Daniel 11:35 - Sră Goh 2018

³⁵ Tòm ală cau jak chài rơp gơs dô êt cau tìs nrah bơh hơ̆ tồ bol khai in geh lòng tiar, geh lơh gơs sàng goh mơ rào goh tơngai lồi dut in, tài bơh pal ơm gơn jơl tus di tơngai lơh nền.

Daniel 11:35 ပူးပေါင်းရင်းမြစ်များ

II Yal Yau 32:31

Kung behơ̆ bơh bơta gơs mpồl cau kong sồr bơh ală cau at bồ Babilôn dê, tus nàng lùp khai bơh tềl krơi neh gơlik gơs tòm lơgar, Yàng Tom Trồ sang lòi khai nàng lòng khai mơ nàng git jơh ală bơta tòm nùs khai dê.

Jơnau Pơnđik 17:3

Glah lòs ngui nàng tŏ tiar priă, bơnhă lòs ngui nàng tŏ tiar màh; Mơya Yàng Jehôwa lòng nùs kòn mơnus dê.

Esai 27:9

Gen tàng tài bơh bơta do tồi glài Jakôp dê rơp geh tơwài, mơ bơta do rơp la cồng nha bơta tă sang tồi glài khai dê: Tòm tŭ khai lơh jơh ală lŭ cơnòng duh khoai dê gơlik be lŭ cùr bơcah rpot rpet, ală rùp ràk Asera mơ ală cơnòng duh khoai chu kơlhô rơp ò gơs tŭ lơi bơt bơtào tai.

Daniel 11:27

Bàr bơtau hơ̆ gơs nùs mìng kòñ lơh iơh di gơp, bulah nggui bal di cơnòng nàng bơyai ơm gơtòmsòr bal, mơya đơs blac mơ gơp, mơ bơta hơ̆ ò gơlik cồng nha tài bơh òhềt tus bơta lồi dut tŭ tơngai neh lơh nền.

Daniel 11:29

Tus di tŭ tơngai neh lơh nền, khai rơp lòt tai tòmlơh mơ lơgar đah đơm, mơya dơ̆ tơnơ̆ do ò ndròm bal be dơ̆ lài.

Daniel 11:33

Ală cau jak chài tòm làng bol rơp bơto sồr oă cau: bulah tòm dô pah ngai bol khai rơp kong sreh tơnchơt, kong chu tòm ồs, mơ kong cau tòmpìt ai jơh phan mơna.

Daniel 11:40

Tus di tŭ tơngai lồi dut, bơtau đah đơm rơp tòmlơh mơ bơtau đah đang. Bơtau đah đang cèng rơndeh tòmlơh, ling hào ơseh, mơ ơhò tòmlơh, brồ lơh bơtau đah đơm kung be càl rbut dờng. Khai rơp tòmpìt ai oă lơgar, lòt gan tơnroh bol gơ kung be dà kŏ.

Daniel 12:3

Ală cau jak chài rơp gơcrà kung be bơta àng ală tap trồ dê; mơ ală cau tề lam oă cau tus hơ bơta song ring rơp gơcrà be ală sơmañ gam sùm sùm ò lồi.

Daniel 12:4

Ai mê, Ơ Daniel, prap gàr tĕ bơta ndơp ndơr mơ tap ƀang kì ală jơnau tòm sră do jơl tus di tŭ tơngai lồi dut. Oă cau rơp lòt tềng do tềng dă mơ bơta git wă rơp gơbơtơl tai.”

Daniel 8:10

Gơ gơlik pràn jơl tus di gơtòmlơh mơ mpồl hơđang trồ, tơndùh tòm tiah dô pơnah tòm ală sơmañ hơđang trồ, mơ gơ jă hơđang.

Daniel 8:17

Gabriel tus rềp di tiah añ ntào; tòm tŭ khai neh tus rềp gen añ rngòt ngan mơ gơpừ cup blup mat tòm ù. Khai đơs mơ añ lah: “Ơ kòn mơnus, git wă tĕ; bơh bơta gơtơnggŏ hơ̆ gơ tơrgòm ală bơta gơwèt hơ tŭ tơngai lồi dut.”

Daniel 8:19

Khai đơs mơ añ lah: “Do añ rơp yal mê in git bơta rơp tus tòm ngai tơnơ̆, tòm pah rài bơta gơjrañ dờng dê; tài bơh bơta gơtơnggŏ gơ tơrgòm ală bơta gơwèt hơ tŭ tơngai lơh nền bơta lồi dut dê.

Daniel 9:27

Khai rơp lơh kơ̆ nền dô bơta ho bal mơ oă cau tòm dô poh, mơya tus di nggùl poh, khai rơp pơndut jơh phan ơn duh khoai mơ phan ơn; mơ tòm tiah bol khai dê rơp gơlik bơta ngkòr ngkàc, bơta hơ̆ tơnggơs bơta tơnroh gơprah, jơl tus di bơta lồi dut neh lơh nền tuh hơđang cau lơh tơrlah tơrling.”

Habakuk 2:3

Bơh bơta gơtơnggŏ pal gơn tus di tŭ lơh nền; gơ đơs bơh bơta lồi dut, mơ ò đơs blac. Bulah sền gơlơh be òbat tus, gơn tĕ gơ; ngan gơ rơp tus mơ rơp ò lơh òbat.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Mathiơ 16:17

Yàng Jesu đơs mơ khai lah: “Ơ Simôn kòn Jôna, lơngai mê in, bơh ò di poac mơ mhàm yal tơlik mê in git bơta do ò, mơya hơ̆ la Bèp Añ ơm hơđang trồ.

Mathiơ 26:56

Mơya jơh ală bơta do neh gơlik tus nàng jơnau ală cau gơnoar hwơr dê gơlik di ngan.” Tŭ hơ̆ jơh ală cau bơtê sang lòi Kơnràñ mơ dô.

Jang 15:2

Ntê lơi tòm Añ mơ ò gơlik plai gen Kơnràñ koh sang, mơ ntê lơi gơlik plai gen Kơnràñ rcang niam, nàng gơlik oă plai tai.

Jang 20:25

Behơ̆ ală cau bơtê ndai đơs mơ khai lah: “Bol hi neh gŏ Yàng.” Mơya khai đơs lah: “Dilah añ ò gŏ tềl đìn di mpàng tê Kơnràñ, dilah añ ò ai ràs tê ƀư di tiah tềl đìn, mơ dilah añ ò ai tê ƀư di wĕ Kơnràñ, gen añ ò dòn.”

Broă 13:13

Pol mơ ală cau bơyô lòt bal bơh Paphô hào ơhò tus hơ Perje tòm ƀòn dờng Pamphili. Mơya Jang sang lòi bol khai, mơ rê wơl hơ Jerusalem.

Yal Wơl 8:16

Kơnràñ neh ai bol mê in mana nàng sa tòm ƀlàng ngềt ngơt, hơ̆ la phan sa mơ ală ồng pàng bol mê dê òhềt git, nàng tơnliah bol mê, mơ lòng bol mê tồ tus di lồi dut gơ rgơi gơlik gơs niam bol mê in.

Jakơ 1:2

Ơ oh mi añ jê, tòm tŭ oh mi tìp li bơta gơlòng bòl glar gen sền tĕ jơh ală bơta hơ̆ be la bơta hòn chò dờng,

Yal Tơlik 14:15

Gơs dô nă cau gơnrơh ndai lik bơh hìu duh khoai, hòi driau dờng mơ Bơtau nggui hơđang mhwal lah: “Ai tĕ mơ̆ Kơnràñ dê mơ toès, bơh jơ toès neh di, mơ kơnhai toès ù dê neh dum jơh rau.”

Yal Tơlik 17:17

Bơh Yàng Tom Trồ neh ơn bơta hơ̆ tòm nùs bol khai tồ lơh gơlik gơs jat bơta lơh nền Kơnràñ dê, tòm tŭ bol khai dô nùs bal jào gơnoar at bồ bol khai dê phan poan jơng in, jơl tus di tŭ ală jơnau Yàng Tom Trồ dê gơlik gơs di ngan.

Yal Tơlik 2:10

Mê bañ rngòt dê ală bơta bòl glar jê sồt mê mòr kong. Iat tĕ! Cà ràk mòr sơrbì dô êt cau tòm bol mê tòm hìu jàm, nàng bol mê kong lòng; bol mê rơp gơs bơta rung rài tòm jơt ngai. Dòn song tĕ jơl chơt, gen Añ rơp ai bol mê in sơgơn bơtau bơta kis.’

Yal Tơlik 7:14

Añ đơs lah: “Ơ Kơnràñ, Kơnràñ git.” Khai đơs mơ añ lah: “Hơ̆ la ală cau lik bơh bơta rung rài dờng, neh pìh mơ lơh bò ào jrùh bol khai dê tòm mhàm Belàt Kòn dê.