Daniel 11:34 - Sră Goh 2018

³⁴ Tòm tŭ bol khai kong behơ̆, bol khai rơp geh dong kòl dô êt: mơ oă cau rơp lơh gơs dô bă bal mơ bol khai dô bă ma blac.

Daniel 11:34 ပူးပေါင်းရင်းမြစ်များ

Daniel 11:21

Cau rơp tơrbŏ sơbàn hơ̆ la dô nă cau lac lèo, khai ò geh pồ bơtào gơnoar at bồ. Khai rơp tòmpìt ai lơgar tòm tŭ làng bol ò rcang lài, khai ngui kai gơrmơ̆i lac lèo nàng geh lơgar.

Daniel 11:32

Khai ngui jơnau rơmhòc nàng ơniai ală cau sang lòi bơta ho bal; mơya làng bol git Yàng Tom Trồ rơp tòmdră mơ khai dô bă pràn kơldang.

Mathiơ 7:15

“Kơrhia tĕ di ală cau gơnoar hwơr ma blac, la ală cau soh gơltau belàt lòt tus hơ bol mê, mơya tòm dơlam la so rhau jak kap crè.

Rôma 16:18

Bơh ală cau hơ̆ ò duh broă Bơtau Krist la Yàng bol he, mơya bol khai duh broă kơndul bol khai dê, mơ ai ală jơnau lơngồt bơkah rơmhòc nàng pơrlồm cau ò kơ̆ nùs.

Galati 2:4

Bol hi neh lơh behơ̆ la tài bơh ală cau ma blac ne mut òm tòm mpồl bol hi, nàng sền òm bơta khat gơboh bol hi geh tòm Yàng Krist Jesu, bol khai kòñ kup bol hi nàng lơh dĭ.

II Timôthe 4:3

Bơh tŭ tơngai rơp tus mơ cau ò bài iat bơta bơto sồr jơnau song; mơya bơh bol khai kòñ iat jơnau bơkah tồr, gen rơp jat nùs hàm kòñ is he dê mơ pơjum ală cau bơto ơm gùt dar he,

Sră Pơyoa Pol Dê Pơyoa Tit In 1:11

mê pal lơh bơr bol khai in ơm mŏ mŏ; bơh cồng nha ƀơ̆ ƀơl mơ bol khai bơto bơta ò di pal bơto, mơ lơh gơprah jơh hìu nhă cau ƀà dê.

I Jang 4:1

Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.

I Jang 4:5

Bol khai la bal mơ dunnia, gen tàng đơs jat be dunnia, mơ cau dunnia iat bol khai.

II Jang 1:7

Bơh neh gơs oă cau blac pơrlồm lik lòt tòm dunnia, la cau ò dòp Yàng Jesu Krist ai poac mhàm mơ lòt tus; hơ̆ la cau blac pơrlồm mơ la cau sòdră di Bơtau Krist.

Jude 1:4

Bơh gơs cau ƀà neh mut òm tòm mpồl bol he, hơ̆ la ală cau bơh lài òr neh kòl lơh nền lòi bơta cahrña in, la cau ò gơs nùs duh rngòt, neh tòmgơl bơta nđàc Yàng Tom Trồ bol he dê gơlik gơs bơta bung jang, mơ pơndang sang Bơtau Tòm At Bồ gơs mìng dô nă, la Yàng bol he dê, la Yàng Jesu Krist.

Yal Tơlik 12:13

Dơ̆ nagrài gŏ gơ neh kòl sơrbì tòm plai ù, gen gơ ting jat cau ùr neh deh kòn klau.

Yal Tơlik 2:20

Mơya bơta Añ ò bài mê, hơ̆ la mê lòi Jesabel, cau ùr sơnđan is să he la cau gơnoar hwơr, khai bơto sồr mơ pơrlồm ơniai ală dĭ gơna Añ jê tìs glài rềs àr bơrnàn mơ sa phan duh khoai rùp ràk.