lòi tĕ Israel in git! Dilah gơs bơta tòmdră hala bơta ò dòn bơr Yàng Jehôwa gen bañ lòi bol hi in kis tòm ngai do.

Yal Tơlik 10:7

mơya tus di ală ngai cau gơnrơh dơ̆ poh rơp uh kơlwòk, gen bơta ndơp ndơr Yàng Tom Trồ dê pal gơlik di ngan, jat be jơnau Kơnràñ neh yal mơ ală dĭ gơna Kơnràñ dê la ală cau gơnoar hwơr.

Yal Tơlik 12:14

Mơya cau ùr geh ai bàr nơm đar klàng bung dờng, tồ khai rgơi par pleh bơh di bơs mơ tus tiah khai ơm tòm ƀlàng bràs; tềng hơ̆ khai geh ròng siam tòm dô tơngai, ală tơngai mơ nggùl tơngai.

Yal Tơlik 13:1

Gen añ gŏ dô nơm phan poan jơng guh bơh dàlềng, gơ gơs jơt nơm ngke mơ poh nơm bồ, ală ngke ndau jơt nơm sơgơn bơtau, mơ di ală bồ gơs dô nơm sơnđan tràl sơrbil di Yàng Tom Trồ.

Yal Tơlik 17:17

Bơh Yàng Tom Trồ neh ơn bơta hơ̆ tòm nùs bol khai tồ lơh gơlik gơs jat bơta lơh nền Kơnràñ dê, tòm tŭ bol khai dô nùs bal jào gơnoar at bồ bol khai dê phan poan jơng in, jơl tus di tŭ ală jơnau Yàng Tom Trồ dê gơlik gơs di ngan.

Yal Tơlik 17:3

Añ geh rngoh rngac bơh Yàng Hwềng, mơ cau gơnrơh hơ̆ cèng añ lòt tus tòm ƀlàng bràs; añ gŏ dô nă cau ùr hào hơđang dô nơm phan poan jơng pơrhê, gơ gơs poh nơm bồ, jơt nơm ngke, să gơ bềng ală sơnđan tràl sơrbil.