Cau Bơto 7:25 - Sră Goh 2018

²⁵ Añ tơrwơl bơta kơlôi sơnơng añ jê, nàng git wă, sền sơwì, jòi jat bơta jak chài mơ sơntòm bồ dà ală jơi phan dê, mơ nàng git bơta iơh bơsak la bơrngơl gơla mơ bơta bơrngơl gơla la sơnrang sơnrồng.

Cau Bơto 7:25 ပူးပေါင်းရင်းမြစ်များ

Sơnròp Gơlik Gơs 34:7

Ală kòn klau Jakôp rê bơh tòm ƀlàng. Dơ̆ bol khai neh kơno bơh broă hơ̆ gen jê nùs mơ gơjrañ ngan, bơh broă iơh rmơh Sicem neh lơh cau Israel in, bic mơ kòn ơruh Jakôp dê la broă ò di lơh.

II Samuel 13:12

Khai đơs lah: “Bañ lơh behơ̆, ơ bi añ jê! Bañ bơklơn añ. Bơta do òhềt tŭ lơi gơs tòm Israel! Bañ lơh bơta iơh rmơh behơ̆.

Jơnau Pơnđik 17:12

Chan cau tìp jơgơu me kong roh kòn, Rlau mơ tìp cau bơrngơl gơla tòm bơta sơnrang khai dê.

Jơnau Pơnđik 26:11

Cau tùl gơla lơh wơl bơta bơrngơl gơla he, ò gơkrơi be dô nơm so neh hă, gen liap wơl.

Cau Bơto 10:13

Jơnau đơs bơr bol khai dê, rơp sơntòm mơ bơta bơrngơl gơla, mơ jơnau lồi dut bol khai dê la sơnrang sơnrồng iơh bơsak.

Cau Bơto 2:12

Gen añ wơlke nàng sền sơwì bơta jak chài, bơta bơrngơl gơla, mơ bơta sơnrang sơnrồng; bơh cau lơi tus tơnơ̆ cau bơtau rgơi lơh ñchi lơi taih? Mìng lơh bơta neh lơh sir rau.

Cau Bơto 2:15

Gen añ neh đơs mơ să tòm añ lah: Bơta neh gơlik tus cau gơla in, rơp gơlik tus añ in sơl; gen ñchi bơh tài añ neh gơs bơta jak chài oă ir taih? Mơ añ đơs mơ să tòm añ lah: Bơta hơ̆ kung la dô bơta roh lơm.

Cau Bơto 2:20

Tài behơ̆ añ gơplơ̆ nùs bơh bơta roh gơn kơnòm bơh ală broă bòl glar añ neh lơh hơđơm mattơngai.

Cau Bơto 7:27

Sền tĕ, do la bơta añ neh bàn, cau bơto đơs lah: bơtơl dô bơta mơ bơta ndai, nàng jòi bàn bơta sơntòm;

Jôsue 7:13

Guh tĕ, lơh sàng goh làng bol in, mơ đơs mơ bol khai lah: ‘Bol mê lơh tĕ să tòm he sàng goh tòm ngai hìng, bơh do la jơnau Jehôwa Yàng Tom Trồ Israel dê đơs lah: “Ơ Israel, ală phan pal tơnroh gam ơm digùl bol mê: bol mê ò rgơi tòmdră jai mơ ală cau sò tơm bol mê dê jơl tus di tŭ bol mê neh tă sang ală phan pal tơnroh hơ̆ bơh digùl bol mê.”